العودة الى قصر المجانين ( الجزء الثاني من سلسلة أحفاد مختار )

الفصل التاسع

بصو قد ايه انا طيبه هعمل بارت اضافي ومش هخليكم تستنوا لحد يوم الجمعه عشان بس تعرفوا اننا مش اي حد😎😎
تبا لتواضعي 😂
بس والله بكتب وانا عيااااااانه وتعبانه اوي  بس بس كفايه رغي نخش في الروايه بتاعتنا ونشوف الواد ليث الي اتهبل في دماغه عشان يسيب حياته كدا

_____________________

بسم الله الرحمن الرحيم

" هنقتلها يعني "

أبتسم الآخر بخبث وقال :

" ما تقفلش الأبواب غير لما تخلص شغلك ، يعني أنا مش هعتمد على الي بديه لليث ، لا
لازم يكون في معانا كرت إحتياطي و الكرت دا هو حياة "

" والسيد روجر  عارف ان حياة هنا يعني يمكن يختلف رأيه ، لازم نخليه يشوفها "

" عندك حق ، هوديها له انهارده "

______________________

في ذلك المكان المظلم كانت تجلس بمفردها مقيده بسلاسل ثقيلة ، هذه ليست أول مرة تخطف لكنها مختلفة جدا عن سابقاتها ، وهي خائفه وبشدة ؛ لإن الذي كان سينقذها كما يفعل دوما هو من القاها هنا بيديه
وأكثر ما يخيفها هي تلك الحقنة التي أخذها ليث منذ ساعة تقريبا ، لا تعلم ماذا تفعل الأن
وماذا سيفعل ليث معهم جميعا ، حمقاء عندما لم تطمئن لما يحدث له اخذت سيارة يحيى وتبعته الى هنا بعد ان كانت تراقب تحركاته منذ الصباح والان محجوزه بين تلك الاربعه الحوائط ولا تعلم كيف ستهرب اراحت رأسها الى الخلف وهي تغمض عينيها هامسه :

" ليث أنت فين ، يا الله احميه "

_________________

في قصر الجارحي تحديدا غرفة عمر

كان يجوب الغرفة ذهابا وايابا والغضب مسيطر على ملامحه الطفولية بينما ابناء عمومته يجلسون معه في الغرفة والجميع يفكرون كيف حدث هذا وماذا حدث ب ليث حتى هتف آدم بتفكير :

" يا شباب مش يمكن ليث بيخطط لحاجه وكل دا تمثيل ووراه سر "

ليث الصغير بنفي :

" مستحيييل "

أريان بجديه :

"حتى لو افترضنا ، ايه علاقة تصرفه مع حياة كدا بالخطه بتاعته ، وازاي يتجوز عليها الوليه الحربوقه "

ابتسمت تاليا بشر وهي تردد :

" على سيرة الوليه الحربوقه انتم مش مستوعبين يا احفاد مختار اننا لحد دلوقتي ما قومناش معاها بواجب الضيافه "

أريان بخبث :

" عندك حق يا بنت العم ، رأيك ايه يا قائد نوجبوا معاها والا ايه "

تنهد عمر ثم هتف بتفكير :

" وماله ضيفوها بطريقتنا ومفيش اي حدود اعملوا الي انتم عايزينه وعلى مسؤوليتي ، ولو حد قالكم حاجة قولوا له عمر صرح لنا "