مابين الماضي والحاضر

part. 2

لا توصيني على روحي
وروحي عندك ♡

*************🍂

روحي تلوب اريدها تصحة حتى اسألها ماكو ضلت نايمة والولد راح إلمن أسأل
لثاني يوم دخلت للغرفة ڪ زيارة مريض
فتت لكيت "ماري" تسوي بالفراش وهي صافنة بغير عالم أسألها اريد تجاوب ماكو اندگ باب الغرفة ودخلو مجموعة محققين ومن ضمنهم الولد ، سلمو وگعدو بلش واحد. يستفسر منها او يسألها ماتجاوب
المحقق: حضرتج وين چنتي وشنو الي ووصلج لهذا الحادث؟
وتين: اخذت نفس وحچيت بقلة صبر، بكل مابالموضوع انو جيت من السفر من مطار بغداد الدولي وبالطريق اخذت سيارة اجرة وهي نفس السيارة الي صار بيها الحادث
المحقق: ماتعرفين شون صار الحادث؟
وتين: إلي اعرفة او اتذكرة صارت شاحنة كبيرة لنقل البضائع وهي الي صدمت السيارة والي قلل من اصابتي حاولت اخرج من السيارة بس ماحالفني الحظ..

هز راسة المحقق والولد يكتب حچيها بس مبين عليها مطايقتهم وطلعو بسرعة..

نور: وتين حبيبتي ليش هيج تحچين كأنما ماطايقتهم
وتين: هو اني لاطايقتهم ولاطايقة روحي
ولاتسأليني ليش، واليوم اذا مااطلع منا احرك المستشفى والي بيها
نور: وتين هاي شبيج ماجنتي هيج شبيج
وتين: متخبلة ارتاحيتي اذا ماطلعت مايصير خير

افكر بداخلي ياربي شلون وية هاي البنية
رحت سويتلها فحص كامل طلعت مؤشراتها جيدة يعني يسمحولها تطلع. وبدربي امشي صدفت اشوف نفس الولد الي جان البارحة بليل يمنه

نور: العفو اخي ممكن ثواني
إلتفتلي بكامل جسمة: اي تفضلي
نور: ممكن اعرف شنو إسمك ولو هو تدخل
تيام: لاعادي اسمي تيام
صفنت اسمة حلو وهو حلو، عاشت الاسامي
هزلي براسة بدون مايجاوب
رحت اركض للغرفة ابلغها راح نطلع ولة انصدم ماموجودة بفراشها!
ياربي وين راحت بس لا..
اركض ادور عليها اخر شي تعبت ماادري شون انتبهت تتمشة هي وماري
نور: وكعتي قلبي وين جنتي؟
وتين: حبيت اتمشة واشم هوة، باوعت بيدها اوراق، هذول شنو؟
انتبهت لإيدها: هذول اوراق خروج حتى تطلعين
اويلي الفرحة ماسايعتني، بس حبيت لما ضحكت عليها لان مستحيل اكون عديمة ضمير واحرك مستشفى
رجننة للشقة مالتنة اوف احس نفسي رايحة بأكثر مكان بي امان وافتر حوالين نفسي مامصدكة وأخيراً راح ابلش ابحث عن توأمي لان هو حبل نجاتي الوحيد..

