مابين الماضي والحاضر

part. 3

لا أحَد ينقُصني ، إنمَا أنا أزيدك إن كُنت ناقِص !
"" "" "" "" "🍂

گعدت على صوت عراك الجهال هاي عود اليوم عندي عطلة أحاول انام بس ماكو فايدة طلعت عليهم: بس كافي انتو ماتملون اربع وعشرين ساعة معارك
ليان: عمة كولي ل يمان ينطيني اللعبة
ماري: يمون حبيبي انطينياها، انطانياها بدون مماطلة حطيتها بيدها وكبت العيطة، أمدة هيچ خلفة
ماري: إلياس صباحوو ياحلو، إلتفتلي إلياس: هلا صباحو
كعدت على الطاولة وصبحت عليهم، أكللكم اني روحي طفرانة سوولنة طلعة براسها حض
آلاء: مو عطلتي هل كم يوم وتريدين تطلعين واخوتج وين يرحون
ماري: أهو ياسالفة امي الي ماتخلص
عبد الله: بابا إذا هيج حابة تطلعين روحي وحدج او وية صديقاتج ورتبي روحة ماتحتاجيهم
ماري: إي والله صدك تدري ولا مفكرة بيها يسلمو، يلا باي أحبكم هواي
آلاء: وين مولية بعد ماكلمتي أكلج
ماري: رايحة على نور باي، واشرت بإيدي بس الظاهر نبع الحنان ماعاجبها هههههه
رحت على نور بس شفت سيارة نقل أغراض سلمت عليها وسألتها: ننوش هاي شنو ليش عدكم عمال
نور: هاي وتين رايحة للدوام واني ابتليت جايبة عمال يركبون مرايات بالفرفة الفارغة ونشرات مدري شتسوي بيهن
ماري: أها شون وحدة من تطلع ادزهم حتى تحطچ تحت الامر الواقع
عوفج منها تعالي أسولفلچ

********🍂
وتين..
طلعت اتمشة وشفت أحد يسأل منو يعرف يرسم، اوكف ثواني انت منو رايد بالضبط
_چاي شخص يقدم شكوة ومحتاجين احد يرسم شكل المتهم
وتين: اي وشتبين
_مالگيت احد اذا تعرفين شخص ياريت يجي لان محتاجي ضروري
وتين: مايحتاج اني اعرف ارسم وين اروح بأي غرفة موجودين
_موجدين بغرفة المحقق تيام
وتين: تمام ثواني واجي، رحت للمكتب اجيب ورقة وقلم يصلحون للرسم...

*********🍂
تيام..
جاية بنت تقدم شكوة على انو شخص فات للشقة مالتها وحاول انو يقتلها ف حولوها علي، زين تتذكرين شكلة؟
_ اي
فات الي دزيتة يدور على شخص يعرف يرسم، ها بشر لكيت احد لا؟
_ثواني وتجي
انتضرنة شوي وفاتت المحققة الجديدة
وتين: آسفة على التأخير، نعم أستاذ تيام شنو المطلوب رسمه
تيام: تفضلي
گعدت وسأل البنت الي كدامي، وبلشت توصفه واني ارسم على الوصف
البنت: اي هو بالضبط ، ابتسمو بوجهي مااعرف ليش ورديت الابتسامة
تيام: تكدرين تتفضلين تروحين لشغلچ وإحنا راح نرسل اشخاص بكونون مراقبين الشقة
طلعت البنت وردت اطلع وراها
تيام: ممكن لحظة
وتين: اي نعم تفضل
تيام: ممكن اعرف شنو اسمج؟
وتين: اسمي وتين
تيام: ولو تدخل شوكت تعلمتي الرسم
وتين: ماتعلمت هاي هوايتي من الصغر
تيام: ان شاء الله التقي بيج اكثر من مرة اتشرفت بيج، مد ايدة بإتجاهي
اني مامديت ايدي خليتها على صدري وهزيتلة راسي: واني اكثر واتمنا لو نصير اصدقاء، واتمنا تمحي المواقف التافهة الي جمعتنة
تيام: لا ابد موتافهة ويشرفني ان نكون اصدقاء..

*********🍂
حوراء..

مريم: الو، هلا قلبي شونج، اكلج قلبي ماعندي مجال تگدرين تجيلي للدوام
حوراء: الو، الحمد لله، ماادري اشوف دوامي واردلج خبر
مريم: تمام يلا باي
حوراء: بايات

رحت للمحكمة عندي قضية ويارب تكون من نصيبي اني شغلي بالمحكمة ڪ محامية مناصرة لحقوق المرأة
وكل عادة افوز بالقضية

ليث: محاميتنة بشري فزتي لا؟

يسألني وتوني فايتة مكتبة: ايي فزت وفرحانة
ليث: ان شاء الله دايمة
حوراء: تسلم
ليث: شنو تشربين
حوراء: تسلم مااكدر اشرب شي مامشتهية وعندي موعد اسفة
طلعت اركض ادور على اسمها بالتلفون
ركبت سيارتي وفتحت سماعة
_أكلج حب وين اكدر ألكاج يعني اذا اسألهم
_كليلهم على مكتب المحققة وتين
_تمام جاية
وصلت وسألت ودلوني علية
دخلت سلمت عليهن بس هاي المحققة اتجنن شكلها مريح للعين واحلا شي بيها عيونها شكلهن نعسان وشعرها كريلي وطويل
_اهلاً وسهلا بيچ نورتي حياتي
_بيچ اكثر بس هين مدااشوف غير نور عيونج
ضحكت خجلانة، وبلشنة نتناول احاديث عشوائية
وتين: بنات بدام صرنة صديقات لازم تزوروني اعرفكم على شلتي هم اعزمهن حتى تتعرفون عليهن
حوراء: ماعندي اي مانع لان من اخلص دوامي ارجع للبيت مو مثلكم
مريم: عادي اشوفلي يوم

********🍂
وتين..
خلصنة گعدتنة الجميلة وتوجهت للبيت فتت البيت اضلم شغلت الاضوية ولكيت رسالة بصفها وردة صفرة مكتوب بيها اتمنا لك احلام وايام سعيدة تخلو من ضجيج فراغهة ، وجوة متبوب بخط صغير حرف T
صفنت منو هذا الي يهمة امري، يامعودة فوم مالاكية واحد ينطيچ شوي اجابية...

يتبع...
༺༺༺༺༺༺༻༻༻༻༻
لاتنسون حبايبي التصويت والتعليقات بين الفقرات لان رئيكم جدا يهمني
في امان الله ...
_نبض الحياة~