ولعشق البعض تميز♡..."قيد الكتابة"

الفصل العاشر

بسم الله الرحمن الرحيم 🌺
~وإن کُــنتُمْ في رَيْبٍ مِّمَّا نَـزَّلـنَا علىٰ عَـبدِنَـا فَأتُواْ بسُـورَةٍ مِّن مِّثْلِهِ وٱدْعُـواْ شُهَدَآءَکُم مِّن دُونِ اللّٰه إن کُنْتُمْ صَـادِقِيـن~( سورة البقرة 23)

____________________________

صدقيني.. لو بإيدي.. كنت أشيلك.. بين وريدي ،كنت أنوَّر عشان تقيدي ✨🖇️

_أول ما نخلص الشغل هنا ونرجع القاهرة أنا هكتب عليكي...

نظرت له چوري بملامح غير مستوعبة.. كانت تبدو في غاية البلاهة وكأنها لم تفهم ما قاله.. أو وكأنه يتحدث هيروغليفي مثلاً ؟!..

لحظات وتمت ببلاهة: نعم ؟!!..

مراد بحاجبان معقودان: هو إيه اللي نعم ؟..

_مش فاهمة السؤال ؟!..

مراد باستغراب من ردة فعلها: سؤال إيه ؟؟!..

هتفت ببلاهة أكبر: هاا ؟!..

مراد بقلق حقيقي وهو يربت على وجنتها لإخراجها من حالة اللا وعي المتلبسة بها: چوري مالك يا چوري.. في إيه ؟..

چوري بعدما أفاقت نوعاً ما وهي تبعد يده ببعض الاستغراب والضيق أيضاً: أوعى كدة.. ثانية واحدة بس عشان مش فاهمة.. هتكتب على مين ؟!..

مراد بمنتهى الهدوء: هكتب عليكي.. إيه اللي مش فاهماه ؟..

چوري بغيظ: مرااااد.. متجلطنييش.. هو إيه اللى أول ما نرجع القاهرة هكتب عليكي ؟!.. إييه السهووولة دي ؟..

_أيوه أول ما نرجع هكتب عليكي.. لو مش عاجبك أو مش موافقة أنا في الحالة دي هضطر أخطفك وات...

چوري بعيون متسعة بشر: ت إيه يا حبيبي ؟!..تخطفني !..ليه إن شاء الله شايفني حاطة صباعي في بوقي ولا إيه لا يا حبيبي مش أنا اللي اتخطف.. هتعملي فيها آدم الكيلاني وتحبسني في جزيرة معزولة عن البشر وتقوم قايلي إنتي ملكي لوحدي يا روان أقصد يا چوري.. لا يا بابا مش أنا منعدمة الكرامة اللي تتخطف بالطريقة المخزية دي وتوافق.... قال أخطفك قال...

ثم بعد كل هذا الحديث ،احم احم.. بمعنى أصح"الردح" أشاحت چوري بوجهها بعيداً عنه بينما هذا المسكين في حالة صدمة و عدم استيعاب لحديث وهجوم هذه اللطخ.. حسناً يبدو أنه سيعاني كثيراً من غباءها البديع....

تمتم مراد وهو مازال في صدمته: لحظة لحظة هو أنا مش كنت هعمل كده خالص ،أنا كنت هخطفك في ڤيلتي عادي يعني مش مستاهلة الأڤورة دي.. وكمان أنا ما قصدش خطف بالمعنى اللي خيالك الواسع صورهولك....