اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حبايب قلبي التعليقات ثم التعليقات ده الشئ الوحيد الي بيشجعني ...عايزة تعليقات كتير وعلى فكرة انا بقراهم كلهم
*********************
(((( ده فصل الرابع ))))
اقترب منها وقال بجدية غير قابلة للنقاش
-يعني من الآخر كده ياإما تبقي مراتي بجد على سنة الله ورسوله ياإما يفتح الله ....ده جواز مش لعب عيال عشان تقولي يبقى على ورق ..فكري كويس وبلغينى ردك ...ولو رفضتي يبقى وفرتي عليا وجع الدماغ ده
قال الأخيرة وهو يذهب ويجلس على الأريكة بغرور مما جعلها تفتح شفتيها بإندهاشة من طريقته لتقول بغيظ
-وجع دماغ !! طالما أنا كده بالنسبالك ما تعتقني لوجه الله ..ليه عايز تتجوزني وتعذبني معاك
نظر إلى نقطة وهمية بعيدة بإبتسامة وهو يقول بمنتهى الإستفزاز -مزاجي كده والقرار ليكي
غيداء بضيق من طريقته معها -بس خليك فاكر أنا لو وافقت يبقى غصب عني -أرفضي ...ما إن قالها ببرود حتى قالت بإختناق
-إنتَ عارف كويس إني معنديش حل تاني فعشان كده عمال تضغط عليا بالنقطة دي جامد مش كده ...
صمتت قليلا وأخذت تتنفس بعمق لكي تحافظ على ثبات إنفعالها ثم قالت بقلة حيلة ..أنا مع الأسف موافقة .. بس خليك فاكر إن حتى لو الظروف خلتني أخضع لجبروتك وظلمك ده وأبقى مراتك وتملكني عمرك ما هتملك قلبي
-خلصتي كلامك ...قالها بهدوء شديد لم تكن تتوقعه منه مما جعلها تتوتر ما إن وجدته يخرج علبه السجاير الخاصة بهِ وأخذ يدخن بكل أريحية وبيده الأخرى مسبحته ...طال الصمت بينهم حتى أنهى سيجارته وأطفئها وما إن سحب واحدة أخرى وأشعلها حتى قال أخيرا
-شوفي يابنت الناس ..وأسمعيني كويس ..أينعم موافقتك حصلت تحت ضغوط ..بس كلها مسألة وقت وهتبقي مراتي وواجب عليكي الإحترام ..مش أنا اللي مره تقلل من قيمتي ...اللي أطلبه منك يتنفذ والكلمة اللي أقولها مافيهاش جدال ...
وطريقة كلامك دي مش عجباني ولو فضلت زي مانتى كده ماتلوميش غير نفسك ..و ده أول وآخر تحذير ليكي ...زي ماهحترمك غصب عنك تحترميني
