مابين الماضي والحاضر

part. 17

قال الفراق وقلت لاتطري الموت...
ماودي اسمع غير كلمة حياتي...
وصلك حياة وقطعة وصل تابوت...!
لحظة فراقك نفس لحظة مماتي..!

***********🍂

طلع إلياس ورقة التحليل وطلب مني الهوية انطيتياها..
_شوفو هو صح صعب الموضوع بس لاززم تتقبلو لان القدر هيچ حاك النة احداث....
وشرح إلياس الموضوع كلة من البداية لحد ما إجينة
الام سئلتني: شنو اسمچ
_اسمي وتين
جتي حضنتني ودموعها تتسابق
_اني.. اني سميتچ وتين
_ايي اعرف حبيبتي اعرف
تحضن بية وتبوسني مامدها تعوفني عبالك راح اضيع
انداريت لكيت ابوية وواكف جيت بسرعه حضنتة وبچيت لان مشتاقة
انداريت لگيت كيان واكف وبيدة كلينس
مسح دموعي وبوس خدودي وحضني
ووسنار هم عبرت عن اشتياقها
اول ماوصلت الها ضربتني بكتفي وحضنتي
آلاء: ماما لعد مريوم وين
سكتنة ماردينة مااعرف هم خايغين يحجولها او تعبانين
آلاء: ياا هاي شبيكم، واحد منكم يحچي شي
ماري: يمة ترة كلنة عل هل الدرب وو مريم انطتچ عمرها.
لطمت على وجها: ولكم شوون
كنان: حادث سياره جانت عدهم شغلة وطلعو وصار الي صار
بلشت موجة بجي من جديد بالگوة إلياس سكتها
ماري: تعالي عيوني حتى تنامين انتي هم تعبتي ونعسانة
_بس اني مااريد انام، هي ساعتين وونروح للمستشفى
_بس انتي تعبانة وعندج بعد علاج وابر
_مايهم المهم نور، خطية هي شلها دخل هم مستهدفيني وجتي هي بالغلط
_هذا قضاء وقدر، احنة مانگدر نتحكم بي
تعالي حتى ترتاحين شوي، اخذتها للغرفة مالتي
_اليوم حتنامين يمي، لان غرفتج تحتاج تعديلات
ووهذا تراك فوتي سبحي حتى ترتاحين وواني رايحة اجيب العلاج

رحت اسريع بين ماتسبح شافني إلياس
_خليلها فد منوم بالإبرة حتى تنام
_مايحتاج هي اصلا تعبانة هسة تنام
_لا ماراح تنام لان ببالها الروحة
_خوش
طلعت وسويت مثل ماگالي ووفتت للغرفة لگيتها واگفة گدام المراية تمشط بشعرها ودموعها تنزل بهدوئ
اخذت ايدها وگدت مسحت دموعها وعدلت خصلات شعرها النازلة
وضربتها ابرة وجبرتها تشرب علاج
ونمنة ثنينة من التعب..

فزيت على دگة الباب، گمت فتحتة..
_يلا راح نتأخر
_يلا يلا جاية
_بالعجل بدون صوت
هزيت راسي وركضت ابدل ملابسي
خلصت فتت للمطبخ لگيت كنان گاعد على ميز الطعام
_صباح الخير سجو
صبحت على الخادمة مالتنة رد علي كنان
_واحنة شبينة نبزبز
_انت الخير والبركة، شجاي اتسوون
_جاي اسوي گهوة لكنان تحبين تشربين وياه
_اي اذا موزحمة احسبي احسابي
وانت كنون شو من الصبح گهوة
_مجاني نوم وماراح اگدر اقاوم گلت اشرب گهوة حتى اصحصح وهم اريد اخذ اجازة ماألحگ
_اي صدگ حقك
شربنة گهوة وتوجهنة لأماكن شغلنة
رحت الصبح للمستشفى وبديت بشغلي بس ماانسة نور كل شوي اروح يمها واحمد كذلك واليوم حوراء ضلت گاعدة يمها من الصبح جاية
خلص النهار ركض ركض بدون مانحس
وصيت احمد يسوي تحاليل عن وضعها بعد راح ترجع تمشي لو لا
وگال اني اتكفل بالموضوع...