مابين الماضي والحاضر

part. 6

عندما تشتكي الى البشر يقولون لك، الله يعينك، أختصرها من البداية واشتكي لمن يعينك.
***********🍂
نور..
اليوم البيت مخبوص خبص بسبب السفرة لان ماري تريدنة هناك من وكت...
وتين: نور بما انو احنة عزمنة تيام راح اخابر عليه واشوفة اذا خلص يجي ياخذنة
_ لا عيب نوب نروح وياه
_يلا چا منو ياخذنة
_ نروح وية حوراء
_تمام راح اخابر عليها واشوف

خابرت على حوراء مثل خوش بنية بس طلعت اتروح وية ماري لان جيرانهم..

_عزيزتي حوراء تروح وياهم ومابقة احد يجي ياخذنة وخابرت على تيام گال ماكو مشكلة بس مسافة التطريق
_تمام مبين هذا اليوم من أولة.

طلعت تدفع بالجنطة ماعاجبها وعافتني وراحت..
إجة تيام ونقلنة الاغراض للسيارة وخابرنة حوراء تنطينة العنوان...

**********🍂
تيام....
السفرة وماادراك ماالسفرة امه محمد كلهة تريد تطلع رحنة هناك اني وتين ونور وتعرفت على ناس جديدة طبعا..

ليث: شباب شنو اتسوون
ماري: برأيي انو نطلع لمطعم لان تأخر الوقت مو مال شوي هسة
نور: ووافقها الرأي
ووتوجهنة نروح لمطعم وحجزنة طاولة كبيرة بس للنة والموجودين..
ليث يصير جيران ماري وحوراء تصير صديقتها ووأيهم الي هو صديقنة يصير ابن عمها اصحاب هل بستان الي راح نقيم بي هل مدة وااكيد ماننسة الدكتور احمد زميل ماري وزميلتها نور وصديقتنة وتين..

وتين: شباب منو متحمس مثلي
حوراء: اني متحمسة اكثر شي لفقرة الليل عندي هووواي اشياء اريد اسويها
ليث: اي شتسوين؟
حوراء: اصبر على رزقك جاي الليل خما طاير
وتين: صدك هسة احنة ورة ماخلصنة وين نطلع
ماري: نطلع للبستان
تيام: هسة المايك الي نلعب
نور: نلعب؟ شنلعب؟
تيام: شايفين السباقات مال الركض لما يقسمون الفريق مجموعتين بس ياخذون مثل العصا يلعب الاول ولما يصل الثاني ياخذها ويكمل الطريق.
أيهم: اي نلعب ليش شكو شعدنة

وماچذبو خبر الشباب دفعو الحساب وطلعنة رحنة لبيت بي غرفتين راح تصير غرفة للبنات وغرفة للشباب رتبنة ملابسنة واتفقنة نتقسم افرقة ونلبس نفس اللون انت ورفيقك..
ماري وايهم، نور واحمد، وتين وتيام، حوراء وليث.

تجهزنة وقسمنة اول شي السرة الاول الشباب والثاني للبنات..
ووبلشنة ركض البستان طويل ونركض لازم للنص حتى انسلم للقسم الثاني..
واسلم العصا البيدي لوتين بس جنت ثاني واحد ايهم سبقني، ووتين ماتجذب خبر وتنطيها ركضة وهي اسرعهن وفازت بالتحدي او اللعبة...

**********🍂
نور..
من غير شي اني واحمد مانتراهم انوب صرنة فريق توقعت راح يذب علي اللوم بس ماضاج بالعكس جان فرحان
نور: احمد انت ماضايج؟
احمد: لا ليش لاحتى اضوج
نور: توقعت لان خسرنة
احمد: لا عادي اني روحي رياضية المهم المشاركة..

الصراحه استغربت بس الي ماجانت روحة رياضية هي ماري شوي وتبجي لان خسرت وايهم يهدي بيها ساعة يضحك عليها شكلهم يضحك