EX-change _ SEVENTEEN (ရည်းစားဟောင်းပြောင်းလဲခြင်း)

EP // 22

Q. ဂျယ်ဂျူဒို ပထမဆုံးညက အမှန်တကယ်စိတ်ရင်းနဲ့စာပို့ချင်ခဲ့တဲ့ သူရှိပါသလား?

Seungkwan : အဲ့နေ့ကတော့ ပို့ချင်တဲ့လို့တွေးမိတဲ့သူမရှိသလို တကယ်ပို့လိုက်မိတဲ့သူကိုလည်း ဘာမှအရေးတယူမတွေးပဲပို့လိုက်မိတယ်ထင်ပါတယ် မှတ်တောင်မမှတ်မိတော့ဘူး ဘယ်သူ့ကိုပို့မိလိုက်မှန်း...

The8 : ပို့ချင်ခဲ့တဲ့သူက Wonu Hyung ဖြစ်သလို ပို့ဖြစ်ခဲ့တဲ့သူကလည်း Hyung ပါပဲ။ လွမ်းလို့လွမ်းတယ်ဆိုပြီး ပို့လိုက် တာပါ..

Jun : ကားမောင်းပင်ပန်းလာတဲ့ Kyeom ကိုပို့လိုက်တာပါ.. အတည်တကျပို့ချင်ခဲ့တဲ့သူလို့ရယ်တော့မရှိခဲ့ပါဘူး

-

"အဝတ်အစားတွေနည်းနည်းလေးမထည့်ခဲ့သင့်တာ.. အခုတော့နောင်တတွေရနေပါပြီ..."

Dokyeom,Jun,Chan တို့အခန်းက ရှည်လျားတဲ့သက်ပြင်းလေးနှင့်အတူထွက်လာသည့် Dokyeom ရဲ့စကားလေးတစ်ခွန်း။

ဒီအခန်းမှာတော့ Chan က သူ့ဖုန်းနဲ့ I don't understand but i luv u ဟုနာမည်ရတဲ့သီချင်းကို ဖုန်းဖြင့်ကျယ်လောင်စွာဖွင့်ထားသည် မလို့ တစ်ခန်းလုံး သီချင်းအသံတွေပြန့်နှံ့လို့နေလေသည်။ Dokyeom ကတော့ အဝတ်အစားတွေကိုဗီရိုထဲထည့်ရင်း အဝတ်အစားအနည်းသာယူလာသည်ကို နောင်တရကြောင်း ရွတ်ပြောနေသည်။ Jun ကတော့ ရေချိုးခန်းထဲမှာ ရေချိုးနေပြီး Chan ကတော့ သူ့ကုတင်ပေါ်မှာလှဲလျောင်းကာ သူ့သီချင်းသူ feeling အပြည့်နှင့်နားထောင်နေလေ၏။

"Chan na! မင်း အဝတ်အစားတွေဘယ်လောက်ထည့်လာခဲ့လဲ ဟမ်?"

"ကျွန်တော်လား?.. အင်.. 7စုံ 8စုံလောက်ပါမယ်ထင်တာပဲ... မသိဘူး ရောပြွန်းသပြွန်းအကုန်သိပ်ထည့်လာတာ"

"ဟူးလ်.. တကယ်ကို ငါ‌တစ်ယောက်တည်း နည်းနည်းလေးယူလာခဲ့မိတာပဲ"

"Hyungက ဘယ်နှစုံယူလာခဲ့လို့လဲ"

Chan မေးရှာတော့ Dokyeom က သူ့ရဲ့လက်ငါးချောင်းကို မျက်နှာဆူဆူပုတ်ပုတ်လေးနှင့်‌ထောင်ပြသည်။ Chan ကနောက်ပိုင်းဘာမှဆက်မပြောဖြစ်ပဲ ခေါင်းတစ်ခါခါနှင့် သီချင်းကို လိုက်ဆိုရင်း ဆက်နားထောင်နေ‌သည်။