لعشق البعض تميز♡..."قيد الكتابة"

الفصل السابع عشر

  بسم الله الرحمن الرحيم 🌺
﴿وَلِيَخْشَ ٱلَّذِينَ لَوْ تَرَكُواْ مِنْ خَلْفِهِم ذُرِّيَّةً ضِعَافًا خَافُواْ عَلَيْهِم فَلِيَتَّقُواْ ٱللّٰه وَلِيَقُولُواْ قَوْلًا سَدِيدًا﴾

Tip of the day ✨:
وإيه يعني.. وإيه يعني طلعوا وحشين وإنت كنت فاكرهم ملايكة ؟..بص ياما هتعيش وهتشوف بس الأهم هو إنك تتعلم من اللي مريت بيه.. مش لازم كل الناس تتعامل معاهم بفطرتك البريئة الطيبة اللي ربنا خلقك بيها.. بس الأهم من ده كله إنك ما تخليش حاجة تغير من شخصيتك الجميلة.. خليك كيوت وعسول يا عسول🖇️✨👀...

_____________________________

يمكن خير ومين.. يندم على اللي يبيع سنين.. ويهد أحلامه في يومين ✨...

تجلس هي على فراشها في غرفتها العزيزة التي اشتاقت لها وبشدة.. تناظر كل ركن وكل شيء متواجد داخل غرفتها باشتياق واضح وقوي.. قطع اشتياقها دخول إحداهن التي قفزت مباشرةً في أحضانها تعتصرها بين ذراعيها حرفياً لا تحتضنها...

_ألف سلامة عليكي يا نور عيني.. وحشتيني أوييييي يا بت يا جذمة.. عارفة لو مسكتي دركسيون عربية تاني في حياتك أنا هعمل فيكي إيه ؟..أنا هعملك شوال ملاكمة وهفش غلِّي فيكي يا حبيبتي...

من قوة احتضانها لها أنَّت ليلى بألم تحاول إبعادها:
Go away, Juri هتفطسيني....

ابتعدت عنها چوري بسرعة تجلس أمامها على الفراش تربع قدميها: أنا آسفة يا حبيبتي.. بس إنتي وحشتيني أوي.. ينفع كده يا لولا ؟..

وما كان من ليلى سوى أنها ناظرتها بعتاب ثم أشاحت بوجهها للجهة الأخرى دون التعقيب عليها من الأساس.. فعقدت چوري جبينها باستغراب وقلق: مالك يا ليلى ؟..

قالت ليلى بعتاب بارد:
Nothing, I'm fine ..
كل ما في الأمر إن بنت عمي نسيت إن ليها بنت عم اسمها ليلى أصلاً وسابتها في المستشفى تلات أسابيع ومسألتش فيها حتى.. Where's the problem?..

فهمت هي سبب تغيرها هذا لتمسك بوجهها بين كفيها وأدارته ليكون قبالتها ثم قالت مبررة: معلش يا حبيبتي بس والله بابا كل ما آجي أقولله عايزة أروح لليلى يقولي الدكتور بيقول صحتها كويسة يبقى استني لما ترجع البيت وبعدين زوريها براحتك.. وأديني أهو أول ما عرفت إنك وصلتي جيتلك في ثانية وكنت هعمل حادثة أنا كمان.. ده أنا حتى عمالة أأجل كتب كتابي عشان إنتي في المـ...

صمتت بصدمة عندما استوعبت جملتها الأخيرة التي ألقتها في وجه تلك الأخرى التي كانت تناظرها وكأن على رأسها طير.. أردفت ليلى بصدمة: إنتي كتبتي كتابك ؟!..