A ပင်လယ်ကမ်းခြေမြို့၏ မြို့မရဲစခန်းတွင် စခန်းမှူးသည် သူ၏ ရုံးခန်းရှိကွန်ပျူတာအား စိုက်ကြည့်လျက် ရောက်ရှိလာသော mail အား မယုံကြည်စွာ စစ်ဆေးကြည့်နေသည်။
" ဟား...ဒီတိုင်းဆို ငါတို့မြို့ ပြန်ထူထောင်လာတော့မယ်ကွ.."
မာန် သူ၏ကွန်ပျူတာရှိ သက်သေများအား လက်စသတ်လိုက်ပြီးနောက် တံခါးခေါက်သံ ထွက်ပေါ်လာလေသည်။
" သခင်လေး မစ်စတာက ညစာအတွက် ထမင်းစားပွဲမှာ စောင့်နေပါတယ် "
မာန် ခေါင်းညိတ်ပြလိုက်ပြီးနောက် အိမ်တော်ထိန်းသည် တစ်ခုခုပြောချင်ဟန်ဖြင့် ရှေ့တိုးလာသည်။
" သခင်လေး ကြီးပြင်းလာမှန်း ကျွန်တော်သိပေမယ့် စိတ်မပူပဲ မနေနိုင်ဘူး၊ သခင်လေးက သန်မာပါတယ် "
အိမ်တော်ထိန်းသည် အာရာဂွန်နှင့် မစ်စတာဂျိမ်း ထိပ်တိုက်တွေ့ကာ အာရာဂွန်နစ်နာမည်ကို စိုးရိမ်နေပြီး သတိပေးလိုချင်ခြင်းဖြစ်သည်။
ထို့ကြောင့် မာန် အိမ်တော်ထိန်းအား ပြုံးပြလိုက်ကာ
" ကျွန်တော် နားလည်ပါတယ်၊စိတ်မပူပါနဲ့ "
ထမင်းစားခန်းထဲရှိလေထုသည် တိတ်ဆိတ်နေပြီး သက်တောင့်သက်သာ မရှိပေ။
ခမ်ဒန်သည် ဂျိမ်းနှင့် စကားပြောနေသော်လည်း
သူ၏အာရုံသည် ထိုထဲတွင်မရှိပေ။
" လီယိုရော ဘယ်လိုနေလဲ "
" သူအဆင်ပြေပါတယ် "
"........"
" သူ အထက်တန်းကျောင်းပြောင်းရမှာမလား မင်းအရင်တစ်ခေါက် သူ့ကိုကျောင်းပြောင်းဖို့ မေးတာမှတ်မိသေးတယ် သူအခုတက်နေတဲ့ ကျောင်းက အလယ်တန်းအထူးပြုသင်ကြားလို့ အထက်တန်းမရှိဘူးဆိုပြီး "
မစ်စတာဂျိမ်းသည် သူ၏ နောက်အစီအစဉ်အရ လီယိုအား မဖြစ်မနေလိုအပ်လာ၍ ခမ်ဒန်အား ပြန်လည်၍ အရေးပေးချင်သော်လည်း မည်သို့စကားဆက်ရမည်မသိဖြစ်နေသည်။
ဒီအတောအတွင်း သူနှင့်ခမ်ဒန်၏ လင်မယားဆက်ဆံရေးသည် ပို၍ ဝတ်ကျေတန်းကျေဆန်လာသည်။
ခမ်ဒန်သည်လည်း သူ့အားယခင်ကဲ့သို့ လိုက်လံကပ်တွယ်မနေတော့ပါ။ ဘယ်အချိန်က စသလဲမသိပေမယ့် ခမ်ဒန်တိတ်ဆိတ်သွားသည်မှာ ကြာခဲ့လေပြီ။
YOU ARE READING
အသက်ရှင်ဖို့ အပျော်ရှာမယ်
Ficción GeneralSystem bl အပြာ လိုးစာ MC တစ်ယောက် ကမ္ဘာ တွေပြောင်းပြီး သူ့ကိုမုန်းတဲ့သူတွေကို ဘယ်လိုခြွေပစ် မလဲဆို ဖတ်ရမှာပါ။ ‼️မှတ်ချက်။ ဤစာသည် boy အချင်းချင်း ကာမဆက်ဆံမည့် အကြောင်းများကို ဇာတ်လမ်းဖွဲ့ ရေးသားထားသည့် စာဖြစ်သည်။ စကားလုံးအသုံးအနှုန်းများ ထင်သာမြင်သာ...
