#بسم_الله_الرحمن_الرحيم
#لاإله_إلا_الله_وحده_لاشريك_له_يحي_ويميت_له_الملك_وله_الحمد_وهو_علي_كل_شئ_قدير
#البارت_العاشر
#من_نبض_الوجع_عشت_غرامي
#بقلمي_فاطيما_يوسف
حبيباتي عايزة اقول لكم إن البارت ده بالذات كتبته بإحساس ومشاعر وتعمق كبيييير أوووي ، وأنا براجع البارت وبصححه استغربتني كنت بكتبه إزاي بالدقة دي فياريت متبخلوش على فاطيما اللي بتسعدكم وملتزمة معاكم في النزول بالتفاعل ، هسيبكم مع البارت قراءة ممتعة ياحبابيي 🥰 😍
درست في الدنيا على يد الظروف أربع مواد
الحب , الأصحاب ,الأقارب , والزمن عندما يدور
الحب :
يعطي للغريب بلاد ليست بلاده ،والعاشق الذي يطغى قلبه على عقله يصبح رماد ،
الصاحب :
الذي بينك وبينه ملح وزاد ،أخلِص له لَكِنْ كُنْ حذِر حتى لاتُباع يوماً بالمزاد ،
القريب :
أعطه حقوقه واحفظ خط الابتعاد فكن بعيداً تصبح في عينه نجماً أصيلاً كالجواد ،
أما الزمن عندما يدور :
إن كان ضدك وعَلَت عليك أرخصُ العباد لا تحزن وترتدي السواد ،
عِش يومك ، واجعل الأمس مات ،
"إرتقي بنفسك فأخلاقنا أصعب الجهاد .
وفجأة وبعد أن أنهى كلماته المتيمة بها أبعدها عن أحضانه بحدة وهو ينظر لها نظرة غريبة جعلتها ارتعبت من طريقته وشعرت بالمهانة من حركته ورددت باندهاش :
_ مالك ياعمران ! ايه اللي عميلته ده ؟
فرك عيناه بحدة ثم نظر إليها بعينين قاتمتين ومن يراهم يبدو عليهما أنها تخرج نيــ.ران منهم :
_ مالي في ايه اني تمام اهه ، إنتي إللي مالك بتتكلمي معاي بطريقة صعبة إكده ليه ؟
فتحت فاهها بدهشة من طريقته المتغيرة من رمشة عين وانتباهتها:
_ إنت مش عارف عميلت ايه !
وأكملت عتابها :
_ إنت زقتني من حضنك بطريقة مهينة ومن غير سبب لااا وكمان بتسألني وكانك متعرِفش حاجة ، ممكن أعرف إيه سر التغير المفاجئ ده وعيونك بتطق شرار إكده ليه ؟
فرك جبهته بتعب بان على معالم وجهه ثم حمل هاتفه واستأذن منها معللا:
_ معَلش أني تعبان شوي هستأذنك هروح وهبقي أكَلَمِك .
وقفت مصدومة من رد فعله التي تغيرت في لحظة واحدة وعلامات وجهه وطريقته ونبرته التي تبدلت كليا واقتربت منه ورددت بقلق :
_ تعبان كيف يعني ! إنت كنت واقف ميه ميه دلوك ايه اللي حوصل فجأة إكده !
ثم أدارت جسدها وأعطته ظهرها وهتفت ودمع العين يلتمع داخل عيناها:
_ هو اني طلعت فيا حاجة مش عاجباك أو عميلت حاجة زعلتك مني عاد ، قولي إحنا لية في البداية ياعمران .
