مابين الماضي والحاضر

part 14

هِشة بكامل تفاصيلكِ ، مثل مُتحف في كلّ زاوية تجد فنّ اندَر من الاخَر ⊰ .
*************🍂

شلت الظرف وشمرتة على تيام، وخليت الرصاصة على المكتب...
_هاي شكو شصاير
_مااعرف انت ادرى اقراها وشوف...

شال الظرف والرسالة وقراهم زين، تغيرت ملامح وجهة وباوع علي
_تقريبا عرفت منو
_اييي وشنو يعني
_خلاص عوفيها علي اني اتكفل بالموضوع
_خلص خلص، عليك
طلعت من المكتب تعبانة افكار تودي وافكار تجيب.
باوعت على المكتب محطوط ملف قضية ابتزاز الكتروني
_سهلة اخلصها بيومين
وانشغلت بالقضية ومااعرف شگد مر وقت..
فات إلياس للمكتب بدون إستإذان ينهت
_خير إلياس صاير شي
_تيام..
_شبي تيام
_تيام، طلع مستعجل من المركز ومااعرف وين يريد يروح
_ايي؟
_وهو من يستعجل يتهور وراح يروح بداهية، روحي وراه لازم اتلحگين بي لان هو طلع قبل شوي
_تمام انت تكفل بأخذ الي إجازة، واني احل هل المشكله

وانزل ركض من الدرج حتى مااخذت مصعد اخاف اتأخر وألگة تيام جاي يحجي وية صاحب السيارة وإنطا كروة حتى يروح مااعرف وين صرت بصفة فتح الباب وصعد حتى مالحگت احچي وياه، گبل صعدت لورة وهو إلتفت علي لان چان صاعد لگدام وفاتح عيونة بمعنة شچابچ، السيارة حركت مو مال يوگف السايق حتى انزل..
راسلني على التلفون وكتب..
~منو سمحلچ تجين وياي
~اني سمحت لنفسي
~إلياس مو؟
مارديت علية وضل هو يأفؤف، احنة طالعين ببداية العصر وتمشي السيارة بينة ومااعرف وين..
دزيتلة رسالة
~وين رايحين؟
~رايح للناصرية
سكتت مارسلت بعد وصلنة لمنطقة تقريبا ريفية لكن بيها بيوت بنائها جديد
وكفت السيارة وتشكر من السايق ونزلنة، اول ماراح السايق لزم ايدي حتى انتبه علية، سحبت ايدي بسرعة
_شجاي اتسوي
_انتي شجاي اتسوين لاحگتني
_هاا صرت اني لاحگتك، حظرتك شسوي جاي للناصرية
_اي مو هوَ تحقيق
_اي تحقيق
مشة گدامي ولارد وراح يمشي بإتجاه بيت چبير، اكو مجموعة شباب برة بس شافو جو سلمو علية وسلام حار هم ويسألون عن احوالة
_الشيخ وين
_موجود بالمضيف
_خما اكو احد يمة
_لا لاماكو احد
فات تيام للمضيف واني ضليت برة شنو صفتي حتى افوت
_خيررر شكوو تبااوع، ماشايف
_اي مشايف بنية ترفع صوتها على رجال
_والله الرجال هو مامحترم نفسة، ماتخاف تطلع بأختك
_هيييي منو المامحترم نفسة
طلع تيام من المضيف يريدني اجي وياه بس شاف هذا يصيح علي صاح بي خلاه يخنس بس بعدة يباوع بلئم..
_خير شعندي جاية ويااك
_فوتي مثل ماگلچ وبطلي أسئلة
قتت لگيت شيخ گاعد وحدة سلمت وباوع على تيام، وتيام هز راسة ومااعرف شنو السالفة
_بنتي شنو قرابتچ من تيام
باوعت على تيام وهو يهز راسة، احس نفسي مثل الاطرش بالزفه
_اني زميلتة بالشغل، ليش اكو شي
_لا ماكو، انتي منو تتوقعين صاحب هاي الرسالة
باوعت طلعت نفس الرسالة الي وصلتني الصبح
_شوف عمو اني صار مدة تصلني مثل هاي الرسايل واغلبيتها تهديد بس ماانطيها اي اهمية
_زين
_وواليوم الرسالة هم چانت تهديد بس مكتوبة بالاحمر
_وليش تنطيتيها لتيام
_موو...
تيام: احنة البارحة شفنة ياسر، فشكت بي
_ووين شفتو
_شفناه باب قاعة العرس لان جان عرس صديقي
صار يهز براسة بمعنى افتهم السالفة
_بوية هذا ياسر وراه مصيبة لازم تاخذون حذركم، زين هو ليش يهدد
تيام: يريدني ارجع وياه يعني اشتغل مثل شغلة، ووتين يرد ياخذها واحد وياه
ومن عدى الشكاوي الي تطلع عليهم
هز براسة..
_بوية ليش ماتخليها يمنة هنا يم البنوات
_لاشيخنة مااكدر اني عندي دوام شون مااگدر
_خووش، چا بوية من تلگونة مرة ثانية گلولة الشيخ عندة حساب وياك عسير..

