في بيت السلطان
وقفت ام سعد عند الباب ودقته
سعديه توجهت للباب : مين
ام سعد : ام سعد يا روحي
سعديه فتحت الباب بتافف:هلا ام سعد عسى ما شر
ام سعد بابتسامة خبث : ولا عليك امر نادي لي نورة
سعديه : ونا موب ماليه عينك شبلاك ؟
ام سعد : بكلمها بموضوع لحالنا
سعديه : طيب تفضلي المجلس ونا بناديها لك
دخلت ام سعد وجلست تتامل في البيت ودخلت نورة عليها : سلام عليكم يا ام سعد سمعت انه تبيني في موضوع خير يارب
ام سعد : خير ان شاءالله اجلسي
جلست نورة تناظرها باستغراب تكلمت ام سعد : نورة تعرفين وين بنتك ؟
نوره باستغراب : بنتي ؟؟!! بناتي الحمدلله كلهم حولي وضحي اكثر !
ام سعد شتت انظارها : لا لا البارحه كنت في بيت محمد عندهم عزومه وعندها بنت اسمها عذوب يشهد علي الله اول ما شفتها حسبتها بنتك وخاطبتها لولدها من كثر ما هي نسختكم
نوره باستغراب : عذوب وتشبهنا وبنت محمد فاهمه انتي وش جالسه تخربطين
ام سعد : والله ما اخربط روحو وشوفي بعينك يمكن انها اصغر بناتك الي ضاعت منـ سكتت لمن شافت نظرات نوره احتدت عليها شالت شنطتها : يلا يلا انا تاخرت اعتذر منك طلعت باستعجال وقفلت الباب وراها
نورة الي نزلت دمعه منها ومسحتها باستعجال وطلعت برا ودخلت المطبخ وشافت سعديه جالسه على الطاوه تقطع سلطه ومناير واقفه على الغاز تنزل الزر في القدر لان قربو العيال يجون هم وابوهم راحت وجلست جنب سعديه
سعديه ناظرتها باستغراب: هاو شفيك
لفت مناير عليها : بسم الله عليش يا بعد طوايفي كلهم علامش ؟
نوره تنهدت وعلمتهم السالفه كلها
سعديه : معليك علمي السلطان وشوفي وش يقول يمكن كلامها فعلا من جد وانتي خابرتها هاذي
مناير :وهي صادقه سعديه علمي السلطان وشوفي وش يقول بس بعد الغدا عشانه الحين بيجلس يهوجس علينا
ضحكت نورة : تبينه يتغدا اجل
مناير بضحك : ايه والله موب جالسه من الصباح اطبخ عشان يجلس يهوجس
ضحكو كلهم وجلسو يسولفون
دخلت ميلاذ وعذاري ووراهم سعود سلمو عليهم وراحو يبدلون ملابسهم شوي دخل السلطان ومعه باتر وخالد ويزيد وعلى طول حطو الغدا وتغدو بعد الغدا كلن قام غرفته ونادة نوره السلطان وقام بدون لا يقول شي دخلت الغرفه وقفلت الباب وراها ب المفتاح وجلست جنبه على السرير وعلمته في السالفه كلها
السلطان : طيب خلنا نروح عندهم ونشوفها بعيونا
نورة : شلون يا السلطان وحتى لو مارح نشلها مع يدها ونقول ذي بنتنا لازم نثبتت !
