العودة الى قصر المجانين ( الجزء الثاني من سلسلة أحفاد مختار )

المقدمه

معاكم أريان يعني مش طنط ملاك الي بتكتب

(طنط في عينك يا قليل الربايه يا جزمه انته 😠 ......قال طنط قال😒)

خلاص يا ختي ما تتحمقيش اوي كدا وسيبيني اكمل كلامي مع الناس

(اتزفت يا حيوان)

السلام عليكم ورحمه الله.........

ماتردوا السلام دا حتى السلام لله ، الله 😒

( العيب مش فيك العيب فيا انا الي خليتك تقدم الجزء دا احترم نفسك ياض واتكلم مع متابعيني بأدب)

سيبكم منها وركزوا معايا عايز اقول لكم وحشتونا ورمضان كريم مقدما.....واحنا وحشناكم والا لا  لو ما وحشناكمش قولوا وانا هقول لطنط ملاك ماتكتبش عننا تاني

( طنط تاني يا ابن دانه طب ايه رأيك اني هكتب لهم غصب عنك)

براحتك وانا هكلم مالك وهو بيتمنى اي حاجه مهما كانت صغيره عشان توقعي تحت ايده وانتي اكتر واحده عارفه ليه وكمان كلنا عارفين هو ممكن يعمل فيكي ايه

( جاك ومارك عارفه.....اسفه خلاص اتكلم مع الناس دلوقتي والا ابعت اي حد وبعدين نبقى نتكلم مش معقول نعطل الناس عشان نتخانق انجز يا بني )

حاضر حاضر متسربعه على ايه هيكون عندنا ايه نقول لهم دا معداش علينا شهرين ايه الي هيتغير مش فاهم انا يعني ، لسى سفيان بيجري ورا عاصم في كل حته عشان يجوزه وباسل لسى بيجري ورا وسام وليث الصغير عشان تيرين والعربيات ، وابو التوائم أيان بيفجر المختبر بتاعه كل شويه والحياه حلوه وزي الفل وغيث واياد ماسكين في بعض والباقي هما عارفينهم مش عارف ايه لازمتها المقدمات يعني

( امال ايه الي جابك لا وايه فاتح صدره قال انا الي هتكلم وبعدين انت ايش فهمك يا بقف انت دا جزء تاني وحاجه كدا هتيجي انت يا شبر وربع تعلمني شغلي 😒)

أيهم / اهدوا يا جماعه دا سفيان ودخل مابينكم

انا بضيق / ما تربي عيالك يا حج ايهم

ليث الصغير / اهدي يا طنط في ايه مين مزعلك

انا ببكاء / حرام عليكم دانا ما خلصتش الثانويه خليتوني طنط ايه الافترى دا 😭😭

ربتت نجلاء على كتفي بمواساه قائله / خلاص يا حبيبتي معلش حقك عليا سيبك منهم

تحدثت وانا ازيل الدموع الوهميه قائله / شايفه يا نجلاء شايفه احفادك اهئ اهئ اهئ

نجلاء بضيق / خلاص ما انتي اوفر انتي كمان

انا بدراما / هي وصلت لاوفر ماشي يا نجلاء شكرا ربنا يسامحكم بقى دي اخرتها تعملوا معايا كدا شكرا ليكم بجد يالي صنتو العشره

اتى مالك بنظراته المخيفه ونبرته البارده مرددا / انا سامع صوت كدا وبشبه عليه وواحشني جدا في بينا حساب قديم وعايز اصفيه

انا بتراجع / احم طب يا جماعه استأذن انا عشان ورايا مشوار هروح اجيب طماطم من الصيدليه عمو البقال عيان وابنه واخده ع المول

نجلاء / ربنا معاكي ا...

قاطعها صراخ قوي ملئ الارجاء مما جعل الجميع ينتفضون بفزع ولم يكن سوى اياد الذي كان يصرخ برعب وكأن احد الاشباح تطارده
اياد برعب / مصيبه مصيبه مصيبه

نجلاء / في ايه

اياد / رمضان فاضله اقل من شهر

ايهم بتعجب / يعني ايه فين المصيبه في كدا........ها فهمت دي تبقى مصيبه بالنسبالك طب روح عيش جنب التلاجه لحد ما ييجي رمضان

صرخ اريان الذي رأني انسحب بهدوء قائلا / استني انا بس دخلت معاكي عشان عايز اقول للناس ان رمضان معانا السنه ديه غير وهنبقى زي رامز جلال محدش يقدر يستغنى عنه ابدا

اسر / استنونا في رمضان في روايه العوده على واتباد

..................يتبع