طلعنة من المضيف، وصايرة الدنيا مغرب.. 
_امشي ويتينة
_وتيين
_وتين امشي ندش جوة
_وين جوة
_للبيت وين يعني
_ليش ماراح نرجع لبغداد
_لا راح نبات هنا ونطلع الصبح
_عيب نبات يم العالم والله فشلة
_لافشلة ولاش بيت عمي
_بيييت عمممك؟!
_ايي
_غير اتگلي، انت فد واحد بطراان
_ آنه بطران؟! يابة مسامحچ عليها امشي ندش جوة
_راح نفوت بس هاا ترة مامسامحتك على سوايتك
_سواية؟
_اي هييچ
فتنة للبيت، ومافات مثل العالم يعني يدك الباب ويسلم ويفوت، لااا هو فتح الباب وفات للمطبخ!
اول شي استقبلتة مرت عمة واخذتة بالاحضان اتگلك امة وبعدين الولد والبنات سلم عليهم من بعيد وجتي وحدة شگرة شعرها طويل، تركض ذبت روحها بحضن تيام وتبچي وهو يهدي بيها وحاضنها، وكللل هاي المشاهد گبالي!، ولا استحو على نفسهم ولا إختزو
يبوس بخدودها الي صارو حمر من البچي، عزا العزاك تيام مو هنا اني نزلت راسي وهي وگفت بچي صار يمسح بدموعها وباس راسها اخر شي..
مرت عمة صارت اتهلي وتسلي لسانها طاح وهي تبوس بية ويمة شلونچ ومالونچ تحسيها تعرفچ من زماان
_هلا بيچ خالة
_هلا يايمة شلونج
_هه بخير بخير
فتت جوة اكثر يعني فتنة للصالة الي هم مجتمعين بيها، عاد جن البنات ثلاثة سلمن علي بس هاي الشگرة ماگامت من مكانها وضلت لازگة بتيام..
قررو يرحون للإستقبال لان أكبر، صارت گعدة بنات وشباب واني گعدت بصف مرت عمة وبصفي بنية حلوة من البنات وصار جدامي تيام.
باوعت على تيام بخزرة وهو ملتهي يسمها شتسولف بإذنة باوع علي بالغلط چان يگعد عدل، تريدة يجاوبها وهو بس يهز براسة
_احم احم ايي ايهاب وينة زيد،، ايهاب هذا الي اول ماجينة عاط بي تيام
ايهاب: زيد بعد دايح من العصر مايجي لليل
_وعمي يدري
_اي يدري، بس شيسويلة يربطة بعتبة البيت خما يربطة
نرجس: تيام امي جوعان
_لا ريتچ سالمة يالحبيبة
_تدري يايمة من رحت هذيچ الروحة لحد هسه يومية اميرة تتذكرك.
اميرة هي البنية الشگرة
_مشتاگة لأخوها بعد!
وتين: تيام شتصيرلك هاي البنية
_هااي، اختي
وااشر على البنية البصفة
ياياب الفشلة ياگاع انشگي وبلعيني
_ليش؟
_ههه مو ماتتشابهون، فسألت
نرجس: يمة انتي شگرابتچ من تيام، يعني شون تعرفينة، شون جيتي وياه
تيام: حبيبتي هاي زميلة الي بالشغل، وجتي وياي لان عدنة سالفة وية الشيخ
_ورحتولة
_اي رحنة العصر
اميرة: يعني انت هنا من العصر وبالچذب مامريت
وتين: مو عيوني شوفي جانت شغلتة مستعجلة واضطر مايمر عليچ بس هو مشتاکلج قرر يبات اليوم هنا
_صدك تيام
_ايي صدك
ايهاب گاعد بصف تيام يغمزلة، عووع شكو مال الوجع مشغل رماشي بعيونة
ماتحملت گمت ترخصت اطلع، البنات بالمطبخ جاي يسوون عشة
_بنات محتاجات شي اسوي وياچن
_لاحبيتي تسلمين قربنة انخلص، وانتي ضيفتنة مايصير نشغلچ نشيلچ بعيونة
_سالمات عيونج
قررت اطلع للحديقة اشم هو وگعدت على كراسي موجودة هي من ضمن الديكور وتصير مقابيلي شجرة كبيرة صايرة على سياج البيت
سمعت صوت وراي باوعت تيام
_شعندچ هنا طالعة
_ضجت وگلت بلكي اشتم هوة نضيييف
_ليش شبي الهوة الجوة
_مابي
تيام توة يريد يحجي شي سمعنة صوت چاي من الشجرة فچأ اغصانها بلشت تتحرك
_تيام..
_اششش وأشوف شي يگع منها اسود، توني أريد اعيط ويسد حلگي تيام، ويأشرلي حتى اسكت.....

                   يتبع......
***********🍂
الرواية شارفت على الانتهاذ اكتبولي آرائكم بالتعليقات ولاتنسون التصويت حتى تظهر عند الي يبحثوها
في امان الله... نبض الحياة ♡