سلطان : معليك نثبت اذا تاكدت انفسنا انها هي
نورة : طيب كلمهم خذ موعد منهم
السلطان : الحينه مانيب مكلم احد اكلم محمد العصر ونروح عقب العشى
نوره : زين
بيت محمد
دخل البيت وللحين سيارة سياف ما جت اول ما دخل طلعت دلال تحسبه سياف و عذوب شافته محمد شتت انظارها عنه : ارتحت سويت الي في راسك تبي تذبح بنتك يا محمد هاذي اخر عمايلك ؟
محمد ما هتم لها ودخل ينام
قام العصر على اتصال جواله فتح الخط ينتظر الرد
السلطان بهدوء : سلام عليكم
محمد : وعليكم السلام مين ؟
السلطان : معك السلطان ال عابر
فز محمد يحسب جايين يبون القرب منه ما يدري ليش فكر كذا وقتها
: هلا هلا والله آمر ؟
السلطان : ما يآمر عليك عدو ، ان كانكم فاضين اليوم بخاطرنا الاهل يتعرفون على بعضهم
محمد باستغراب : ايه اكيد فاضين بس وش المناسبه
السلطان : مابه مناسبه بس كذا
محمد : ايه ايه فاضين حياكم الله وقت ما تبون
السلطان : زين اجل بعد العشى زين ؟
محمد : وقت ما تبي ارحب
السلطان : الله يبقي ويطول بعمرك
قفل السلطان وهز راسه لنوره بمعنا جهزو انفسكم وافق
دقت نوره على سياف عشان يجي
سياف وهو يضحك مع عذوب : هلا يمه ؟
دلال : متى جايين
سياف : ليه قلت لعزام يعلمك اننا بنتاخر
دلال : داريه انكم بتتأخرون بس بيجوون عندنا ال عابر
سياف باستغراب : ال عابر
دلال : ايه دقو على ابوك وخذو موعد بعد العشى تعالو بسرعه
سياف : غريبه شعندهم
دلال : مادري بس لا تتاخرون
سياف : طيب يلا دقايق
قفل الخط ولف على عذوب الي على طول سألت
عذوب : وش صاير ؟
سياف : ابد والله ابوك شافنا فاضين وقرر يعزم ال عابر عندنا
عذوب بتنهيده : الله يرحمنا
سياف : اسمعي حاولي قدر ما تقدرين ما تجين صوبه مرا حتى اذا كلمك او حذف كلام لا تردين ونا داري الي سويته اليوم ماقدرت تمسكين لسانك عنه ومن غير شعور قلتيه وانتبهي لنفسك انا اليوم برجع للبل
عذوب : خلك لا تروح
سياف : معليه خلك مني بس انتي انتبهي
.....
بعد العشى في بيت ابو محمد
دخل البيت ؛ خلصتو
دلال : ايه خذ الاغراض من المطبخ
محمد : وليش ما جبتيها انتي ؟
دلال بتذمر : اوووه مانيب فاضيه لك
محمد عرف انها زعلانه منه وراح للمطبخ وشال الاغراض وطلع المجلس حط الأغراض وجلس ينتظر
دخلت البيت وسلمت على امها وراحت تلبس
سياف : ليش عزمهم ؟؟
دلال : ما عزم احد هم دقو عليه وقالو كانك فاضي بعد العشى نبي الاهل يتعرفون على بعض
سياف باستغراب: غريبه ، انا بروح البس وين عزام
دلال : في الغرفه قبل لا تجي بشويه جا
هز راسه سياف ومشى لغرفته
دق باب البيت
دلال توجهت تفتحه كانو ثلاث حريم بس سلمت عليهم ورحبت فيهم ودخلتهم الصاله شوي ونزلت غِناج وعذوب سوا سلمت عليهم وجلست نوره اول ما شافت عذوب فعلا كنها بنتها وكل نضراتها عليها
عذوب بانزعاج : سمي يخالتي عسى ما شر ؟
نورة وتوها تستوعب انها كانت تتامل فيه: حبيبتي انتي مشاءالله عليك الله لا يضرك
تبسمت عذوب وقامت تصب قهوة وخذتهم السوالف لين صارت الساعه 9:30 نوره بهمس ل مناير : مو كنه طول ولا عاجبه الوضع ؟
مناير : مادري والله اصلا غريبه عليه يجلس الوقت ذا كله دقي علــ. قاطعها ياسر الي دخل عندهم
ياسر : عمي السلطان يبيكم برا
نوره : قله دقايق قامو يجهزون انفسهم وطلعو سوا
دلال راحت وراهم وقفلت الباب
غِناج : والله ماني مرتاحه حيل لجيتهم ومتاكده ان وراها شي
دلال : حتى انا والله
طلعت عذوب من الصاله : انا بروح انام .
في سيارة السلطان : ها وش صار معكم
سعدية : والله نسخت نوره ما فرقت شي
السلطان : وانتي يا مناير ؟
مناير : نفس الكلام سبحان الله الي ماخذ وعاطيها تجنن البنت كنها امها بسمالله عليها
نوره : مادري والله يا سلطان وش السوات الحينه ما توقعت وربي
سلطان : معليك الموضوع موب صعب محمد موب مهتم بعياله اكثر من نفسه يعني ذا لو اعطيه الف واطلبها طلعها لنا مثل السلام عليكم بس البلا في خوانها مشاءالله واضح انهم كفو ومستحيل يطلعونها الا بشي يثبت
نورة : طيب تكفى شوف الموضوع
سلطان : يصير خير ان شاءالله وتراني خذيت رقم اخوها الكبير
أنت تقرأ
نمشِي على طوارف عذبها جَاهلين عذُوبتها .
Spiritualالي ما يعدك لا تعده والي يشب النار لا يزعل على دخانها - ومن باع الوصل بعنا دياره " صكيت باب العتب وكرمت نفسي واقفيت ".
