العودة الى قصر المجانين ( الجزء الثاني من سلسلة أحفاد مختار )

الفصل الثاني عشر

مبدأيا البارت مش طويل عشان نزلنا اتنين في نفس اليوم وكدا دلوقتي صلو على النبي و اقرأوا الفاتحه على روح حياة والعزاء هيكون بعد يومين كدا
________________

بسم الله الرحمن الرحيم

" البقاء لله "

جمله مكونه من كلمتين ، كلمتين فقط ولكنها فعلت بذلك الواقف الافاعيل صدمه علت وجوه الجميع وتليها انهيارات وصراخ وبكاء ، ركضت مروه وهي تبكي بانهيار لتمسك بياقة ليث وهي تصرخ في وجهه قائله :

" ارتحت ياليث مش انت قولت لها مش عايز اشوف وشك ، مش انت قولتلها تمشي ، اهي مشيت ومش هتشوفها تاني "

هز رأسه بنفي ودموعه تهبط كالشلالات ثم همس بصوت ضعيييف جدا :

" لا ، لا حياة مش هتعمل فيا كدا لا "

مسح دموعه وركض الى الداخل كالمجنون وما ان وقعت عينيه على تلك الممرضه التي تغطي وجهها حتى صرخ بصوت كالرعد :

" اوعي ، اوعي تعملي كدا ادفنك مكان ما انتي واقفه ، هي مش ميته عشان تغطي وشها "

ارتعدت الممرضه من صوته ومظهره ثم ركضت الى الخارج خوفا منه ، بينما هو علا صوت نبضات قلبه وارتجف جسده وهو يقترب منها ببطء فقدماه لم تعد تحملانه وما ان رأى وجهها الشاحب حتى صرخ بغضب ممزوج بعدم تصديق قائلا :

" حياااااااة ، ما بحبش الهزار دا فتحي عينيكِ وقومي بصيلي "

اقترب منها اكثر وقد اصبح كالمجنون ولم يعد يدرك احدهم رد فعله قليلا يصرخ وبعدها يبكي وبعدها يصمت ، انحنى قليلا بجذعه العلوي وحملها وجلس بها على الارض وهي باحضانه يضمها بهدوء وهو يداعب شعرها هاتفا بصوت متعب ومتألم واهن وكأن روحه تغادر جسده :

" حياتي انتي عارفة أني بحبك أكتر من اي حاجه في الدنيا دي وأنتي عارفه كمان ان الي حصل ما كانش بإيدي ومقدرتش احميكي ولا احمي ابننا بس والله ما كان بأيدي ، اعملي فيا الي انتي عايزه بس ما تعاقبينيش بالطريقة دي ارجوكي "

دخل عاصم الى الغرفة وهو يردد :

" شوية كمان وهيبقى مكانك لو مش عايزة يجيله ذبحه دلوقتي فطمنيه "

تعلقت بعنقه وهي تقول بخوف :

" بعد الشر عنه يا عاصم "

فتح عينيه على مصراعيها عندما شعر بها تضمه وتتعلق بعنقه دافنه وجهها به وهي تهمس :

" مش انت قولت اعمل فيك الي انا عايزاه بس اسامحك.......سامحتك "

ارتخت قبضته عن جسدها وهو يعيد برأسه للخلف زافرا براحه مغمضا عينيه هاتفا :

" الف حمد وشكر ليك يا رب ، انت عارف اني مش هستحمل حاجه زي دي "

وضعت كفها على قلبه الذي ينبض بجنون وهي ترفع مقلتيها له وتهمس بقلق :