مابين الماضي والحاضر

part. 8

لـو تَدري انتَ شكد مُهم , بَعدك صِفينا بلا أسم ورِسموني بس مو نَفس الرسم
ناسيني لو عِندك علم؟!

*************🍂
ماري...
اليوم بعنوان الصدمات كل شوي مصدومين، اليوم الشباب قررو يشون برة احنة نشتغل وساكتين ونور كل شوي تأف اف
حطينة السفرة على ميز الطعام وجاي انجيب الماي وباقي الملحقات وكلمن صار ياخذ مكانة اخر كرسي جان بصف احمد والي لازم تكعد بي نور، نور ضلت واكفي وهو يباوعلها بنظرة انتصار، تداركت وتين النوضوع وگامت من مكانها وانطتها كرسيها صارو الشباب يضحكون وهي تريد اتموت احمد بنضراتها
ليث: اي الله بالخير
كلها صارت تباوعلة بنظرة لان هو جاي يحجي صفح
ليث: هاي شبيكم يامعودين واذا هم يتعاركون وهي مارايدته بس هو رايدها
تيام: دسكت خل نتزقنب وبعدين احجي
ليث: هاي شبيك ابو التيم عادي اليوم تضوج منة باجر اتمووت علية اتبوس التراب الي يمشي علية
ايهم: دنچب لخاطر الكائنات
ليث: هسة شگايلين هسة تطلع مو بس اتحبة اتموت علية بس هي اتكابر
وتين ضربت الطاولة لان ماتتحمل عصبية
_انت شوكت تسكت مجاي اتشوف جاي ناكل احد فاتح هاي السالفة مو جاي يسكتوك ليش ماتسكت انت ادور مشاكل
_بس لااا انتي الي، ويغنزلها بمعنا انغاريتي
_لاااا انت الضاهر اتمادين
جاي اتكوم علي واشباب يهدون بيها والبنات مايعرفن يضحكن لو يسكتن

خلصو وصارت فترة العصر وقررو يرحون للمولات يشترون
يفترن ونور نكضت و وتين كل شوي مشوفتها موديل فستان تريدها تاخذة للخطوبة وما تقبل تكسرنة شنجيب مايعجب نور واذا عجبها يطلع لو كبير لو صغير
نور: اگلج انتي ماتعبتي من العصر للمغرب تفترين وانتي بهل كعب ماتكسرتي
وتين: لان لان متعودة علي متعلمة مو شي جديد، المهم انتي شوكت اتفضينة مو لعبتي نفسنة خل اني اختارچ رجاءً بدون لاتشوفي
_ماشي تمام نشوف
اخذتها وتين فرفرتها اشترت الها قفطان ابيض وبي ذهبي ببعض التفاصيل ورداناتة مفتوحة وطويلة وية نزلة القفطان
حوراء: يخبل عليچ عاش الذوق شنو هااي ماعرفناچ
صدك طلع يجنن عليها وبسيط اضاف جمالية اكثر
رجعنة واحنة محملين علاليك شباب وبنات فتنة للغرفة انشوف بعض شنو اشترينة وشنو اختارينة
وجتي فقرة الليل ردنة نجتمع سوة بس چان تيام وايهم ووتين عدهم سالفة او شي بتناقشون بي برة واحنة قررنة نتابع فلم رعب
حوراء: عفية شباب لاتطلعون رعب طلعو. اي شي بس رعب لا اخاف اصير احلم بيه
ماري: اي صح اني مجربة هذا الشي بس اني مااحب هيج نوع غيرو
احمد: دفضووها عاد رعب يعني رعب مااغيرة لو مدري منو يجي
نور: احمد! غيرة يلا بدون نقاش
ليث: حكم القوي على الضعيف
احمد: ياضغيف هذا دسكت لا گلت مااغيرة يعني مااغيرة
نور: هيج مو مااشي سهلة
احمد: شتيد اسوين سوي

**************🍂
ايهم..
گعدنة برة على المصطبات وصرنة نتناقش بأمور شغلنة وشلگت وتين ومنو الي شافتة بالصورة واحنة لازم نبلغ العميد بهذا الشي وجبنة الدفتر وصارت وتين تقراه بحكم هي اولة بي واكو اشياء سكتها وضمتها بجيبها واكو اصلا شگتهن وچنة شاعلين نار برة شالتهن وذبتهن بالنار..
وتين: وها نسينة شغلة من نروح نشوف الفلاشات ممكن يطلعن يشتغلن بيهن شي براسة حظ
تيام: اي صحيح حتى على مجراها نمشي
ايهم: تمام مابقة شي عدنة غير نبلغ إلياس هم لان هو الي جان وية وتين بالمهمة بلكي شاف شي على الاقل دليل منا منا نلزم العصابة كلها
وتين: هههه الحلو تطلع عصابة مافيا يايالبة ههاهااي احس شطحت اعتذر نرجع نرجع
تيام: ايهم عيوني خابر على إلياس وگلة اني لو مو نعسان اني اخابر علية ماشي
ايهم: اتدلل روح نام باجر تلگاه حارکلك الجهاز ههههه
وتين: يلا اني هم اترخص لان طفيت

