لفت ميلاذ بحماس ل عذوب : تدرين والله اني مشتاقه ل ثبات
ضحكت عذوب وغمزت لها : ثبات ولا اخو ثبات
ميلاذ ضحكت وبدون وعي ضربت كتف عذوب بالمكنسه
تاوهة عذوب بالم : وجع ياغبيه
ضحكت ميلاذ بصوت عالي : والله من غير قصد بس تستاهلين
عذوب : طيب خلصينا توجع
خلصو شغلهم بضحك وسوالف وهوشات
نوره : يا عذاري عطني البهارات من جنبس
لفت عذاري : يمه وينها موب فيه !
نوره : جنبس قلت
لفت تدور حولها : والله مافيه
نوره : واذا جيت ولقيتها؟
عذاري بتحدي : واذا ما لقيتيها
نوره :في كلأ الحالتين بمسك
ضحكت عذاري : كذا نضامس يعني
وخرت عن القدر وراحت عند عذاري تدور الابهارات ولا لقتها
عذاري باستهزاء : قمتي ولقيتها ولا لا
نوره ضحكت وهي ترفع علبت البهارات : لا ابشرس لقيتها
هربت عذاري من المطبخ بسرعه قابلت سعديه ومناير شايلين الذبيحه وغزيل شايله راس الخاروف ورجيله
مناير : اقول افلحي وتعالي ساعدينا
ضحكت غزيل بخبث لـ عذاري : قدني بحطه فوق راسش
صرخت عذاري وهربت ولحقتها غزيل بضحك
دخلت عذاري بالغلط عند المخازن ولا فيه طريق تكمل منه
ضحكت غزيل : وش رايش في شكلش وهو فوق راسش
عذاري بخوف : تكفين يا غزيل ابعديه عني
قربته من وجها وصرخت عذاري بقوه
غزيل : عمتش من ؟
عذاري بصراخ : تخسين
قربته غزيل منها وهي تضحك: شكله بخاطرش يرقد معش الليله
عذاري صرخت ببكاء : يمههه ابعديه عني
غزيل : طيب قولي عمتش من وفكش والله
عذاري وهي تبكي : عمتي غزيل وخريييي
غزيل بضحك : غزيل ايش ؟
كملت عذاري بكاها كل شوي يزيد بسب غزيل الي كل شوي تقربه من وجها : عمتي غزيل بنت السلطان آل عابر فكييني
قربته غزيل لوجها وصرخت عذاري ضحكت غزيل بقوه وفكتها وراحت تركض لداخل
عذاري بصراخ : والله ماخليس
مرو من جنبها ميلاذ وعذوب
عذوب ناظرتها بخوف من شكلها كان شعرها منكش ووجها احمر وكله دموع : شفيس
عذاري ناظرت ميلاذ : انقلعي انتي واختس
ميلاذ : شدخلني انا ؟
عذوب اشرت بيدها لوجه عذاري : هيي انا الي اسالك موب هي
عذاري نزلت انظارها على عذوب بحده : داريه انك انتي الي تسالين فارقي
مشت عذاري وخلتهم
عذوب باستغراب : علامها ذي من مكفخها
ضحكت ميلاذ بصوت عالي : اليوم ابوي دابح
عذوب : طيب ؟
ميلاذ : وغزيل موجوده تحصلينها لحقتها براس الخاروف مثل كل مره
ضحكت عذوب باستغراب من حركات غزيل
ودخلو المطبخ
عذوب بابتسامه لمناير : شوفي يمه خلصنا بسرعه وجيناس
مناير : كفو بنيتي ضبطتو الجلسه الي قاله ابوكم
ميلاذ وعذوب ناظرو في وجيه بعض بفهاوه
مناير : معليه يمديكم روحو بسرعه
طلعو الثنتين يتسابقون برا
وكملو العشا والبنات نظفو البيت وجهزو غرفه ل عمهم
العشاء ٨:٤٢
دخل السلطان المطبخ
السلطان بابتسامه: عساكم ع القوه انشاءالله
لفو عليه كلهم : يقويك
السلطان : ها وش صار
نوره : كل شي تمام الحمدلله وخلاص دقايق وكلنا بنطلع
السلطان : يلا زين وقبل شوي ظيدان مرسل ل خالد وهم حول الديره يعني نص ساعه وهم هنا
سعديه : واخوك ذياب وش نوحه
السلطان : والله مادري عنه شي بس بشوفه
جات عذوب ركض وراها ميلاذ تلحقها
السلطان مسك عذوب : شوي شوي شفيكم ؟
عذوب وهي تضحك وتحاول ترقع السالفه : يبه جايين نوريك الجلسه حنا الي ضبطناها
السلطان ضحك : كل ذا عشان توروني الجلسه امشي امشي سبحان الله قدر ولقى غطاه
مسك عذوب وميلاذ وصار وسطهم وصارو يمشون متجهين للجلسه
عذوب بتردد: يبه
السلطان : عيونه
عذوب : يبه ابي اروح عند امي من زمان عنها وعن اخواني
السلطان بابتسامه: اشتقتي
عذوب : ايه والله وابي ارقد عندهم بعد
ميلاذ : لا يبه لا تخليها تروح
