غيث

غريب مألوف

مُتسرعًا في الخطوِ مثل طائرٍ يهربُ من جناحيهُ
-

وسيم قرب وجهه منه وقال بطريقه مستفزه : ما لك دخل
ضحك جسار وابعد نفسه عنه وقال : وسيم قول بما اني قاعد اعاملك كويس ، لانك باقي ما شفت وجهي الثاني وصدقني ما تبي نشوفه
ضحك وسيم بأستهزاء وقال : ولله انك ما عندك سالفه ، جايبني هنا ومسوي كل هالمسرحيه بس عشان تسألني عن اخواني؟
تصرفه وكلامه استفز جسار الي متعود الكل يخاف منه وخصوصا الي بموقف وسيم ف عصب واتغيرت ملامحه وقرب من وسيم بسرعه ومسك فكه وقال وهو شاد على اسنانه : قول وين اخوانك قبل لا اجرم فيك
اتلفت وسيم حتى قدر يفك نفسه من يد جسار وقال : صح معاك حق ، يمكن تجرب علي احد الاسلحه الي قاعد تتاجر فيها
اتغيرت ملامح جسار للصدمه وعقد حواجبه ف تكلم وسيم بسخريه : اوبس ما كنت ادري انك راح تنصدم لهالدرجه
ضحك وسيم وضحكته استفزت جسار ف تقدم ولكمه بقبضه يده على وجهه بشكل قوي سبب نزيف بأنف وسيم ولكن هذا الشي ما اوقفه عن الضحك والاستهزاء ف قرب منه جسار ومسك فكه وقال : كنت ناوي اتركك يوم الاقي اخوانك ولكن الحين تحلم تطلع من هنا الا بالكفن يا كلب
وسيم اتغيرت ملامحه للجديه ولما قدر يفك نفسه من يد جسار تكلم : لو محسب انك بتخوفني بكلامك هذا ف انت الي تحلم ، وشي ثاني ، انا وانت عارفين ومتأكدين اني بطلع من هنا وبكامل صحتي وقوتي ف خلي عنك حركات العصابات وفكني خل نتفاهم ، واخواني صدقني لو اعرف وينهم فورا راح اخبرك بمكانهم ترا مو فارقين معاي
وقف جسار يناظرله وبملامحه استغراب بينما تحرك وسيم شوي وبعدها قدر يفك يديه الي مربوطه ورا ظهره قدام جسار وبعدها بدا يمسدها موضح انها مألمته وقال : ولا اقولك خلاص فكيتها انا
همو بالهجوم عليه الرجال الي كانو حولهم حتى اوقفهم جسار ب ايماءه صنعها بيده وتكلم وسيم : وش فيكم؟ لا تخافو ما راح اقتله لكم ، انا وين والقتل وين؟
جسار وقف يناظرله بنظرات تساؤل وقال : انت ايش؟