فتنة جوة اني وتيام والة نيلاكيهم مچطلين ناس على القنفات ناس بالگاع نايمة وليث نايم وگاسة الشامية بخضنة
تيام صار يهز بيدة ماعاجبة گام يگعد بيهم فاصلين مو نايمين ولة نور نايمة على چتف احمد
وتين: تيام باوع يمكن يطلع حچي ليث صحيح الي گالة على الغدة خطية واني ردت انوم بوكس بوجهة
تيام: هاي عود كبار
ايهم: هاي شنو هاي منو
وتين: اتفضل عزيزي المشاهد يوجد هنا مشاهد رومانتيكية وهنا مشاهد مزرية وهنا مشاهد تفوق الوصف
ايهم: عليچ سوالف گوم تيم خل انگدهم وانتي گعدي البنات

اريد اگعد نور رايحة بغير عالم اندس ولا عبالك صحة احمد مفزوع
احمد: ها خير شكو
_ماكو شي بس بس شسمة جاي اگعد بنور وماجاي تگعد
_عوفيها لاتگعديها خليها نايمة
_لا يانايمة موزين اتضل هيچ..
بعدني مامخلصة وخر راسها من جتفة وشالهة شهگت مصدومة عززة هذا احمد ابو ريشات لامستحيل الشباب ضلو صافنين واحد بوجه اللاخ واني صدمتي اكبر يبوو وجهي جمر وخدودي حمرن يبوو لو تدري باچر شتسوي عزة العزاج وتين..

طلت علينة الشمس الصبح تخبرنة بأنو اليوم اخر يوم إلنة ولازم احنة العصر نطلع فجايين انسوي ريوك سوة تريگنة وصرنة نسولف اشياء عشوائية بس اني بالي مشوش
ماري: وتين بيچ شي
_لاحبيبي مابية بس شوي احس بتعب، گومو نسوي گهوة وكيك شنو رأيچن
گلمن راحت اتسوي شغلة نتعصر بيها وجتني فكرة ياا هاي شون نسيتها، طلعت برة لكيت الشباب برة جاي يسولفون
_تيام عندك شي هسة
_لا ماعندي شي، ليش
_نسيت السيارة
_يا سيارة
_تعلمني سياقة يا شبيك نسيت
_دگولي هيج شنو سيارة لا مانسيت تعالي هسة

رحنة تمشينة لسيارة تيام واني الي راح اسوق فگعدت مكان السايق وصار يعلمني
_شوفي انتبهي للطريق ولاتمشين سريع ماشي
_صار سيدي بعد
_ماكو شي بس انتبهي للطريق
صرت اسرع وهو يگلي خففي واني منطيتة الاذن الطرشة وشوي شوي ازيد
_يامعودة راح تسوين حادث غير شوي شوي
اني مااسمع لان تعلمت من صعوبتها وطيري ياوتين وهو يتوسل اخفف ومااخفف ولاعبالك السيارة تحس اني مااحس
_يامعودة راح نموت ديري بالج تطلعين لطريق شي يامعودة رواح الناااس
_شبيك عيوني خايف على السيارة راتبي وراتبك اتجيب احسن منها
_مو علمود السيارة، الطررريق
واني طايرة يابووية السعادة الحسيت بوقتها ماطالعة على الشارع وبكيفي وچان اضرب بريك وينضرب راس تيام بالجامة الي گدام
_صدك تحجين هو هيج يسوون
_ههههههه على الجايات شبيك معصب
_لا ماكو داعي اعصب بس ردت اطلع من الجامة، انزلي اني اسوق احسن راح نتأخر يلا نصل
وسمعت الكلام ورحنة للمزرعة لكيناهم ينتضرونة ووقررنة نرجع لبغداد
وصلنة تيام لبيت اهل نور وراح فتت لكيت كل گرايبها هناك لان على ساس باچر مدري عگبة عقد قران نور وكلها اتهلي وتسلي بينة واني ميتة تعب فتت غيرت ملابسي واستسلمت للنوم لان ورانة يوم طووويل باچر....

يتبع....