اول واحد اخد باله من اللي حصل كان فارس عشان كان مركز جدا مع حوريه وهيا كانت مقبلاهم هو والفنيين والجارد، ولما لقاها بصت بذعر للاتنين دول وقبل اما تقع عالارض طلع يجرى عليها بس اللي لحقها قبل ماتوصل للارض كان ادهم اخوها واشتالها ورفعها من الارض ودخل حطها علي اقرب كنبه قبلته وبدات شيماء تفوقها.
اما فارس اخد فهد علي جمب وقاله اول اما شافت الاتنين دول حصلها كده انا همسكهم اشوف ايه حكايتهم دول واتصل بسرعه علي قائد الحرس دخل هو وثلاثه معاه، واخده فارس علي جمب وقاله تاخدهم اوضتك بحجه انك هتحاسبهم وبعدين تفتيش ذاتي لحد اما افهم قصتهم ايه دول وفعلا الجاردات اخدوهم وعملوا كده، واتفاجئوا باللي لقوه معاهم......
كانوا كلهم حواليها وهيا بدات تفوق وفي اثناء ماهيا بتفوق اتصل فهد علي حاتم وقاله ايوه يافندم لما كنت عندك من شويه نسيت اسألك هو حضرتك بعت حد من طرفك يركب كاميرات للڤيلا النهارده؟
فرد وقاله لاء محصلش انا لما قولتلك ان الناس اللي متفقين عليهم هيجوا الساعه 4الفجر كنت اقصد كل عناصر المجموعه بما فيهم اللي بيركبوا كاميرات وتهكير لانهم في مأموريه واول اما يوصلوا هجيبهم وهاجي علطول ليه سؤالك ده يافهد حاجه حصلت؟
قاله ايوة وانا في طريقي ليك كلمني فارس ان في اتنين كانوا اتصلوا بيا الصبح وقالولي انهم من طرفك، الاتنين دول جم للڤيلا عشان يركبوا كاميرات من وقتها وهما هنا بس لما وصلت انشغلنا في تركيب اجهزة التتبع ونسيت اسألك عنهم،حاتم قالوا وبعدين وهو خارج يجرى من مكتبه وراح لمكتب محمود وبيستعجله انه يركب مأموريه بسرعه وبمركبات مصفحه،
فبيكمل فهد ان المشكله ان اول ما شافتهم الدكتورة حوريه صرخت جامد ومن خوفها وصدمتها اغمي عليها ياافندم وحاليا بنفوقها اهو فرد حاتم وقاله والاتنين دول فين دلوقتي؟
قاله خلينا قائد الحرس متحفظ عليهم في اوضته، قاله كويس جدا العيال دى متتحركش غير اما اشوفهم، بس سؤال انت لحقتهم يعني كنت واقف معاهم وهما بيشتغلوا قاله لاء بس فارس اخويا كان معاهم، فقاله اعطهوني، فسأله حاتم وقال الاتنين دول يافارس اوصفلي كده نوع الاجهزه اللي كانت معاهم قالوا معاهم كاميرات شكلها غريب جدا اول مره اشوفها ولما سألتهم ايه الكاميرات الغريبه دى قالوا انها احدث ماركات لسه منزلتش السوق وانها مستوردة وكمان كان في كبسولات صغيره وطويله كده بيركبوها جواها والكبسولات لونها احمر، ولاحظت كمان ياافندم انهم بيوصلولها كلها ببعض بسلك رفيع نحاس مش متغطي فبقولهم انتم ليه مش بتوصلوا كل كاميرا لواحدها فرد وقال واحد منهم ياافندم بعد اذن حضرتك اسألتك كتيرة جدا ومش هنعرف نشوف شغلنا كده وان دى اوامر حاتم بيه.
وهنا زعق جامد جدا حاتم وقال فهد انت سامعني ولان الاسبيكر كان مفتوح فقاله ايوة يافندم سامعك قاله اجرى بسرعه علي اقرب كاميرا وخلي الفون معاك وشوف لي كده فيها تايمر بيعد عد عكسي ولا لاء وانت يافارس خرج كل الناس اللي عندك لجنينه الفيلا ويفضل لمكان بعيد عن الكاميرات دى بسرعه انت وهو مفيش وقت وانا جايلك في الطريق اهو،
أنت تقرأ
ماذا يحدث لي؟
Mystery / Thrillerروايه بالعاميه المصريه، عن عصابه بتاجر في الاعضاء، وبالصدفه البحته بطلتنا حوريه كشفت العصابه فحاولوا العصابه يقتلوها ويخلصوا منها. بس الحادث ده خلاها تعيد حسابات كتيرة جدا في حياتها. ودا هنعرفه في احداث الروايه
