ထုံးစံအတိုင်း ကောင်လေးကို Companyသို့
ဝင်ပို့ခဲ့ပြီး ဒေါက်တာ ဆေးရုံသို့ လာခဲ့သည်။
Childward မှာ စကားသံများညံနေလျက်
သူ၏ ရှေ့မှ မြင်ကွင်းကြောင့်
အံ့သြဝမ်းသာဖြစ်ရ၏ ။ ပန်က တခြားဝန်ထမ်းများနှင့် ရယ်မောကာ စကားပြောနေလေသည်။
ဒေါက်တာ့ကို မြင်တော့ ရယ်မြူးကာ အနားသို့လာ၏ ။
" မောနင်း သျှား"
" ပန်ကို အခုလိုလေး ပြန်မြင်ရတယ် ကိုယ်စိတ်ချမ်းသာတယ်သိလား "
" သျှားက စိတ်ချမ်းသာတယ်ဆိုတော့လည်း ပန်ကအရင်လိုနေပေးရမှာပေါ့ "
" ဘာပဲဖြစ်ဖြစ် ပန့်ကို အရင်လို ဖြစ်စေချင်တာ ကိုယ့်ရဲ့ စိတ်ရင်းအမှန်ပါ "
" ပန်ယုံပါတယ်၊ နေ့လည်ကျ ထမင်းအတူစားကြမလား ပန် ထမင်းချိုင့်ပါတယ် "
ငြင်းချင်ပေမယ့် ဒေါက်တာ ခေါင်းညိမ့်လိုက်မိသည်။
" ဒါဆို ပန်သွားတော့မယ် OTဝင်စရာရှိလို့ ၊ အခုက ပန် ဂျူတီပြန်စဆင်းလို့ သျှားကို လာတွေ့တာ "
ဒေါက်တာက လှည့်ထွက်သွားေသာ
ပန့် ကျောပြင်ကို ကြည့်ကာ အတွေးများနေ၏ ။ သူ့ကြောင့် အရှက်တကွဲ ဖြစ်ခဲ့ရသောကြောင့် စိတ်မကောင်းဖြစ်မိတာမှန်ပေမယ့် ၊ ပန့်လို အရာရာပြီးပြည့်စုံသည့်မိန်းကလေးကို သူ့ဘာကြောင့် အလွယ်တကူ မေ့ပြစ်နိုင်သလဲ ။ အသည်းကွဲပြီး ယူကြုံးမရ ဘာကြောင့်မဖြစ်ရသနည်း။
စတွဲ ကတည်းက ပန်ဟာ သူ့အတွက် အိမ်ထောင်ရှင်မကောင်းတစ်ယောက်ဖြစ်နိုင်သည်ဟုသော အတွေးကို ရှေ့တန်းတင်၍သာ ရွေးချယ်ခဲ့သည်။ ဒါဆို ဒေါက်တာ ပန့်ကို တကယ်မချစ်ခဲ့လေသလား.။ သူ့ဘဝကို ပြောင်းပြန်လုပ်ခဲ့သည့် ထိုကောင်လေးကိုရော ဘာကြောင့် မမုန်းရက်နိုင်ရသလဲ ။
" ကိုသျှား "
" ဟင် ..သက်ဦး"
" သတိလက်လွတ်ကွာ ဘာတွေတွေးနေတာလဲ "
"......"
"မင်းသိထားဖို့ မင်းမှာ သက်ဆိုင်သူ ရွှေသွေး တစ်ယောက်လုံးရှိတယ်ဆိုတာပဲ "
" ရိုက်ပေါက်တွေ လာပြောမနေနဲ့ သက်ဦး ၊ ငါ ပန်အပေါ် အပြစ်ရှိသလို ခံစားနေရတာလွဲရင် ဘာစိတ်မှမရှိဘူး."
YOU ARE READING
" Tripartite Love " Season 1 + 2
Romance"ဇာတ်လမ်းအကျဥ်း" ဒေါက်တာသျှားညိုမင်းသွင် ကလေးအထူးကုဆရာဝန်ကြီး ( Child Specialist ) နှင့် တစ်ပွင့်ပန် ဆိုသည့် အမျိုးသမီးတို့ လက်ထပ်မည့်စဲစဲတွင်မှ နန်းရွှေဆိုင်စံအိမ်တော်ရဲ့ သခင်လေးဖြစ်သူ ရွေသွေးနန်းဆိုင်က ဒေါက်တာကိုအပိုင် သိမ်းယူလိုက်ခြင်းကနေ ဇာတ...
