ماذا يحدث لي؟

الفصل السادس عشر

اتنفض ادهم ووقف بسرعه وعملت كده مريم ووقفوا جمب بعض بخوف وهما بيبصوا لبعض مش عارفين يقولوا ايه وبصوا لحوريه اللي انقذت الموقف وقالت وهيا بتدمع تيته حبيبتي وحشتيني اوى.

بتقولها وبتحاول تقوم ولما مقدرتش تقوم جدتها كانت وصلت عندها قعدت جمبها واخدتها في حضنها، وهي بتقول حمدا لله علي سلامتك يانن عين نينتك كده محدش يعرفني انك عملتي حادثه ، وتعبانه دايما انا اخر من يعلم.

قالتلها معليش حقك عليا ياتيته متزعليش منهم انا اللي قلتلهم انا مقدرش اسمع ان جرالك حاجه وانا مش جمبك متزعليش ياتيته انا والله بقيت بخير لما شفتك. بس انتي عرفتي ازاي؟

ابتسمت وقالت الخايبين دول مبيعرفوش يكدبوا علي طول عرفت ان في مصيبه، لما اصحي من النوم واسمع حنين بتقولي ان مامتها مانمتش في السرير خالص، وطول الليل كل اما بتقلق بتلاقيها قاعده عالسجاده بتصلي وبتعيط وبتقول يارب نجيها.

ولما اتصل بيها تقولي بجيب فطار وعشر دقايق وجايه، وتيجي ومتجيبش فطار، وهنا خبطت مريم علي دماغها انها فعلا نست انها قالت انها لسه خارجه وراحه تجيب فطار، وبتكمل صفاء لاء وتتاخر عما توصل نص ساعه، وكل اما اما اكلمها الاقيها سرحانه ومسهمه واسالها حوريه فين تقولي خرجت بدرى وانتي نايمه ومردتش تصحيكي مع ان لو ده حصل كنت هحس حتي ببوستك بتاعه كل يوم الصبح حتي لو نايمه، وادخل اوضتك الاقيها علي ترتيبي ليها معناه انك مش بيتي في البيت اصلا، واروح الماركت الاقيه قافل والاقي واحد من الجيران بيقولي انه شاف ادهم وهو بيوقف تاكسي بالليل هو وشيماء وهي كانت بتعيط.

كل دي اسباب تقنعكم اني بحس وبفهم وانتم بتهمشوني ولا لاء.

هنا رد عليها فهد وهو بيقوب ابدا والله العفو ياامي مقام حضرتك عالي جدا عليهم وبيشاور علي ادهم ومريم وحوريه وبيشاور علي نفسه وبيقول وعلينا احنا كمان بس هما محبوش يقلقوا حضرتك وتتعبي منهم،

وهيا بقت الحمد لله احسن بكتير وكلها يوم وتخرج تنور بيتها ولا ايه ياحوريه، هزت راسها وهنا ادهم جرى علي نينته وباس راسها وقالها حقك عليا ياروح قلبي طب قوليلي انا هجرى بمين ولا بمين انا قولت اتطمن علي حوريه وهاجي اطمنك ياقلبي متزعليش الزعل مش حلو علشانك.

لانت ملامحها وابتسمت وبتبص لفهد باستغراب، فراح ناحيتها وهو بيمد ايده وقالها انا ابقي فهد ابراهيم الحديدى اهلا وسهلا بحضرتك وبيرفع ايديها علي شفايفه عاوز يبوسها نتشت ايدها بسرعه وهي بتقول له استغفر الله ايه ده بتعمل ايه ياابني قالها ببوس ايد حضرتك احترام وتوقير يعني، ابتسمت وقالتله لاء ياحبيبي لو عاوز اللي بتقوله ده تبقي بوسه عالراس انما الايد لاء فاهمني هز راسه وباس راسها قالها ايوة طبعا ياست الكل يابركتنا.

بصت لادهم وقالتله تعرف الاستاذ منين ياادهم، ادهم قالها دا فهد جميله في رقابتي دا هو اللي انقذ حوريه ياتيته، قاله فهد عيب ياادهم احنا اتفقنا اننا اخوات لو قلت كده تاني هزعل والله.