مابين الماضي والحاضر

part. 16

أريدگ...ربّـما تُـجيب هـذه الكلمة ...عن تسـاؤلاتـگ...♥♥"

جة تيام يرگض شغل السيارة وأشر لإلياس. لزم ايدي الياس حتى امشي لان بعد ماأكدر من الهبطة، فتنة للسيارة وساق تيام بسرعة...

***************🍂
إلياس ...
فتنة للمستشفى نركض الثلاثتنة رحنة سألنة عن اسماء المرضة حتى نعرف هم بأي غرفة شفنة ماري تركض بإتجاه وتين حضنتها
_خما بيكم شي عفية
_لا مابينة شي بس فدوة نور وو مريم حبابة شوفيهم
_تمام اني رايحه مستعجلة
طلعت تركض بإتجاه الغرف العمليات شافت ايهم حضنها وهي اتهز براسها
الظاهر ايهم يندل غرفهم..

وگفنة وية ايهم وسألت: شصار وية هذا الي خطف نور
_شحچيلك اول ماواصل مات، حتى مالحگو يسوولة اي شي

مرت ساعات الانتضار وزاد عن حدة، نروح ونجي ووتين من تعبها گعدت بالگاع ولامة رجليها فات ليث هو وحوراء
وفات كنان ووياه شمس

_ها كنان خما گلت لأحد
_ لا بس كلت لكيان حتى خاف يسألو يدبر حجة
وضع شمس مو احسن من وتين گعدن وحدة بصف اللخ..
طلعت ماري تبچي گبل گامت وتين عليها

_هاا ماري خما اكو شي صاير شي؟
ماتحچي بس تبچي گعدت بالگاع ونزعت كمامتها وصارت تلطم على وجها،
وخرت ايديها وتين وتهز بيها تريد اتجاوب

_نور... نور اذا صحت لو فاقدة الذاكرة لو...
_لوو شنووو، فدوة احچي مو گلبي مااات
_بعد ما... ما. تمشي
_شنو شنو تتشاقين مووو، تتشاقين، احچييي
إلياس: عوفيها بعد ماتتحمل
وخرتها لان هذيچ منهارة وهاي اتخض بيها
_عفيية انيي شووون بيية
_تهون وداعتچ تهون، بس تصحة وكلشي ينحل

طلع احمد يكمل الي بدتة ماري...
_محتاجين دم
وتين: اني اني اتبرع اني
_اني راح اتبرع
راح احمد بعدنة مامتحركين طلع الدكتور الي بالغرفة الثانية، گامت شمس ركضت علية

_دكتور فدوة اختي خما بيها شي
_البنت الي حامل
_اي اي
_منو ولي أمرها
_اني دكتور
_الولد الي جة وياها بنفس الحادث يقربلكم
_اي صديقي
_لاحول ولاقوة بالله
_دكتور...
_البقية بحياتك، الام والجنين توفو بسرعة لان الام قلبها كان ضعيف، والولد صار عندة نزيف شديد ومافادتة العملية..

بعد هذا الخبر خيط اخر امل انقطع. وماگدرت اضل واگف، وگعت بالگاع ودموعي الصعبة نزلت مو بس على مرتي صديقي وصاحبي كلهم بنفس اليوم، صعبة..

تيام وكنان ماعافوني وياي گاعدين، البنات وضعهم مو احسن من وضعي
بس وتين لحد هسة بمكانها، ايدها ترجف، صار بيها مثل الصدمة حتى بچي مابچت
_كنان گوم اسريع خاف صار بيها شي
گام كنان بسرعة ووكف بصفها...
_وتين..... وتين بيچ شي
سمعتة بس گال هل الكلمات وندسها، لزمت فتحة خشمها ورفعت راسها، وية مارفعت راسها اغمى عليها..
لزمها كنان اسريع گبل لاتگع بالگاع، ركضت عليها حوراء تصحي بيها ماكو ماتصحة..
ركضت ماري جابت ماي وبللت وجها، يلا صحت..
كومتها ماري للحمام اتغسل وجها حتى تصحة، بس شكلها مو تمام..