អ្នកដែលឈរមើលគាំងមិនទាន់អាចកម្រើកខ្លួនបាន ចំណែកអ្នកដែលត្រូវគេឈរមើលក៏ធ្វើទឹកមុខធម្មតាហាក់មិនអាចភ្ញាក់ផ្អើលឬអៀនខ្មាសអ្វីទាល់តែសោះ Bible ទម្លាក់ទូរស័ព្ទចុះ ក្រោកឈរឡើងទាំងអាក្រាតល្វែងក្រោម បង្ហាញឱ្យឃើញយ៉ាងច្បាស់នូវភាពមហិមាដែលកំពុងក្រេវក្រោធរបស់គេ
«អឺ....ស-សុំទោស!»Biu និយាយអ្វីមិនចេញក្រៅពីពាក្យពីរម៉ាត់នេះ ព្រោះមិនដឹងថាគួរដកខ្លួនចេញពីកាលៈទេសៈបែបនេះដោយរបៀបណា ទើបប្រញាប់ងាកក្រោយបម្រុងរូតតង់ចេញទៅក្រៅ តែមិនទាន់នឹងលូកដៃដល់ខ្សែរូតផងក៏ស្រាប់តែត្រូវទាញថយឱ្យដួលអុកគូទទៅក្រោយវិញ មុននឹងអ្នកទាញឡើងសង្គ្រប់ពីលើជាប់
«បងប្រុស Bible-»
«ឯងមកចំពេលល្អណាស់ បងកំពុងអផ្សុកល្មម » Bible បញ្ចេញស្នាមញញឹមគួរឱ្យខ្លាចចេញមក ភ្លាមៗបែបនេះមិនដឹងថាគួរធ្វើបែបណាក្រៅពីប្រឹងរើរបម្រាស់ Biu ប្រឹងច្រាន Bible ចេញ ហើយប្រើកែងដៃច្រត់កម្រាលដើម្បីឱ្យខ្នងហើបបន្តិចព្រោះអ្នកម្ខាងទៀតមិនព្រមបន្ធូរដៃឱ្យអង្គុយបានពេញលេញ
«បងកុំគិតធ្វើស្អីល្ងង់ៗឱ្យសោះ Bible»
«ហេតុអីមិនបានដរាបណាឯងនៅក្នុងដៃរបស់បវ?»
«មិនបានទេ! » រាងតូចប្រឹងក្រោកពេញទំហឹងហើយបុកទ្រូងអ្នកម្ខាងទៀតឱ្យដួលផ្ងាកក្រោយមុននឹងក្រោករត់ចេញតែបែរជាត្រូវទាញកជើងឱ្យដួលផ្កាប់មុខទៅវិញ
«លែង Biu បងប្រុស លែងភ្លាមទៅ! » គេប្រឹងទទះជើងឱ្យរបូត តែបាតដៃធំស្អិតដូចតុកកែរបស់ Bible ខ្លាំងជាងទើបត្រូវទាញកជើងអូសមកកណ្តាលតង់វិញយ៉ាងងាយ
«ឯងគិតអ្ហេស!ថាកម្លាំងដូចចាបសួគ៌របស់ឯងអាចប្រើមកប្រឆាំងនឹងបងបាន?» Bible សើចព្រមទាំងចាប់ហែកជើង Biu បើកផ្លូវឱ្យគេចូលទៅចន្លោះកណ្តាលតែអ្នកនៅក្រោមទ្រូងមិនព្រមជួយសហការឈប់រើរបម្រាស់ ទើបបង្កជាការប្រវាយប្រតប់ឡើងមក
«បងឆ្គួតហើយ លែងភ្លាមទៅ មិនចេះស្តាប់ភាសាមនុស្សឬយ៉ាងម៉េច?ប្រាប់ឱ្យលែង!» Biu បម្រាស់ចេញតែមិនឈ្នះ ទើបកញ្ឆក់ទាញវ៉ែនតា Bible ចេញបោកទៅម្ខាងធ្វើឱ្យបែកកញ្ចក់ខ្ទេចខ្ទី
YOU ARE READING
រឿង BUILD JAKAPAN PUTTHA(ចប់)
Romance«ពួកអ្នកមានសមត្ថភាព អាចផ្តល់កំណើតឱ្យខ្ញុំឃើញបន្លឺថ្ងៃបាន ប៉ុន្តែហេតុអីក៏មិនអាចផ្តល់ការស្រឡាញ់ឱ្យខ្ញុំបានចឹង?» Biu «ព្រោះពួកយើងគ្មានបំណងចង់បានឯងជាកូនតាំងពីដំបូង» លោក Puttha BIBLEBUILD SEUNEANG🥹 01/02/2024