༺༻بعد مروور شهر༺༻
وتين..
فتت اقدم اوراق نقل عملي وشافو عندي مؤهلات بتوضيفي بأحسن مكان
العميد: بما انو انتي دارسة ڪضابط وعندج رتبة ودراستج بالخارج وتحقيق راح نخليج قسم جنائيات وايضا اذا احتاجينة ضابط بعمليات خارج البلد راح نحتاچچ
وتين: شكرا جزيلا
أخذت اوراقي وتقدمت ادور على المكتب الي راح يكون إلي
واني طالعة من المكتب انضربت بشخص اطول مني: العفوا ماانتبهت، لااا هو نفسة وانصدم هو نفس الولد الي ساعدني بأكثر من مرة
تيام: شنو تسوين هنا؟
وتين: يشرفني ان اكون زميلتك بالعمل!
من صدمتة ضل صافن ولا تحرك، تحركت من مكاني راجعة للمكتب وهو بعدة صافن، يا هذا شبي ليش هيج انصدم معقولة يطلع مايشتغل هنا، بس اذا مايشتغل هنا ليش ينصدم؟
ضليت أسأل روحي الة تعبت
اندگ الباب وفاتت بنية كلش حلوة حطت اسمي على المكتب
وتين: تفضلي اضيفج شي
مريم: قبل لاتضيفيني شفت السيڤي وعجبتيني وحابة اصير صديقتج لان راح نكون زميلات عمل هم اعرفچ على المكان وهم آخذ من خبرتچ شوي
ضحكت: اي خبرة يامعودة قابل هسة شنو رتبتي المهم لازم اضيفج لان انتي اول ضيف يزورني وهم مايصير لان صرنة صديقات...

********🍂
تيام: دفعت باب المكتب بدون حتى إستئذان، ماتدري شصار اليوم ؟
إلياس: خير شمسوي؟ سولف على السريع مبين شغلة چايدة من دخلتك
تيام: لامامسوي شي بس الي سولفتلك عليها شفتها اليوم
نهض من مكانة مصدوم: أخاف متوهم ولك خاف مشبه ولك بس لا من كثر ماتفكر بيها تهيئتلك وعبالك هي
تيام: لاهي ولا كلتلي.. يشرفني ان اكون زميلتك بالعمل ولك بحياتي ماهيج مصدوم
إلياس: صح صدمة بس ماتحتاج كل هذا الارتباك، احچلي شبيك مرتبك
تيام: مابية شي بس تونة نحچي بيها فجأة اطلع ألكاها بوچهي
إلياس: يامعود جاي تبالغ إهدئ وان شاء الله محلولة
تيام: ولك شيحلها أني ماصدگت خلصت من التفكير ترجع تطلع بوجهي
إلياس: والله ماادري عوف السالفة وهي تنحل

لليل كلش طلع تيام وية إلياس وبالصدفة شافو وتين تريد تأجر سيارة
تيام: دغيتة بيإيدة، هاي گبالك
إلياس: باوع البنية تحسها من الي على نياتهم من شكلها بس إذا هي داخلة جنائيان حتى النيات تطير، رحت تقدمت وسألتها: مرحبا ممكن اعرف ليش واكفة برة بهذا الوقت؟
وتين: اهلا وسهلا ممكن اعرف ليش تسأل عن شي مايخصك؟
انصدمت من جرأتها، العفو ماقصدي بس سألت لان الوقت متأخر وماكو سيارات بهذا الوقت
وتين: اريد ارجع وداانتضر سيارة ألة ماتجي
إلياس: إذا اتحبين عادي إحنا نوصلچ، وأشرت على تيام الي صاعد السيارة ومامنتبه
وتين: لاتسلم انتضر
إلياس: صدگيني ماتجي سيارة بهذا الوقت تعالي نوصلچ سوة
وتين: تمام شكرا جزيلا لحضرتك على المعروف ماانساه
إلياس: لا ولو مابينة شكر بدام إحنة نشتغل سوة
صعدت لكدام وهي صعدت لورة، سلمت وتيام انصدم ضل صافن علي
إلياس: زميلتنة ويانة ناخذها لبيتها، هز راسة متفهم
إنطتة العنوان وهو وصلها لباب الشقة
تيام: انت شون تخليها تصعد ويانة بدون إذني
إلياس: عادي بنية ووحدها بالليل ميخالف ماصار شي
رجعت لبيتنة وهو راح لبيتهم

*********🍂
تيام..
اول مافتت إنعادت علي لحضة أول يوم إلتقيت بيها ، وشون تبچي وهسة هي وياي بنفس القسم
اووف شكد ماالدنية كبيررة ترجع تصغر وتجمعنة بالناس إلي ماتوقعنة نشوفهم مرة ثانية..

༺༺༺༺༺༻༻༻༻༺༻
يتبع..
لاتنسون التصويت وتعليقكم الجميلة
في أمان الله