لا أفُـهّـمً آلَحًآجّـآتٌـ آلَمًعٌقُدٍهّـ لَوٌ کْآنِ فُـيهّـآ خِـير مًآ تٌـعٌقُدٍتٌـ
*************🍂
نور..
كعدت من نومي بدون لااحد يصحيني اسمع اصواتهم برة ووتين نايمة وماصحت على هاي الاصوات العالية بس الصوت الي بدماغي اكبر منها...
« عودة الى الماضي القريب....»
وآني گاعدة اتأمل جمال الطبيعة واودع جمال الخالق بأخر يوم الي هنا مستحيل مايجي شخص وما يعكر مزاجي..
احمد: نور عندچ شي؟
_لا ليش تسأل
_لعد امشي وياي
_ويين نروح
_دمشيي وانتي تشوفين
سحبني من ايدي لحد ماوصلنة السيارة وصعدت بدون مااحجي لان بزعانة من سوالفة.. ووصلنة للشط
_نزلي
_شعدنة جايين هنا
_هيچ نحجي كلمتين ونرجع
نزلت اريد اعرف ليش جايبني هنا وشنو موضوعة..
_رجائا ماعندي مجال للكلمتين، ووهذول الكلمتين ليش ماحجيتهن قبل هل وكت
_مااخذ منج وقت هواية، بس اسألج سؤال ومااريد اتجاوبيني ، جاوبيني من تلگين جواب
_احجي شعندك
_انتي ليش رافضة فكرة الزواج
_اني مورافضتها، رافضتك الك، اكو فرق
_اوكي تمام ماراح اسأل ليش بس انتي تعرفين راح نعقد باجر ووفكري من اليوم لحد اخر لحظة بباجر، بس.. بس
_بس شنو، اسمع
_صدكي يانور اني من چنت اتعارك وياچ مو كرهاً بيج بس هيج جنت احب يدير بينة حوار
_اييي وبعد
_اني مااجي اتقدملچ لو ما احبچ!
ضلييت بصدمتي هذا يحجي صدك من كل عقلة...
قطع سلسلة تفكيري فزة وتين كأنما جانت حلمانة بكابووس..
_وتينة هاي شبيج؟
ماترد بس تاخذ نفس بسرعة وفاتحة عيونها بصدمة
_وتين بيج شي يروحي؟
_لا مابية
_شون مابيج وانتي فازة هل فزة
_لاهيج بس كابووس
_اي وشبي الكابوس حتى هيج فزيتي
_لاماكو مابي شي عليش شاغلة بالج
_وتين، احجي
_ماكو شي
_وتين..
_يووو شفت حادث سيارة بالكابوس ماكو شي بس المنضر يخوف وبالليل
_اي ومنو الي مسوي حادث
_ماادري ماشفت شي
_كومي غسلي وبدلي حتى ننزل نتريك
_تمام
كمنة غسلنة وبدلنة، والهوسة گابة اتگلك اليوم عرسي، ماعرفتهم هيج يحبوني
نور: صباح الخير
ام نور: هلا بالخير كلة
وتين: صباح الخير خالة
ام نور: هلا يبعد خالتج، بنات اگعدو حتى تتريكون
حطو السفرة وخلو عليها الريوك...
وهوااي حديث دار بس اكيد ماانسة البسامير الطايرة...
_شون حلو لما الوحدة تاخذ واحد نفس شهادتها
وتين شاورتني: مني هاي شجاي تخرط
_هاي خالتي المسمومة هي ووحدة من عماتي المسمومات جناين نفس البيت ومتشاركات السم ف عدهن زايد جاي يذبنة هنا
وتين: هههههههه خرب يومچ عليج سوالف
حجت عمتي: اي شنو هل موضوع الي يصحك ضحكونة
وتين: جاي نضحك عليج
_شنوووو
نور: لاعمة موهيج هاي وتينية تحب تتشاقة، ودغيت وتين
_وشقاها هيچ ثقيل
وتين: شوف تگول ثقيل كولي ثگييل هيچ صدك تبينين عراقية
اندس بيها اريدها تسكت ماكو
_هاي شنو چاي تعلميني شون احجي
_اي حجية واذا علمتچ مو عيب اذا علمتچ بس عيب اذا نظل مصرين على الغلط
_عمة ياغلط هاي شجاي تحجين
_عمة محد معصوم كلنة نغلط عادي
عمتي تريد اتگوم عليها وعماتي الثانيات لازماتها ووتين خربانة ضحك
_وتين مو عيب هيج تحجين
_يااا باع هاي اللخ، لج اني جاي ادافعلچ بس بطريقة ثاني خما تريديهن يحچن عليچ واضل ساكتة، غير اكوم اكنس بيها السفرة، اني وتين مو ياهو الچان!
أنت تقرأ
مابين الماضي والحاضر
Mystery / Thrillerفي احد ازقة بغداد هنالك عائلة من الخارج جميلة ومن الداخل عبارة عن احداث غامضة... ياترى من منهم سوف يتجرئ عن فك تلك الأغاز....
