مابين الماضي والحاضر

part. 10

ما فائدة أن تحبني كثيرًا ولا تفهمني تفتقدني ولا تبحث عني، أن أكون ضمن أشيائك ولا أكوّن أهمها ؟.

************🍂
وتين...
فتت للشقة الي چنة متشاركيها اني ونور احس الروح الحلوة راحت من راحت نور مجاني نوم البارحة وقررت شوي اخفف عن نفسي وارسم..
بس لما لزمت الورقة والقلم احس رحت بعالم مختلف بي بس صوت افكاري..
اريد خيالي ينسجلي صورة بس مع الاسف ماكو ومالگيت نفسي غير اني احدد بالوجه وبلشت رسمت عين وبعدين العين الثانية ومااحس الة اني مخلصة الرسمة واكيد راحت وية اللوحات الثلاث الي كل يوم من الايام يزداد عددهن بس كل صورة تحچي شي مختلف عندي لوحة بالزيتي رسمتها واني افكر شصار وياه بعد ماساعدني، هل هو عايش بحياة زينة سعيدة... الثانية جانت بالفحم رسمتها من اول ماطلت من المستشفى وتحسنت حالتي رسمتها حتى ماانسة الشخص الي ساعدني.... وهسة الثالثة هم بالفحم لكن كان شعورها مختلف عن باقي الرسمات گأنها مجموعة مشاعر متخربطة مجموعة بلوحة وحدة...
سديت الدفتر بعد ماارتاحيت لكن ينقصني شي واحد...

**************🍂
إلياس...
متحمس لان راح يداوم وياي تيام باجر وترجع حياتنة لمجراها..
واني امشي بالممرات لاحظت او لمحت وتين متوجهة لمكتبها استغربت معقولة يمكن لا، لان هم باجر يداومون اقترب اكثر ووكفت سلمت علي ورديتلها السلام...

_وتين بيچ شي؟
_لامابية، ليش هل سؤال
_احسچ مو على بعضچ وضافرة شعرچ مسويتة ضفيرة وانتي بالعادة فاتحتة مغيرة لون اللبس تلبسين فاتح هسة مايلة للبني
_شدعوة هيچ مركز، ماكو شي بس التغير حلو
_اتمنا يكون فقط تغيير

مشيت من يمها بس مامقتنع وخابرت على تيام
_الو تيام شلونك، شو ماكو متجي اليوم للدوام؟
_الو هلو إلياس، بخير، ليش رايدني اجي اكو شي؟
_لاماكو بس افتقدت وجودك
_وجوديش البارحة چنة سوة
_لا ماكو شي
_اني مامقتنع بس راح امشيها استودعناكم
_هلا الله وياك..
شنو اليوم اني بية شي لو شنو الموضوع
والله ماادري كملت شغلي ومرتاح اكدر اطلع بالليل ف جاي اراجع بالاوراق الي بالمكتب انفتح الباب ودخل تيام
_ها شجابك هنا
_عجبني اجي لان كلامك مو منطقي

گعدنة نسولف شوي وقررنة نطلع نشتم هوة برة شوي ونعزم وتين
رحنة دگينة باب المكتب مرتين ماردت.. استغربنة لان مرات اتعوف الباب مفتوح شوي، دگيناه مرة اللخ وماكو فتح تيام الباب وباوع يشوفها موجودة لو لا صفن شوي وفتح الباب على كبرة حتى نفوت
لگينها لابسة السماعات وجاي اترتب ببعض الرفوف الي بصف المكتب وضاربة الدنية بعرض الحايط..
تيام دگ على الطاولة گبل انتبهت ونزعت السماعات..

_اعتذر ماجان قصدي
_لاماكو ماصار شي، بس حاولي لاتلبسينهم مرة ثانية ممكن يطلبوج وانتي ماتسمعيهم
_تمام اول مرة واخر مرة ماتنعاد حتى هاي السماعة ضميتها، تفضلو تفضلو اضيفكم شي.
إلياس: مشكورة مو جايين تضيفينة، جايين نعزمچ ويانة على طلعة
_وشنو هاي الطلعة
_هيج نشتم هوة برة
_امممم اوكي يلا ليش لا