EX-change _ SEVENTEEN (ရည်းစားဟောင်းပြောင်းလဲခြင်း)

EP // 19

Q. ဘယ်သူ့ကိုစာပို့ခဲ့တာလဲ?
  
 
Hoshi : Jihoonကိုပါ 
 

Vernon : Jun Hyung ကိုပို့ခဲ့တာပါ

  
Seungkwan : Hoshi Hyung..? Hoshi Hyung ကိုပို့ခဲ့တာလို့ထင်တာပဲ ဘာပို့ခဲ့လဲတော့တိတိကျကျမမှတ်မိတော့ပေမယ့်..

-

နေလည်းအတော်ပင်စောင်းနေပြီဖြစ်သည်။ အချိန်တစ်ခုတွင် အိမ်မှာရှိနေသူတွေရော ၊ အပြင်ရောက်နေကြသော သူတွေရော စီပါ တူ‌ညီသောစာတစ်စောင်ရောက်လာလေသည်။

"အခုပဲ ဒီနေရာကို လာခဲ့ဖို့ဖိတ်ခေါ်ပါသည်။
နေရာ : XX, XX XX XX "

ထိုအချိန်အပြင်ရောက်နေကြသူတွေမှာ Shua နှင့် Mingyu အပြင် Seungcheol,Hoshi,Jihoon တို့ရှိသေးလေ၏။ ထိုသုံးယောက်မှာ အစားအသောက်ထွက်ဝယ်ရင်း စာလက်ခံရရှိခဲ့သည်မလို့ ဝယ်လက်စ အစားအသောက်များကို ထိုနေရာသို့ယူသွားရန် ကြံကာ စတင် ထွက်ခွာကြသည်။ အချိန်တစ်ခုအတွင်းမှာပဲ အသီးသီး ထိုလိပ်စာနေရာသို့ လူစုမိကြသည်။

"ရောက်နှင့်ပြီးသားလား? ဘာလဲ ဘာလဲ အားလုံးကိုခေါ်တာပေါ့နော်"

ထိုနေရာတွင်အိမ်‌ကထွက်လာကြသူ Jeonghan,Jun,Wonwoo,Myungho,Seokmin,Seungkwan,Hansol,Chan တို့ကအရင်ရောက်ကြသည်။ ခဏအကြာတွင်တော့ ဈေးဝယ်ထွက်ကြသူသုံးယောက်ရောက်ရှိပြီး မကြာခင်ပဲ Mingyu နှင့် Shua တို့ရောက်လာသည်။ 13 ယောက်စုံကာသွားကြတော့ ဘယ်သူမှမရောက်ခင်ကတည်းက ရှိနေသည့် စာအိတ်ကို ဖွင့်ဖောက်ပြီးဖတ်ကြလေသည်။ အလယ်‌တည့်တည့်တွင် ထောင်ထားသည့် စာအိတ်လေးမလို့ အလယ်တည့်တည့်တွင်ထိုင်နေသည့် Seungcheol ကပဲဖတ်သည်။

  " ဂျယ်ဂျူဒိုကိုခရီးထွက်ပါမယ်။ ပါဝင်သူတိုင်း ဆိုးလ် ကနေ ဂျယ်ဂျူဒို ထိအတူခရီးသွားမယ့် ဒိတ်ပါတနာကို ရွေးချယ်နိုင်ပါသည်။
1:1 ဒိတ်ဖြစ်သည်မလို့ အကယ်၍ထပ်သွားခဲ့သည်ရှိသော် ဒိတ်လက်ခံရမည်ဖြစ်သူက ‌ရွေးချယ်ရပါမည်။ match ဖြစ်သွားကာမှ အတည်ပြုပါမည်။ အချိန်မရွေးလည်း ပြန်ပြောင်းနိုင်သည်။ အောက်ပါ ဖုန်းနံပါတ်ကို ကိုယ်သဘောကျတဲ့တစ်ဖက်လူအကြောင်းပို့ပေးပါ။