عذوب قرصت ميلاذ من ورا
ميلاذ بالم : آآهه
كحت عذوب عشان لا يسمعها ابوها
السلطان كان داري عن حركاتهم بس ماعلق
السلطان : ابشري اخليس تروحين لهم بس موب الحينه اجليها شوي
وصلو عند الجلسه
ميلاذ : شوف يبا انا الي ضبطتها لحالي وبنتك ماغير تهرج فوق راسي ولا مست شي
عذوب شهقت : كذابه كانت يدي على يدس
السلطان : مشاءالله كفو بنياتي ، وبيت الشعر
عذوب : كله سويناه
السلطان بابتسامه: عشتو خلاص يابناتي روحو شوفو امهاتكم وكانهم ما يبون شي اصعدو فوق تجهزو موب باقي اهم شي ويوصلون
راحت عذوب وميلاذ للمطبخ وهم في طريقهم
ميلاذ : ليش قرصتيني
عذوب : عشان مالس دخل
ميلاذ : مالي دخل اجل اوريش
عذوب ضحكت : خلاص انا اسفه ما كنت اقصد واعتبريها حق المكنسه الي في كتفي
لفت ميلاذ عليها : ونا بعد اسفه
وقفو ضمو بعض وكملو
دخلو المطبخ كانت مناير ونوره يشلون اللحم ويحطونه في صينيه عشان يدخلونه في الفرن
وسعديه تقطع سلطه
عذوب قربت من اللحم : يمه تبين مساعده
نوره : لا خلاص خلصنا اطلعو اركضو ورا بعض مثل المجانين
عذوب وهي تمد يدها شوي شوي ع اللحم : افا يمه حن مجانين والله اني عاقله بس بنت امي مناير مرحوله (يعني مجنونه)
ميلاذ : يمه يرضيش تقول عن بنتش مرحوله ؟
مناير رفعت راسها : كلكم مجانين قدر ولقى غطاه
نوره ضربت يد عذوب
عذوب بالم: يمه
نوره : وحطبه حق الناس ذا اصبري
عذوب بصوت عالي : جوعااانه
دخل سعود : اكلوها لا تاكلنا
ضحكت عذوب : كلك عظام ماباكلك لا تخاف
سعود : الحمدلله والشكر بس
مناير قطعت قطعه وحطتها في فم ميلاذ تقهر عذوب فيها :بالعافيه يمه
ميلاذ بضحك : يعافيك
عذوب وهي تناظر في نوره: شوفي موب مثلس تهبد بي
نوره ناظرت مناير وضحكت
عذوب : يمهه سوي لي مثلها
نوره : بزر انتي خلاص روحي مافيه
جلست عذوب ع الارض تربعت : مانيب رايحه سوي لي مثلها
جلس سعود ع طاولت المطبخ يناظر فيها وميلاذ جالسه تقهرها : مسكينه امس ما تباس
ناظرت فيه عذوب وقامت : اوريكم انا
طلعت برا تركض وراحت بيت الشعر
وقفت قدام سلطان بتمثيل للبكي : يبه شوفهم
السلطان طفى جواله : من هم
عذوب : جوعانه ولا هم راضين يوكلوني وامي مناير جالسه تطقطق علي وتاكل ميلاذ بيدها وامي نوره ماغير تهادني ولا تبي تاكلني
السلطان ضحك وهو يقوم : افا بس هم ما اكلوس انا اكلس بيدي
تبسمت عذوب بأنتصار ومسكت دراعه وراحو المطبخ
كانو قدامهم داخلين خالد وباتر وغزيل دخل السلطان
وكلهم ناظروه باستغراب
ميلاذ بضحك وهي تناظر مناير : يمه طلع عندها ذي واسطات قويه
لفت نوره وشافت السلطان وجنبه عذوب : ابوس يالمشفوحه مرا وحده
قرب السلطان من القدر وفتحه : اكليه كله ولا تخلين لهم شي
عذوب : اكلني انت
ضحكو كلهم عليها بصدمه
نوره بضحك : تستهبلين انتي
هزت راسها عذوب بـ لا
قرب السلطان وشل الرز بيده وحطه في فمها
عذوب وهي تتلذذ بالاكل قدامهم
قرب خالد من السلطان : يبه ونا بعد ابي
السلطان : وبعد هم موب راضين يوكلونك
حك حاجبه خالد ولف على باتر : اها يعني هو الحين جاي يوكلها عشان هم ما اكلوها
ضحك باتر : والله طلعت موب هينه
رجع لف خالد على ابوه وضحك: تبي الصراحه امي ماتبي احد ياكل من اكلها ولي يومين ما كليت
ضحك السلطان : افا يا نوير اخريتس ما تأكلين عيالي
قطع السلطان من اللحم وحطها في فم خالد
نوره وهي تناظر فيهم بصدمه : جحدتوني عشان لقمه من يد ابوكم ونا الي عمري كله راح ونا احشي فيكم
قاطعها خالد بغمزه عشان تسكت ضحكت نوره عليه
دق جوال السلطان وطلعه من جيبه شاف الاسم ، محمد ابو ضيدان .
