شّعُور
الشّعور الحَادي عشّر|ليلة الإعترافَات
ِكتابة: وصال
__________
أخاف أقول مثل ما قالت أصالة و أعتِّرف!
_
إبتسمت حُور إبتسامة واسعة و هي تؤخر فِي رأسها بعيد عن مسرة و هي تشوفلها بِبرود قبل ما تقول: حلو طموحك و رغبتك فِي إن تتزوجي غيث و عادي ره لو إنه فضلك عليَا و قرر إن يأخذك عليا مش حندور فِي النهاية أنتِ خديتي فضلتي و مش العكس!
و لفت وجهها عنها و هي تشوف لِـ البنات اللي رجعت إندمجت فِي الهدرزة معاهم تحت أنظار مسرة اللي إشتعلت نار مِن كلام حور اللي خلاها تتمنى لو إنها تقدر تخنقها هنايا و قادم الكل لكنها ما تقدرش الشيء اللي خلاها تهز رأسها بِتوعد و هي تشد علىٰ إيديها قبل ما تنوض مِن جنبها و هي تغلي مِن الغضب
الشيء اللي خلا مِن حور تتنهد براحة و هي تشوفلها بِجانبية ما أن ناضت من جنبها و هي تحاول تتحكم فِي أعصابها و النار اللي فِي قلبها قبل ما ترمش بِعيونها و هي تذكر فِي أخر مرة صار بينها و بين غيث حوار و كانت هي السبب فيه!
|قبل إسبوع|
جمدت حور فِي مكانها و هي تلف فِي رأسها ليه و عيونها إستقرت بِداخل عيونه اللي تشوفلها بِنظرات أوجعت قلبها مِن الداخل قبل ما تبلع ريقها و هي تحاول تستجمع صوتها و قالت: مافهمتش شن اللي جاب مسرة ليك و اني ما فهمت شيء!
إبتسم غيث بِجانبية و هو يفك فِي إيديها عن قبضته قبل ما يحول وزنه عنها و هو يشوفلها كيف ناضت و هي تعدل فِي طريقة جلوسها و إيديها لا إراديًا إشتدت حوالين الروب اللي لابسته قبل ما تسمعه و هو ينطق بِبرود: خلينا نكونوا صريحين مع بعض حورية تمام، لو كُنتِ تبي تعرفي الحقيقة و هكي و لا غيرتي رأيك؟
هزت حور رأسها بِالنفي و هي تبل فِي شفايفها بِطرف لسانها قبل ما ترد عليه و هي تقول: هات ما عندك نسمع فيك!
زادت توسعت إبتسامة غيث الجانبية و هو يشوف لِـ تعابير وجهها قبل ما يرخى ظهره بِكل إريحيه على الكنبة وراءه و قال: إحنا لو بنحكو بِالحق الزواج هذا من أساسه مش مبني علىٰ حُب! هاذي أول معلومة لازم تفهميها و تخلي عقلك يستوعبها مافيش شيء بينا إسمه نحبك و تحبيني أو راغبك و نبيك كل هالزواج هذا صار لِـ سبب و بس غير هكي لعبة العواطف هاذي ماليهاش مكان بينا او فِي علاقتنا فاهمة عليا و لا مش فاهمة؟
رفعت حور حاجبها بِعدم تصديق ليه و إستنكار لِـ كلامه اللي نطق بيه و اللي خلاها تضحك بدون مرح و هي تقول: أوو حلو حلو، و شن ثاني سيد غيث كمل نسمع فيك اني و كُلِ أذان صاغية!
رمقها غيث بِبرود شديد مِن فوق لِـ تحت و هو فاهم عليها كويس و فاهم إسلوبها فِي إستفزازه إلاّ إنه تجاهل و هو يرد عليها و قال: عارفك تسمعي و شبه عارف اللي فِي قلبك توا شن فَـ خففي علىٰ روحك التوتر و الأعصاب لان مش باهي ليك
أنت تقرأ
شّعُور
Storie d'amore"يغمرُ قلبي شعور أنتِ سببه". • شّعُور [رواية مِن دَاخل المُجتمع الليبي]. • بُقلم: وصَال سَالم. • جميع الحقوق محفوظة ©.
