ماذا يحدث لي؟

الفصل السابع

بص لها فهد وهو بيعيط، وقال لها وانا اللي كنت فاهم اني عرفتك في الاسبوع اللي قضيناه سوا، طلعت معرفش عنك حاجه خالص.
انا اوعدك اني هجيبلك حقك من كل اللي ظلمك واولهم طليقك، وعد مني لاسففه التراب واخليه يبوس رجلك عشان ارحمه ومش هيلاقي الرحمه، وهعلمه ازاى يستقوى علي واحده ست، متزعليش مني انا ظلمتك، بس مبطلتش احبك، ووعد واخده علي نفسي محبش غيرك وفعلا انا، هنا قاطعته مريم

وقالت له وهيفيد بايه الانتقام عمر الانتقام مابيهدى نار مشعلله جوانا انا مستنيه حقي، وهشوفه قدام عيني بس مستنياه من ربنا سبحانه وتعالي لانه هو العدل وانا خلاص، رفعت قضيتي من محكمه الدنيا لمحكمه السماء، اوعي تستهون بحسبي الله ونعم الوكيل الدعوه دى بتشق عنان السماء وربنا بيرد عليها وبيقول وعزتي وجلالي لانصرنك ولو بعد حين، ومتنساش ان من عدل ربنا انه بيدوق كل واحد من نفس كاسه يعني الظالم، هيلاقي اللي هيظلمه والشامت والحاسد و..كده اكيد فاهمني فهز راسه بتفهم.

وهي كملت سيبك من كل ده واحكيلي بقي كنت عاوز تقول ايه،....

في غرفه العنايه شيماء واقفه جمب سرير حوريه، وقالت لها بقي عاوزة تسيبني، اهون عليكي هو انا ليا مين غيرك انتي مش عارفه انك اغلي عليا من نفسي ياحوريتي وغلبتها دموعها، وقالت هو انا مش سايباكي كويسه وبتباشرى الحالات المستعجله ايه اللي حصل لازم تفوقي وتفهميني ايه اللي حصل وخرجتي ازاى وعملتي الحادثه امتي؟؟
وانتي قلتي انك مش هتروحي الا الصبح، ايه مشاكي في وقت دوامك؟
هنا حوريه حست بقهرة قلبها راحت لها وحاولت تحضنها بس كل اما تحضنها تلاقيها بتخترقها وبرضو حاولت تمسح دموعها بس معرفتش، هزت راسها حوريه باسي وقالت وانا لو فضلت عمرى كله مديونه لك مش هوفيكي ابدا حقك عليا، انتي حبيبه قلبي ياشيمو.

في نفس الوقت اخد ادهم فارس علي جمب وقاله بعد اذنك انا كنت بستئذنك بصفتك مدير المستشفى تعرفني مين دفع مصاريف عمليه اختي واقامتها، رد عليه فارس بعمليه شديدة وقاله انا مش عارف انت ليه مكبر الموضوع.
الحكايه وما فيها ان اخويا فهد فاتح هنا فرع مجاني والفرع ده عامله عندى هنا عشان اصطف الدكاترة والممرضين من احسن الدكاترة من حيث الخبره والشطارة،
فالفرع ده كل فترة بيجي فهد وبيحط في خازينته مبلغ مالي كبير عشان الناس اللي شغالين في الاراضي بتاعته والمصنع وناس رجال اعمال كبار بيتبرعوا للقسم ده.

والنهارده طلب مني فهد اني اضم حوريه للفرع ده، وطلب مني مقولش لحد ولا حد يعرفك بس انت اللي مصمم تعرف بقي .

علي فكرة فهد حس ان حوريه مسئوله منه من ساعت ما استنجدت بيه، انت متعرفش اخويا خدوم جدا وبيساعد كل الناس وصدقني تكاليف عمليه اختك مش مكلفه خالص والفرع المجاني اتولي كل المصاريف وغطاها وزياده.

وحابب اقولك ان الفرع ده وشه وش الخير عالمستشفي لان لولاه ولولا دعوات الناس الطيبين دول ما كانت اتشهرت المستشفي ولا حصلت لنا البركه دى كلها هون علي نفسك ياابو الاداهيم واعتبرنا انا وفهد اخواتك زى مااعتبرناك ولا ايه رايك؟