فُـإذأّ شُـکْوٌتٌـ لَمًنِ شُـکْوٌأّکْ تٌـسِـعٌدٍهّـُ
أّضًـفُـتٌـ جّـرحًأًّ أّلَى جّـرحًکْ أّسِـمًهّـ أّلَنِدٍمًُ
،،،،،،،،،،،،،،،،،،،،،،،،،،،،،،،،،،،، 🍂
نور..
افتر بالممرات ماعندي شي واخابر عليها ماترد شسوي هسة هي؟ موگالت بس تخابرين ارد؟ الوقت متأخر خاف نايمة؟ بس لااصار بيها شي؟
والافكار توديني وتجيبني فتت جوة يم
ماري.
ماري:اگلچ عيني شو انتي بس تفترين مثل الحامل وتيد اتجيب شنو سالفتچ
نور: ادبسزز استحي شوي، هاي وتينة راحت بمهمة واني ماقبلت گالتلي من تخابربن اجاوب واخابر عليها ماترد وافكار توديني وتجيبني
ماري: لاتخافين عليها يجوز نايمة يجوز مهمتهم بالليل، اخوية هم راح البارحة عندة مهمة بتركيا بس قبل شوي خابرتة جاوبني لان رجعو للفندق
_ اخوج راح بمهمة وهم بتركيا، اگلج خاف هو وتين سوة يعني زملاء بنفس المهمة وهي ماتجاوب؟ خاف صار بيها شي؟
_ يامعودة ريحي نفسج كلشي ماعليها ماينخاف عليها وباجر اني احاچي اخوية واسئلة اذا عدهم هناك بنية بنفس اسمها
_خوش
_أگلچ عيني اني كاتلتني الضوجة وفكرت ليش مانطلع سفرة فد ثلاث ايام نتونس ونرجع
_اي بس مو هسة إلما ترجع وتين، وين نطلع سُفيرة؟
_اي هو هم هيج، نطلع سُفيرة على گولتچ للبصرة علي اني ادليكم المكان بس الما اتكتك الموضوع زين
_اهااا قصدچ لما تطبخ الطبخة زين
_عفية، فديت الي يفهمني، وهم الكم حق تعزمون شخص واحد
_ماعندي احد اعزمة لان انتي عازمتنة
_ودكتور احمد؟ ليش ماتعزمينو
_ماعاجبني اعزمو انتي عزمي اني شكو
احمد: خير سمعت اسمي بالموضوع؟
إلتفتنة ثنينة علية ووحدة تباوع بوجه الثانية
نور: هههههههه انت تجي على اخر الحديث وتجي تسأل انطي مجال يجوز يحچن شي هههههههه
احمد: اتوقع ماگايل نكتة حتى تضحكين
كشرت بوجهة يعني ماعاجبة هو ردها واني اهز بيدي مستهزئة
ماري: على كيفكم اخوان خل افهمك الموضوع وما فيه انو اني عازمتكم على سفورة حلوة لمدة ثلاث ايام نتونس ونرجع وانت من ضمن المعزومين
احمد: شكرا على العزومه اروح شوكت ماتعزموني طبعا ابن اصل ماارد هيج عرض الصراحة
كامت تعيوج بحلگها زعم ماعاجبهة كلامة هو صح يهوبز وينفش ريشاته بس قلبة طيب ماعجبها وجودة وطلعت من المكان
احمد: لو بس اعرف شمسويلها وهيچ تكرهني ارتاح
ماري: والله ماتكرهك هي بس شوي ضايجة وانت جيت توسلف ماعاجبها وطلعت
هز راسة متفهم وطلع، يبو هسة اني شعلية ابررلة زين هو ليش هيج مهتم؟ اوبااا بس لاا.، وگبل تطلع اركض ادور عليه واشوفة يحچي وية ممرض
ماري: دكتور احمد ممكن سؤال؟
احمد: ماخلصتي شتريدين مستعجل
_انت على طول مستعجل شنو الجديد..
باوعلي زعم ماعاجبة
_سؤال انت ليش دائما تتعارك وياها وتتضايقون لما تكونون بمكان واحد ودائما متزاعلين
_هيان انتي گلتيها دائما هو احنة هيج حتى من چنة بالجامعة وبس نتعارك وهي تصير ام دميعة واني اگع بيها
_سؤال ثاني انت عندك مشاعر اتجاهة؟
سكت ماردلي وضل صافن بوجهي تحرك بسرعة يمشي، وصحت وراه
_السكوت علامه الرضة بس انت شنو معناها اي
التفت بسرعة خازني وكفت بكماني، يووه شبي هذا مايتحمل
أنت تقرأ
مابين الماضي والحاضر
Mystery / Thrillerفي احد ازقة بغداد هنالك عائلة من الخارج جميلة ومن الداخل عبارة عن احداث غامضة... ياترى من منهم سوف يتجرئ عن فك تلك الأغاز....
