وُمَا ذنْبَ الحُبَ ، عنِدمَا يِقَع بيِنَ إمِرأةَ عنَيِدةَ وُرجَلُ ذوُ كِبْرِيَاءْ
*******************🍂
تجهزت ولبست بلوز اسود رگبة (هاينك)
ولبست كيلوت اسود ورفعت شعري ذيل ولبست بوت قصير اسود ايضا وشلت الكوت مالتي بإيدي وتلفوني و طلعت نزل إلياس من فوك وأشرلي نطلع هزيت راسي معناها فاهمة ولان الياس ماعندة سيارة قررنة نروح بسياره كنان
آلاء: امي وين رايحين
إلياس: رايحين نجيب ماري ووتين تشوف نور مانطول
مرت عمة: زين انتو مااستحيتو هاي عود الكبار رايحين وعايفين الخطار
إلياس: انتي مو خطار انتي وحدة من عدنة بس اعرفچ تريدين اتسوين سالفه يلا اني رايح تضل عدكم العافية
طلعنة واحنة مامتحمليهم جة كنان وشغل السيارة اني لورة وإلياس لگدام، ماتحملت طگيتها
_اااففففف هاي شون متحمليها
كنان: هي اصلا نادرا ماتجي بس بالمناسبات تجي واكيد ماتفوتها
بيت عمي زينين بس هي الله يسلمها
فتنة للمستشفى وانصدم بيهم كلهم موجودين بس اني ماموجودة،
احمد وليث وحوراء وحتى شمس بس ايهم ماموجود لان تونة من طلعنة جان طالع قبلنة
سألناهم عن نور وكالو اكو اخبار زينة بس لازم باجر ضروري العملية لان نسبة مشيها بعدها ٨٥ بالمية!
تأملنة خير والشباب ماادري على شنو يتناقشون واني انتضر ماري تطلع لان مااعرف شعدها يم نور بالغرفة
انتبهت تيام صافن بالفراغ مااعرف على شنو باوعت بنفس المكان ماشفت شي باوع علي مرة ثانية حتى اعرف لكيتة يباوع علي اني استغربت بس عيوني رافضة توخر هو صار يرمش ووخر نضرة عني بس اني افكر
شبيج هيج ملگوفة بلا لو إلياس شايفج شيكول عليج
طلعت ماري واستغربت من شافتنة، لزمتها من اللاب كوت وجريتها علي
_عبالج تفلتين مني وتروحين وتطلعين سلامات
بلعت ريگها
_شبيج وتينة شمسوية
_تضحكين علي عبالج طفلة مو؟
_لاحشاچ بس غير اعرف
عفتها ومشيت تحمدت لنور بالسلامة وضلت گاعدة يمها لو بيدي ابات جاي نسولف وياها وطمنتها عمليتها مابيها اي خطورة حتى الدكتور مو منا من الخارج
واحنة مندمجين وسوالف وضحك نغزني کلبي
مااعرف شو حسيت اكو شي بالبيت
_الياس خل نرجع
_ليش ضجتي
_لا ماكو شي بس شوي تعبت
_ماشي، يلا كنون امشينة
مشينة وكل الطريق مااعرف حتى مزاجي تغير
ماري: شبيج وتين بيج شي
_هاا لا لا ماكو شي
_شربتي علاج
_اي
_لعد ليش وجهج مخطوف
_ماادري يا معودة لاتضل تسألين
_ماشي براحتج
نزلنة ورادو يفوتون الشباب من الاستقبال
_ويين فوتي من هنا
واشر على المطبخ
ماري: هو احنة دائما نفوت من لغاد ليش هسة تريدينة نغير
_لا مو اني افوت من المطبخ وشفتة غريب المهم اخاف جايكم ضيوف عيب
وصدك فاتو من المطبخ وسلمت على سجى وفتت لكيهم گاعدين بالصالة
_خير شبيكم هيج متجمعين
قصدت على البنات حتى سنار ووجهالة مجتمعين
سنار: امج جوة
وتين: ماما دجلة؟!
_اي
_وين
_بغرفة الضيوف
فتت اركض وفتت لگيتها گاعدة هي وامي سوة وجاي يسولفون
نسيت كلشي وگإن أحمال الدنية راحت
فتت ذبيت نفسي بحضنها وابجي احس نفسي فصلت عن العالم
ورة شوي استوعبت وسألتها...
_ماما انتي منو جابچ؟
خطر ببالي لان بس ليث والياس وتيام يعرفون مكانها!
_اني جيت
_مااقتنعت انتي شيجيبج انتي حتى العنوان ماتندلي
ضلت صافنة بوجهي ووخرت راسها
مااعرف شنو السالفه كلهم غريبين اليوم
سمعت عركة برة
عفتها وطلع اركض
_سنار منو جوة بالاستقبال؟
تحچي وهي خايفة..
_مااعرف والله اكو ناس جابوها لأمج وكيان گعدهم بالإستقبال بين ماتجون
أنت تقرأ
مابين الماضي والحاضر
Mystery / Thrillerفي احد ازقة بغداد هنالك عائلة من الخارج جميلة ومن الداخل عبارة عن احداث غامضة... ياترى من منهم سوف يتجرئ عن فك تلك الأغاز....