***فلاش باك***
في حفل استقبال وتين
كان واقف وسيم يناظر مجد من بعيد بنظرات مغرمه وواضح هذا الشي لأي احد يشوفه ف تقدم بشار وقرب منه ونطق ساخر : عاجباك اخطبهالك؟
قلب وسيم عيونه وناظرله بكره وقال : وش تبي انت؟
بشار ضحك وناظر مجد وقال : ترا واضح انك ميت فيه
وسيم عقد حواجبه وجا بيمشي وهو يقول : وش تقول انت انقلع بس
مسكه بشار من يده وهمس قريب من اذنه : اقدر اجيبه لك لو تبي ، لا تتسرع واسمعني للاخر
التفت له وسيم مستغرب ف تكلم بشار : من الاخر ، اذا كنت تبيه انت تعرف مكاني
مشى بشار عنه لكن اوقفه وسيم الي ناظرله بثقه وكتف يديه وقال : قول اصلا انت وش تبي بالمقابل
ابتسم بشار وقال : ذكي ، مو باين عليك كل هالذكاء
وسيم : بتقول الي عندك ولا امشي؟
بشار كتف يديه زي وسيم وقال : وش دراك اني ابي شي بالمقابل
تقدم وسيم خطوتين وقال : شخص زيك ، اناني ومبتز ونرجسي ما راح يسوي شي بدون مقابل ، ف قول وش تبي
بشار اتغيرت ملامحه للجديه ونطق وقال : ابي جسار
اتضحت ملامح الاستغراب على وسيم وكأنه ما فهم قصده لكن اتفق هو وبشار على مكان يلتقو فيه ويفهمه كل شي وفعلا هذا الي صار بنفس اليوم بعد ساعات قليله
كانو قاعدين بمطعم على احد الطاولات المطله على الحديقه الخارجيه
تكلم وسيم : ايوا وش خطتك ؟
بشار ارتشف من المشروب حقه وبعدها نطق : يعني موافق على اتفاقنا
وسيم اسند نفسه على الكرسي وقال : لا انا ما قلت شي عن الموافقه بشوف الخطه وعلى هالاساس بنتفق
هز بشار براسه وبدا يتكلم وقال : مجد اخوي اعطى اخوانك فلوس على اساس انها المبلغ حق المخدرات الي انت ضيعتها ، وهذا المبلغ المفروض يوصل لجسار لكن اخوانك المهبيل اخذو الفلوس وهربو فيها خارج البلد
الحين جسار اكيد يدور على اخونك لانه يبي فلوسه
واخوانك مو موجودين ف راح يجيبك انت ، واساليب جسار معروفه اكيد ما راح يعزمك على مطعم ويسألك عن اخوانك ، راح يخطفك ويعذبك لين تعترف
وسيم : طيب والمطلوب؟
بشار اسند نفسه على الطاوله وقال : خله يخطفك
وسيم انصدم وقال : اييشش؟
بشار ابتسم وقال : اسمعني للاخر ، خله يخطفك وبعلمك عنه تفاصيل راح تحميك منه ، وبتضل عنده عده ساعات لين اجي انا بالصدفه واشوفك عنده واخليه يتركك وخلال هالساعات ابيك تكسب ثقته وتتقرب منه وتعرف اكبر قدر من التفاصيل عنه 
عقد وسيم حواجبه وقال : وش دراك ان خطتك هذي بتنجح ، يمكن بسرعه يقتلني يوم يعرف اني ما اعرف شي عن اخواني
بشار : جسار ما راح يقتلك طول مو انت عارف عنه كل الي بخبرك عليه وعندك نسخه من البيانات ، وبما انك من معارفي وتخصني ما راح يأذيك
وسيم : طيب وانا وش بستفيد من هذا كله ، يعني ليه لازم اساعدك ؟
بشار : انت تبي مجد ، ومجد بعد اختفاءك راح يقلق عليك ويدور بكل مكان ويومها راح يحس بقيمتك ويقدرك ويبدا يحافظ عليك
وسيم : وش دراك؟
بشار : ادري لاني اعرف انه يبيك لكن متردد بسبب مهند ، وانت بهالحركه راح تسلط الضوء عليك وتنسيه مهند
وسيم اسند نفسه على الطاوله وقال : هذي كلها اشياء مبنيه على فرضيات وانا مو مستعد اضحي بنفسي عشانك
بشار ابتسم وقال : اولا هذي مو فرضيات هذي يقين اما عن التضحيه ف انت مو قاعد تضحي بنفسك عشاني انت قاعد تضحي عشان مجد "وقف عشان يمشي " وبالنهايه انا مو قاعد اجبرك على شي ، على راحتك انت تقرر ولكن برأيي مجد يستحق التضحيه عشانه ، احسن مو انت قاعد بهالمكان وهالموقف عايش على بقايا مجد
مشى بشار لكن اوقفه وسيم الي كان سارح بالفراغ وقال : لحظه ..
وقف بشار والتفت له ف ناظرله وسيم وقال : ما تبي تقولي المعلومات الي لازم اعرفها عن جسار قبل ما نبدا تطبيق؟
***نهايه فلاش باك***