اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حبايب قلبي عايزة تعليقات كتيرة اوي شجعوني 😘
******************
( فصل الثاني )
نهضت بصدمة وهي تقول بشبه جنون وكأن عقرب سام لدغها-إزاي وافقت ع الكلام ده ...!!!!
نظر لها فريد وهو يقول بتوضيح -يابنتي أنا موافقتش أنا قولت أطلع أسألك وأشوف رأيك إيه الأول
اخذت تنظر حولها بضياع وهي تقول -رأي إاايه ...لا طبعا مش موافقة ...أكيد لاء يعني ... -و ليه لاء ...ما إن قالها فريد حتى إلتفتت له غيداء بعدم إستيعاب ...لتضحك بألم وهي تقول بقهر
-أكيد حضرتك بتهزر صح....الراجل اللي بتقول عليه ليه لاء ده يبقا أخو المرحوم اللي حاربه لسنين لإنه بس إختارني و إتجوزني عايزني دلوقتي أوافق عليه طب إزاي ...
فريد بإنكسار داخلي فهو حقاً لا يقدر على الوقوف بوجه الآخر خوفاً من أن يأذي إبنته الوحيدة -يابنتي الراجل واصل وليه مكانته لو قال أنه هياخذ منك البنات يبقى هياخذهم
ردت غيداء بقوة واهية وثقة مصطنعة تحاول أن تشجع نفسها -مايقدرش يعمل حاجة الحضانة من حقي أنا ...أنا امهم..يعني القانون بصفي
-مع الأسف يابنتي ...هنا العرف والعادات والتقاليد هي القانون بالنسبالهم فكري كويس ياقلب أبوكي ...أنا راجل كبير و على قدي وخايف عليكي منه ليأذيكي مش هستحمل أشوفك بتتوجعي
غيداء بإختناق وحزن -يعني إيه هو يا اعيش زي ماهو عايز يا إما أنحرم من بناتي
-لو عندك حل تاني قولي ...ما ان قالها حتى صرخت بإنفعال
-ليه شيفاك موافق ومستسلم للأمر الواقع
نظر لها فريد بتساؤل وإستغراب من رفضها الشديد بالإرتباط بهِ -لاني مش شايف فيه عيب ....راجل هيبة ومقتدر وطلبك على سنة الله ورسوله ده عم البنات هو أولى بيهم وبرعايتهم ...ليه رافضاه بالشكل ده ...
لتقول غيداء بنفعال لا تعرف ماسببها -بردوا بيقولي ليه ...ده أخو جوزي إزاي هتقبل الحكاية دي وكمان متجوز ومراته عقربة ...مستحيل ...انا لا هوافق عليه ولا هسيب بناتي ...واللي عايز يعمله... يعمله ...
