ဒေါက်တာ ရက်ဘက်နား စိုစွတ်လာသည်မို့ ကျောပြင်လေးကို ပွတ်သပ်ပေးရပြန်ပြီ။
" ကိုးက အင့်...ကျွန်တော်တို့သွေးသားလေး ကို မလိုချင်လို့ စဥ်းစားမယ်ပြောနေတာပေါ့ဗျ..အင့် "
" မဟုတ်ဘူး...မဟုတ်တာကွာ... ကိုယ်က ဘာလို့ ကိုယ်တို့ သွေးသားလေးကို မလိုချင်ရမှာလဲ ကလေးရယ် ၊ အတွေးမခေါင်စမ်းနဲ့ကွာ ၊ တိတ်တော့... တိတ်...တိတ် "
ရင်ခွင်ထဲမှ ဖယ်ခွာလို့ မျက်ရည်များကို သုတ်ပေးကါ
"ကြည့်ပါဦး မျက်လုံးလေးတွေ ရဲနေပြီ ၊ လာ ကိုယ်မင်းကို အရင် သိပ်မယ် အိပ်ချင်နေပြီမလား "
အိပ်ယာပေါ် လှဲအိပ်စေပြီး ချော့သိပ်ရတော့သည်။
' ကလေးယူပြီးရင် အဖေနှစ်ယောက်နဲ့ နေရမယ့် ကလေးက ပတ်ဝန်းကျင်ရဲ့ ဝေဖန်မှုကို ခံနိုင်ပါ့မလား ၊ ပြီးတော့ သူတို့ကရော ကလေးအတွက် လိုအပ်တဲ့ မိခင်မေတ္တာကိုပါ အပြည့်ဝပေးနိုင်ပါ်မလား ။ သည်ကလေး ဒါတွေကို တွေးမိပုံရမည်မဟုတ် '
——————————————————
ရွှေသွေး အိပ်ယာနိုးလာတော့ ဘေးနားမှာ ဒေါက်တာက ရှိမနေချေ။
မနက်စောစောထပြီး သူ့အတွက် မနက်စာနဲ့ ရုံးကို ယူသွားဖို့ နေ့လည်စာပါ ပြင်ဆင်ပြီး kitchen ထဲမှာ ဒေါက်တာတစ်ယောက် အလုပ်ရှုပ်နေမှာ အသေချာပင်။
အပျင်းကြောဆံ့လို့ အိပ်ယာမှ ထလိုက်ပြီးနောက် ရေချိုးခန်းဆီသို့ ။ဘေဇင်ရှေ့ရပ်ကာ သူ့ရှေ့ဆံပင်လေးကို မှီသလောက်စုစည်းလိုက်၏ ။
Kitchen ထဲ ဝင်တော့ Apron ကိုဝတ်ထားပြီး အလုပ်ရှုပ်နေသည့် ဒေါက်တာ ကျောပြင်ကျယ်ကြီးကို ငေးကြည့်နေရင်းမှ ပြေးကာ အနောက်မှာ သိုင်းဖက်လိုက်တော့ ဒေါက်တာက မလန့်တဲ့အပြင် အပြုံးလေးဖြင့်သာ
" ဗိုက်ဆာလို့လား... ကလေး "
" ဟင့်အင်း..."
သူ့ ကျောပြင်တွင် မျက်နှာအပ်ထားသည့် ယုန်ပေါက်လေးကြောင့် ဟင်းချက်နေခြင်းကို ရပ်တန့်လို့ မျက်နှာချင်းဆိုင်လိုက်သည်။
မျက်နှာကို သေချာ သုတ်ပုံမရသည်ကြေင့် ဆံစကလေးများမှာ ရေစက်တချို့က တွဲခိုနေဆဲမို့ လက်ဖျန်မှ အင်္ကျီစလေးနှင့် သုတ်ပေးလို့နေ၏ ။
YOU ARE READING
" Tripartite Love " Season 1 + 2
Romansa"ဇာတ်လမ်းအကျဥ်း" ဒေါက်တာသျှားညိုမင်းသွင် ကလေးအထူးကုဆရာဝန်ကြီး ( Child Specialist ) နှင့် တစ်ပွင့်ပန် ဆိုသည့် အမျိုးသမီးတို့ လက်ထပ်မည့်စဲစဲတွင်မှ နန်းရွှေဆိုင်စံအိမ်တော်ရဲ့ သခင်လေးဖြစ်သူ ရွေသွေးနန်းဆိုင်က ဒေါက်တာကိုအပိုင် သိမ်းယူလိုက်ခြင်းကနေ ဇာတ...
