العودة الى قصر المجانين ( الجزء الثاني من سلسلة أحفاد مختار )

الفصل الخامس عشر

" ازعجتني نبضات قلبي التي تدوي برعب خوف توجس من القادم تقرع بقوه وكأنها طبول حرب تندلع بين عقلي وروحي وتنذر بأن القادم لن يكون جيدا على الاطلاق واكثر ما يخيفني ان دوما ظنوني تأتي في محلها ولا تخيب اطلاقا"

احم بصوا من الآخر أنا الفترة دي طالبه معايا حزن ومزاجي كئيب جدا  عشان كدا هطلعهم على العيلة الحلوة دي

اللهم صلي على محمد

استغفر الله العظيم واتوب اليه
______________________

بسم الله الرحمن الرحيم

مر على تلك الاحداث أسبوع كامل وفيه لم يحصل الكثير من الأحداث الا أن حياة تحسنت كثيرا و التأمت جروحها وليث ايضا بدأت المخدرات بمغادرة جسده ولولا ذلك اياد الغاضب دوما لقلت ان كل شيء عاد لسابق عهده ، فهو الان يعترض وبشده على وجود عمها وعائلته بقرب سيلا ، لم يرتاح لهم منذ أن رأى هم للمره الاولى يشعر ان ابن عمها ذلك الشاب الخبيث يخطط لشيء ولكن لا يمكنه ايضا ان يضغط عليها ابدا فهي الان في ظروف لا تسمح لها ان تحتمل اي ضغط نفسي لذا كان يمكث اغلب وقته اسفل نافذتها دون حتى أن تعلم وفي تلك الليله كانت حبيسه غرفتها ورفضت أن تنزل للعشاء ككل ليله اما في الاسفل كان عمها وعائلته يتناولون الطعام وزوجته تنظر للفيلا بحقد وتردد :

" ايه العز دا كله الي اخوك كان عايش فيه ، وسايبنا احنا للمرمطه والتعب.....يلا ربنا يكحمه مطرح ماراح "

عبست ابنتها الكبرى بانزعاج وقالت :

" حرام نقول كدا على واحد مات يا ماما اذكروا محاسن موتاكم ، وبعدين كل دا كان من تعبه وشقاة "

لوت اختها الصغرى شفتيها بحنق وقالت :

" ماشي يا شيخه زمانك ، دلوقتي البت الدلوعه الي متلقحه فوق دي هتورث كل دا "

ابتسم والدها بسخريه وقال :

" دا لما تشوف حلمه ودنها قال تورث قال أنا لو طلعت لها شنطة هدومها هبقى عملت لها جميله كبيره اوي "

نفت زوجته وهتفت بجديه :

" لا دي ممكن تعمل لنا مشاكل كتير ياحج سعيد وخصوصا انها تعرف ناس باين عليهم تقال اوي ، ما شوفتش الي جم في العزاء والبنات الي كانوا معاها والا الرجاله والعربيات الفخمة الي طالعه وخارجة وخصوصا الواد الي كان لازق لها وبيجي كل يوم يشوفها وبيقول انه قاري فاتحتها مع ابوها قبل ما يتكل وانهم مخطوبين"

الابنه الصغرى بحقد :

" مش عارفة عرفت الواد دا منين ولعبت عليه وخلته خاتم في صباعها وهو مز وشيك عنده فلوس اوييييي والا عيلته يااااه "

ختمت جملتها وهي تتحدث بهيام وهتفت الاخت المتوسطه :

" عندك حق اخواته كلهم وحتى ابوه واعمامه مفيش ولا غلطه مع انهم يخوفوا بس مزاميز بحق وحقيقي وليهم هيبه وطله كدا "