وفي نهاية اليوم تستوعب أنَ الأيام المشحونة بالإنشغال
تحفظك مِن خطيئة الإكتراث لِتوافه الأمور.
***************🍂
تيام توة يريد يحجي شي سمعنة صوت چاي من الشجرة فچأ اغصانها بلشت تتحرك
_تيام..
_اششش..
وأشوف شي يگع منها اسود، توني أريد اعيط ويسد حلگي تيام، ويأشرلي حتى اسكت.....
ضل ساد حلگي ويباوع كانما جاي ترصد اضرب بي لان اختنگت وهو ولا عبالك، ركز زين طلع واحد يعرفة گبل هدني.
_ ها زيد شتسوي تترصد مثل الحرامة
_هلو تيام هاي شوكت جيت
_حقك عيني، حظرتك دايح، شعندك چاط مثل الحرامية
_چا ماتدري عمك شيسوي بية اذا يدري بية مو بالبيت
_شيسوي مثلا، يشوي على اذانك بصل
_تيد الصراحة اخاف منة
گبل تيام جرة من اذانة
_چا من تخاف منة عليمن اديح، ماتسمع الكلام.
شو اني ماعجبني الوضع اريد ارجع لبغداد، فتت جوة شافني البنات جاي يحظرن بأشياء قليلة
_هاي شصاير بيچ؟
_شبية
_وجهچ احمر وشفايفچ حمر
_ها مو شسمة، اني بهيج وقت من السنة عندي مثل الحساسية، حتى شوفي حاطة كانيولا
مااعرف مين طلعتلي هل چذبة وگبل طلعت ادور على الحمام اشوف خلقتي
_ها يمة على شنو ادورين
_ها اريد اروح للحمام
_امي من هناك
واشرتلي، يبو عليك تيام اريد اشوف دربي بعد مااگدر من الفشالة
فتت للحمام باوعت على وجهي بالمراية احمر بس مو مثل خدودي وشفايفي، گمت الطم على خدي
هسة شسوووي، اني ادنة شغلة لو حتى گرصة جسمي يصير احمر
غسلت بماي بارد وهدئ الحمار يلا طلعت
من عابت روحگ تيام، مو ايدين بلايس..
واني جاي امشي شافني تيام
_هاي شبيچ شنو چنتي تبچين
_اي ابجي على حظي، شعندك هنا
_جنت ادور عليج لان فرشو سفرة بالحديقة وگلولي صيحها
_تمام هسة اجي
رحت اشوف نفسي لاخر مرة قبل لا اطلع
طلعت لگيتهم فارشين حصيرة وفوگاها سفرة وحاطين الاكل وكلهم ملمومين لمة حلوة حتى ابوهم موجود الشباب بجهة والبنات صارو بجهة
گعدنة ناكل هدوء محد حچة كلمة وحدة
جنت اتمنة اگعد على سفرة واهلي موجودين، بس انتي الظاهر هيچ قدرچ مكتوب..
خلصت وگمت لان احس اختنگت بعد مااگدر اكل ازيد
رحت للحمام رگض فتحت الماي وبچيت بچي، طلعت قهر السنين، مو قصدي احسدهم او شي بس شي بداخلي مااگدر اغيرة..
خلصو العشة وصرت الم وية البنات الماعين
طلعت على تيام لكيتة برة وية الشباب، ماگدرت احچي وياه، راسلتة ودزيتلة صورة راچيتة بيها ابر..
خلصنة جلف وسوالف وتعرفت على البنات وسولفنة أشياء عشوائية
تبارك: وتين تجين تتعليلين ويانة
وتين: اي شعندي بس اخذ علاج وأجي
جاب تيام العلاج وجتي اميرة تضربلي ابرة بالوريد لان اميرة ممرضة
_راح اغير مكان الكانيولا لان ممكن تأذيج وهي صايرة على معصمچ
_وين تيدين اتخليها
_تيام جايب كانيولا راح احطها بكف ايدج الايسر حتى تحركين ايدچ براحتچ
غيرتلي مكانها وضربتلي الابرة..
أنت تقرأ
مابين الماضي والحاضر
Mystère / Thrillerفي احد ازقة بغداد هنالك عائلة من الخارج جميلة ومن الداخل عبارة عن احداث غامضة... ياترى من منهم سوف يتجرئ عن فك تلك الأغاز....
