لعشق البعض تميز♡..."قيد الكتابة"

الفصل الثالث عشر

بسم الله الرحمن الرحيم 🌺
٭يـٰٓـأيُّـها النَـاسُ ٱتَّـقُواْ رَبَّـكُـمُ الذِي خَــلَقَـكُم مِنْ نَفْسٍ وَاحِدَة وخَلَقَ مِنهَا زَوْجَها وبَثَّ مِنهُمَا رِجَـالًا كَــثِـيرًا ونِـسَاء وٱتَّـقُواْ اللّٰهَ الذِّي تَسَاءَلُونَ بِه والأَرْحَام إنَّ اللّٰهَ كَـانَ عَلَيْكُـم رَقِيـباً٭*سورة النسـاء:الآية1*

_____________________________

على حبك قلبي اتسستم.. كده قلبي طلع من الأوم أوم.. بقى زي الطبلة يدوم دوم.. رك رك رك دوم دوم..🔥❤️....

چوري وهي تغني وهي تدخل المطبخ: كلها بقى ليها أخصام.. كلها بقى ليها أعداء.. كلها مافيا وعصابات.. كلها كلت الأجواء إيه...

حياة وهي تدخل المطبخ بإنزعاج: باااس إيه التلوث السمعي ده ؟..

دخل جواد المطبخ ليأخذ زجاجة ماء من البراد بينما تقول چوري بفخر: ده ده الأستاذ القدير كزبرة...

جواد بغمغمة: والله كزبرة نفسه ما هيصدق اللقب اللي قولتيه ده...

چوري بضيق: بتقول حاجه يا جواد ؟..

جواد بابتسامة صفراء: بشرب يا قلب جواد....

ثم أشاح بوجهه وهو يشرب....

چوري وهي تنظر لوالدتها: صحيح يا ماما هو بابا اتأخر ليه ؟..

حياة باستغراب: معرفش والله يا بنتي.. بس ليه في حاجه ؟...

چوري وهي تلعب بخصلة من شعرها: لا هو بس.. يعني.. عايزة أفاتحه في موضوع كده....

جواد بحاجبان معقودان: إيه الموضوع ده ؟..

چوري بتوتر طفيف وخجل: يعني.. عايزة أقوله إنه.. إن في واحد عايز.. يتقدملي...

حياة وجواد بعدم استيعاب: هاا ؟!..

چوري بإستغراب وضيق: هو إيه اللي هاا.. بقولكوا في واحد عايز يتقدملي...

جواد برفعة حاجب: آه وده مين ده بقى وتعرفيه منين ؟...

چوري بتذمر: أيه يا جواد الهجوم ده ؟..

حياة بهدوء وعقلانية: إهدى كده بس يا جواد"ثم نظرت لچوري وأكملت بابتسامة هادئة"مين ده يا چوري ؟..

چوري بهدوء: مراد السيوطي يا ماما....

نظرت لها حياة بعدم استيعاب: أيوه مين يعني ؟..

چوري بضيق: إيه يا ماما بقولك مراد مديري في الشغل...

جواد بتساؤل منزعج: آه وعايز يتقدملك ليه يعني..
إنتي مش بقالك أسبوع في الشركة...