ညက အဖြစ်ပျက်သာ သျှားညိုမင်းသွင် သိသွားခဲ့ရင် မင်းကို သူ့ဘဝထဲကနေ အပြီးတိုင်ထုတ်ပြစ်မှာပဲ..
အဲ့သည်အခါကျရင် မင်းကို သောက်ရမ်းချစ်နေတဲ့ ကိုယ့်ရင်ခွင်ဆီ အချိန်မရွေး ခိုဝင်လာခဲ့ပေါ့.....
*************************************
နန်းရွှေဆိုင် စံအိမ်တော်ရဲ့ ခြံရှေ့ရောက်လာလေတော့ ဒေါက်တာက ကားလေးကို ထိုးရပ်လိုက်လေသည်။ ကားပေါ်မှ ဆင်းကာ ကောင်လေးကို ရပ်လို့ စောင့်နေမိသည်။
ရေညှိစိမ်းရောင် ရှပ်လက်ရှည်နှင့် စတိုင်ပင် အနက်ရောင် ဘီရှည်ကို Fit size ကျစွာ တွဲကာဝတ်ထားပြီး ဆံပင်ကို သေသပ်စွာ အနောက်သို့ ဖြီးလှန်ထားပုံက တကယ့်ကို တည်ကြည်ခန့်ညားလွန်းလှသည်။
" ဟေး.. အဝေးကနေ ငေးကြည့်နေတော့မှာလား အနီးကပ်လာကြည့်လေ "
ဒေါက်တာရဲ့ ကျီစယ်သည့်စကားသံအဆုံးမှ သတိဝင်လာမိ၏ ။
ခဲရောင်ကွက်စိပ်ညဝတ်စုံကလေးနှင့် သူ့ဆီကို တဖြည်းဖြည်း ရွေ့လျားလာသည့် ပုံရိပ်ကလေးကို ကြည့်ကာ အသည်းယားလို့နေသည်။
" ကိုယ်က ဆေးရုံမှာပဲ ရှိမယ်ထင်နေတာ "
" ခဏနေမှ သွားမှာဗျ ၊ ဒေါက်တာ အိမ်ထဲဝင်ရအောင်လေ "
" မဝင်တော့ပါဘူးကွာ ဒီတိုင်းပဲ ဂျူတီမသွားခင် မျက်နှာလေး မြင်ချင်လို့ လာတွေ့တာ "
ပြောပြီး ရွှေသွေးလက်ထဲသို့ ကားထဲမှ မုန့်ခြင်းကလေးကို ထုတ်ယူကာ ထည့်ပေးလေသည်။ အပူခံဗူးလေးနှင့် ထည့်လာသည့် နွားနို့ နှင့် ချောကလက် ကိတ်လေး။
" မင်းကို စားစေချင်လို့ ကိုယ် ကိုယ်တိုင် လုပ်ခဲ့တာ ကုန်အောင် စားရမယ်နော် "
" ဟုတ် "
နဖူးပြင်လေးပေါ်သို့ ကျရောက်ရာလာသည့် ဒေါက်တာ လက်ဖဝါးလေး ။
" ကျွန်တော်နေကောင်းပါတယ်ဗျ "
" မျက်နှာလေးက ဖြူဖျော့နေတာပဲကွာ "
စိုးရိမ်မှုအပြည့်နှင့် ပြောလာသည့် ဒေါက်တာဆီမှ မချိတင်ကဲ စကားသံလေးအဆုံးတွင် ရွှေသွေးရင်ထဲ မွန်းကြပ်ပြီး ဝမ်းနည်းမှုများက အလုအယက်နေရာယူကုန်ကြလေသည်။
YOU ARE READING
" Tripartite Love " Season 1 + 2
Romance"ဇာတ်လမ်းအကျဥ်း" ဒေါက်တာသျှားညိုမင်းသွင် ကလေးအထူးကုဆရာဝန်ကြီး ( Child Specialist ) နှင့် တစ်ပွင့်ပန် ဆိုသည့် အမျိုးသမီးတို့ လက်ထပ်မည့်စဲစဲတွင်မှ နန်းရွှေဆိုင်စံအိမ်တော်ရဲ့ သခင်လေးဖြစ်သူ ရွေသွေးနန်းဆိုင်က ဒေါက်တာကိုအပိုင် သိမ်းယူလိုက်ခြင်းကနေ ဇာတ...
