مابين الماضي والحاضر

part. 13

ما يَلقى الفُؤاد وما لَقي
وللحب ما لم يبقَ مني وما بَقي
وما كنت ممن يَدخلُ العشقُ قلبهُ
ولكِن مَن يبصر جفونكِ يَعشقُ♥️..

*************🍂
فراس: اني جاي لاحتى اخذ خطيبتي
باوعلي تيام مصدوم..
وتين: اني مو خطيبة احد، وماامشي بكيف احد، ومااروح وية احد؛ افتهمت لو لا...
_بس ترة اندمج
_منو الي يندمني هاا، منو؟
جيت اريد اتقدم وامسح بي الگاع لان زودها، لزمني تيام يهديني ويمنعني بنفس الوقت..
ياسر: لازم كل شي يرجع لأهلة تيام، وانت من ضمنهم
تيام: ياأهل الي تحجي عنهم، الاب الي يدخل بشغل غير قانوني ويجبر بنتة وابنة يدخلون بهل صفقة، لو لان الام مارضت والاب نهة حياتها، لو البنت الي ماعدها احد وتمشي على عمه عيونها وهسة هي وية ابوها، لو البنت يريد يزوجها اي واحد. المهم عندة فلوس ومايعرفون شنو مصدرهن لو شنو؟ ماجاي افهم بالضبط..

_تياااام
_شكووو، اني مو هذاك الطفل الي چنت تجبرة يروح وين ماتروح لانك ابوية، لااا هسة اني صاحب قرارات وحر، منو انت هسة لاحتى جاي تجبرني؟
_اذا هذا قرارك راح تندم علية
_اكبر ندم. هو جاي احچي وياك، فما بالك بالشي الي راح اتندمني بي، ماعاد. يهمني..
فراس: يلا خلصت مسرحيتكم وشكرا على العرض. وتقدم بإتجاهي ، سحبني من ايدي لو اني احس جنيت واضربة راجدي قوي بحيث الصدى الضربة انسمع..
مااحس الة يجرني من شعري بس من ورة، لزمة تيام وين اليوجعة ضربة ..
هم بعد هاي الضربة سحبو قواتهم وراحو..
_تيام يلا خل نمشي

اني اعصابي فايرة وتيام احس حيل بعد. مابي وجاي يحاول يخفي العصبية بس مبينة هذيج من شراينة الي بإيدة..
شغل السيارة واني افكار اتوديني واتجيبني، فراس ليش بكل مرة يطلعلي، راح يموتني بالاخير بگد مالازگلي، احاول اهدئ من عصبيتي واخذ نفس ماجاي اسيطر، عكس تيام الي صار هادئ..
_تيام وگف السيارة
الدوخة اخذت مني حيل ولعبانة نفسي
_ليش صاير شي
_تيام وگف السيارة
گبل وگفها بنص الشارع بدون كلام، الشارع تقريبا فارغ لان احنة اخذنة طريق مختصر لان تيام يعرف وين راح يرحون..
گبل نزلت من السيارة نفسي عالي اريد اهدى صار كلشي يضرب علي مااعرف وجعي الداخلي مااعرف وجع روحي..
افتر بهل شارع ساعة يمين وساعة يسار رايحة جاية بصف السيارة وتيام واكف گبال السيارة بس صافن..
فكرت لان مالگيت غير هل حل الوحيد الممكن تخلص بي من الي جاي اعيشة..
رحت للسيارة فتحت الباب وصرت ادور، فتحت الچكمچة طبعاً توقعت مااخذ وياه للإحتياط..
طلعت برة السيارة افكر ممكن اني گد هل شي الي راح اسوي.
_وتين شنو الي بإيدچ؟
اسمع بس ماارد، ليش ماجاي تردين، يمكن لان تعبت من الكلام..
اني تعبت لازم اودع الحياة لان الجاي اعيشة ماجاي اتحملة
سحبت اقسام وخليتة براسي وية ماجاي اضغط علية تيام بسرعة رفع ايدي فوك، وسمعت الضربة..!
جيت انزلة لان مصممة على هل شي، زلم ايدي الي شايلة بيها السلاح جيت اخذة بإيدي الثانية لزمهم اثنينهم، ورجني وحچة بصياح..
_انتي شجاي اتسوين
_مايخصك ماييخصككك
_انتي شبيچ تخبلتي
_اي تخبلت مجنونة انجنيت على اخر، شعندك واگف وية مجنونة
احاول اسحب السلاح بسحب ايدي بإتجاهي.
_ماجاي تعرفين الي شجاي اتسوين، بعدچ مامدركة حجم المصيبة الي ممكن اتسويها
_اي، وشنو المصيبة الي ممكن اسويها
وجيت اسحب ايدة ازيد ضعط على ايدي بقوة، خلاني اترك السلاح ووگع بالگاع..! رجني بقوة تكبر من شوي وصار عصبي اكثر..
_انتي ليش ماتفكرين اكووو من يمووت وراااچ، هاا يمووت على فراگچ
صحت بصوت اعلة منة
_محد مااات ورة وااحد. محدد، كلة چذذب ممكن ينقر يوم يومين، بس هاهية الحياة ماشييية ماواگفة على وااحد، اقووة شي منا للسبعة مال الفاتحة وهاهية اذا طول ومن الباب المستحة يحي الاربعين.. انت شچااي تحچييي، كلها ادوور نفسسسها محد مهتم
_بسسس اني مهتتم
هين اني وكفت عصبية ورگزت على ملامحة، شكلة مو تيام الي اعرفة، تيام الي اعرفة هادئ بأغلب اوقاتة ومايتعصب الة للي يستوجب، هين الي گدامي تيام بس مو تيام.. اريد ارگز نضري يروح يمنة ويسرة، الشي الوحيد الي اشوفة هو عيونة..
_كلة اوهام محد. يهتم، لو اكو احد يهتم چان اول واحد. الي من چيت للعراق لحد الان ماشفتة حتى لو مرة بنفس الامكان الي چنت ابحث بيها عن شي يدليني بي، توأمي ادور علية وهو ماهوَ

