ماذا يحدث لي؟

الشخصيات

بعتذر جدا بس انا حذفت الصور عشان مخدش ذنب اي حد بس ❤

حوريه فتاه عندها ال25سنه، تخرجت السنه اللي فاتت من كليه طب بشرى قسم جراحه عامه،وهي اسم علي مسمي، فتاه مرحه جدا كانت متحرره شعرها طويل لونه بني، عنيها عسلي، وبشرتها بيضاء حليبيه، وعند ضحكها تظهر غمازتيها، اللي بتخطف قلب اي حد، بتشتغل في مستشفي حكوميه، وفي المستشفى دى بيقابلها شغل كتير جدا وضغوط اكبر بس عمرها مااشتكت لانها بتحب شغلها جدا، وملهاش غير اخ وحيد اصغر منها، وليها صديقه واحده بس هيا البيست فريند زى مابيقولوا، وحوريه يتيمه الاب والام وتقوم برعايتها من وهي عندها 13سنه جدتها وخالتها ودول عندها بالدنيا وما فيها ملهاش في الدنيا غيرهم.

شيماء صاحبه حوريه الوحيده واللي بتفهمها من نظرة عنيها صاحبه جدعه دايما واقفه في ضهرها اتخرجت معاها من نفس الكليه ونفس الدفعه ولما دوروا علي شغل اشتغلوا الاتنين في نفس المستشفى، بس شيماء دكتورة نسا وتوليد، وعندها 25سنه وبتحب الضحك جدا
وشعرها طويل ولونه اسود واطول من شعر حوريه بس هيا عملاه كيرلي عشان طوله بيضايقها، وعينيها لونهم ازرق، وبشرتها خمريه وهيا مش بتفترق ابدا عن حوريه، وخصوصا بعد وفاه اهل حوريه في حادث. وساكنه قريب منها وبيروحوا الشغل وبيرجعوا سوا.

ادهم، اخو حوريه، عنده 21في سنه 3كليه تجارة وادارة اعمال، راجل يعتمد عليه من ثانوى وهو بيشتغل عشان يصرف علي اخته وجدته وخالته، جاب مجموع كبير بس هو اصر علي كليه تجارة عشان يلاقي وقت كبير للشغل لان المعاش بتاع والده وجده ميكفيش
ولانه طموح جدا وبيتعلم بسرعه اووى فتح كشك بقاله، وهو في ثانوى ودلوقتي بقي ماركت نوعا ما كبير، وسيطه مسمع في المنطقه كلها. لانهم ساكنين في حاره شعبيه فالكل عارف بعضه والجيران في حارتهم عندهم ترابط شديد.

جده حوريه الحاجه صفاء، عندها 70سنه، الست دى حنيه الدنيا كلها فيها، وعلطول بتراعي ربنا في احفادها حوريه وادهم، وحفيدتها اللي عندها 10سنين بنت مريم بنتها اللي جات وسكنت معاهم في نفس البيت بعد طلاقها من جوزها فنعم الجده هيا ، عندها مشاكل صحيه تتعلق بقلبها، وهنا نبهت عليهم حوريه يبعدوا عنها اي اخبار وحشه، ولو حصلت حاجه مش كويسه يداروا عليها عشان متتعبش.

مريم خاله ادهم وحوريه ومامت حنين بنتها عندها 10سنين، عندها 32سنه مطلقه من جوزها بعد عذاب، لانه كانت معاملته ومعامله امه ليها سيئه جدا وفي الاخر امه تقومه عليها يفضل يضرب فيها لحد اما ترقد لها في السرير مش اقل من يومين جسمها كله مدغدغ، بنتها حبيبه جدتها وامها وبيحاولوا يعوضوها حرمانها من الاب اللي مسالش عنها من ساعه اما طلق مريم وكانه طلق بنته معاها مكفوش انه كان بيعاملها معامله الخدامين هو وعيلته كلها حتي سلفتها، حاولت تشتغل عشان تصرف علي بنتها بس ادهم رفض جدا بس نزلت تساعده في السوبر ماركت.

فارس، شاب عنده 31سنه مخلص جامعه امريكيه قسم ادارة اعمال وبيزنيس مان، وعنده شركه استيراد وتصدير وفاتح مستشفي استثمرارى، ولسه بيتوسع في شغله عنده شغله نمره واحد طويل وشعره اسود ، وعينه رماديه،واحيانا في النور بتكون خضراء وعنده دقنه خفيفه، وعايش في ڤيلا صغيره مع اخوه الكبير فهد، وابوه ابراهيم، وامه ماتت وهي بتولده.
وليه صاحب ماسك معاه شغل الشركه اسمه ادم، وصاحبه ده كان زميله في ثانوى وواخد كليه تجارة جامعه حكوميه، وعايش مع مامته وباباه واخواته ولد وبنتين في مراحل التعليم المختلفه.

فهد اخو فارس الكبير جرب حظه في الجواز مره واحده، ومش بيفكر في الجواز خالص ودا هنعرفه في احداث الروايه وعنده 35سنه
وعنده مصنع فواكهه وبيصدر منه للخارج. والمصنع فتحه لما لقي ان الارض بتاعته بتطلع له فواكهه جودتها عاليه جدا،
وفرز اول وهنا كان ضرورى المصنع عشان الفرز والتغليف والتصدير.
وشغال عنده اكتر من 200عامل في الارض وفي المصنع.
وهو حنين ومحترم ودايما واقف جمب موظفينه ومشهور بينهم انه عمره ماكسر بخاطر حد منهم.
ولو واحد فيهم احتاج سلفه او علاج او مستشفي بيعالجه علي حسابه الخاص في مستشفي اخوه.

ادم صاحب فارس من وهما في ثانوى بس حصل واتنقل ادم وعيلته ونقلوا من المكان اللي ساكن فيه فارس،
بعد ماحصل لوالده ظرف خلي البنك يحجز علي املاكه كلها، لخساره تجارته في البورصه وعدم استطاعته سداد قرض البنك.
فحجزت علي الفيلا والشركه وكل املاكه ومتبقاش غير ميراث والدته،اللي منه اخدوا شقه ايجار في مكان كويس نوعا ما، واتبقي مبلغ بدا بيه والده من جديد بس في البدايه لازم تواجهه صعوبات هنعرفها برضه في الاحداث.
دى الشخصيات الرئيسيه، وباقي الشخصيات هنعرفها في سياق الروايه. اتمني تعجبكوا ❤❤