.. تيام عافني وابتعد شوي، احس احد گلي احچي هي الدنية خلصانة، صرت ابجي لان حمل چبير واني وحدي محد يعيني..
_محد، محد اهتم ولاحاول يفكر، كلها انخدعت بالمضهر الخارجي وابتسامة، ترة مرات الابتسامة مو كل شي..
_وتين.. تعالي اشربي ماي اخذي نفس وارتاحي مابقة شي راح يصلون للفندق هسة هم يم المصور
_ايي؟ واني شعلي
_شنو شعليچ، غير اليوم زواج صديقاتچ
_وهنة وين، هنة وين هنة، دگول صديقاتي غير لازم مايعوفني
_هاي شبيچ غير انتي هن الوياهن مو العگس؟
_مو گلتلگ مجنونة، ترة الي يحاچي مجنون هم مجنون،يعني كلنة مجانين بس متنكرين
_تعالي ارتاحي صرتي تخربطين
_معناها اكو شي غلط حتى اني جاي اخربط، مجنونة شجاي اگلك بس ماجي تسمعني
مشيت للسيارة واخذت تلفوني وطلعت امشي لان بطلت مااروح للزفة ولاعرس ولاصخام
_هاي وين رايحة
_انت مو تگول ارتاحي؟ رايحة ارتاح
وطلعت للشارع العام واخذت تكسي وانطيتة العنوان اول ماوصلت انطيت كروة وفتت ميتة تعب احس جبال العالم على راسي مااعرف شون بدلت وتمددت على التخم الي بالصالة ورحت بغير عالم...

~في الماضي القريب....
ليث..
جيت اخذ ام وتين حتى ازديها لبيتها وجتي حوراء تركض
_هاا خير شبيج تكضين جنة جلب لاحگچ
_اي انت
_شنووو
_اقصد جيت اروح وياك، وجيت ركض حتى الحگ بيك
_وين تولين
_هاا شو هيچ، اروح وياك من تودي ام وتين
_دصعدي وچفيني شرچ

_يمة انتي صعدي ليگدام
_ليش خالة
_انتي موخطيبتة
_خطيبة منو خالة.؟ استهدي بالرحمان واگعدي ليگدام
_يايمة عالية السيارة ومااگدر آنة مااگدر، والله يمكن ثچلت عليكم
_على بختچ، هسة ليث، يشيلچ وهو المنون واني وياه

وصلناها وبوستني چثير ووصتني احط وتين بعيوني..
ليث مشغل اغاني ويرگص وياها
_هاي شبيك ليث صدك چذب، الحفلة هناك مو هنااا
_اشششش خليني منطرب
هزيت بإيدي ماعاجبني ووخابرو الشباب صارت الزفة من هناك يروح وياهم، لان راح يرحون على مصور ومن هناك للفندق،....

~الضهر...
فتت للمركز لگيت الشباب عادي مداومين بس اني لحد الان بجو الكآبة ومن الصبح استفرغ ورحت للمستوصف وطلع عندي تسمم، وشادة كانيولا، وروحي بخشمي
إلياس: هلاو وتين، شو البارحة ماكو
_هيچ ضجنت وقلبت على اخر لحظة، حتى خليت تيام ينزلني ورجعت وحدي اصلا
_خير خما بيج شي، شو كانونة ولابسة اسود
_شو الصبح رحت للمستوصف طلع عندي حالة تسمم ووبس
تيام: مابيج غير الصحة والعافية
باوعت علية زين مبتسم وعادي بس اني لحد هسة شكل وجهي مخربط
_تسلم
مابية حيل احجي كلمة وحدة مااكدر احس راح انفجر
فتت للمكتب لگيت ظرف، صار ايام يچيني نفس النوع والشكل..
گلت خل افتحة واشوف خيرر
اول مافتحتة الرسالة هي عبارة عن تهديد مثلها مثل غيرها، بس مكتوبة بالاحمر ومن فتحت الظرف لگيت رصاصة...
گبل باوعت وين لگيت اسمي وإسم تيام...
بدون مقدمات وأروح على مكتب تيام وادفع الباب بدون إستإذان، والياس هناك
گبل گامو ثنينهم على حيلهم
شلت الظرف وشمرتة على تيام، وخليت الرصاصة على المكتب...
_هاي شكو شصاير
_مااعرف انت ادرى اقراها وشوف...

يتبع....

***************🍂

صح تأخرت بالتنزيل
لكن تصل متأخرا خير مم ان لاتصل..
في امان الله.. نبض الحياة