لف على عذوب : خلاص شبعتي
عذوب بابتسامه : لقمه من يدك شبعتني سنه قدام
نوره باستهزاء: والله على سويتيه قبل شوي ما ضنتي انس تشبعين
ضحكت عذوب : لو انس موكلتني كان ما صار ذا كله
غطا السلطان القدر وهو يضحك : لحد يجوعها فاهمين
عذوب وهي تهمس لسعود : شوف حتى ابوي خايف علي اني اجوع
سعود بنفس الهمس : لا والله موب خايف تجوعين خايف تفضحينه قدام العرب جوعانه وبعدين يقولون السلطان ما يوكل بناته
ضحك باتر بقوه الي كان سامع كلامهم : عز الله انك صادق
نوره : يكفي ضحك وروح استقبل عمك انت وياه
باتر بفهاوه : اما عاد جا
نوره : ولي قبل شوي دق منهو ؟
باتر : شدراني انه عمي ابوي ما هرج بشي
طلع خالد وسعود وباتر بسرعه يستقبلون عمهم
طلعو البنات فوق يتجهزون بسرعه
سعديه باستغراب : وين وليد وفارس وهايف ماشفتهم ؟
مناير بعصبيه : دقي عليهم لأدق نحرهم اليوم يعني خابرين عمهم جاي وداشرين ؟
نوره : معليس خلاص هدي شوي وبجون امشو نستقبل الحريم
سعديه : روحي انتم دقايق وجايه لكم بس خلني اشوفهم
نوره وهي تاخذ يد مناير وتمشي معها : يلا عجلي طلعت نوره وناير وراحو الصاله واستقبلو مزنه (ام ضيدان ) و ثبات
نزلو البنات كلهم وسلمو عليهم وجلسو
مزنه باستغراب وهي تناظر في عذوب الي تصب لها قهوه : من ذي يا نوير ؟
نوره بابتسامه :بنيتي عذوب كانس تذكرين سالفتها
لفت مزنه بصدمه على نوره : صادقه انتي
نوره : ايه والله الحمدلله
مزنه بابتسامه وقفت تضم عذوب : الحمدلله على سلامتس ورجعتس لهلس
عذوب بابتسامه : الله يسلمك يعمتي
جات الشغاله: مدام عذوب بابا سلطان يبغا انتا في بيت الشعر
عذوب ناظرتها بابتسامه : يلا دقيقه
نوره : تغطي زين الحينه العيال برا
عذوب : ابشري
راحت عذوب تلبس طرحتها وكانت لابسه مخور لونه ازرق فاتح وعليه ورد صغير
خلصت وطلعت برا راحت لبيت الشعر ودقت الباب ودخلت
وقف على طول محمد هو والسلطان لها
السلطان بابتسامه: يامرحبا يا بنيتي
عذوب بخجل من ابوها : البقى يبه
قربت من محمد وحبت راسه وهو مسك يدها
محمد بذهول : مشاءالله عليس شخبارس يابنتي
عذوب : الحمدلله ياعمي انت كيفك
محمد : والله اني بخير عقب شوفتس والكلام الي سمعته من ابوس
دخل ضيدان المجلس ولا كان منتبه لها
هي اول ما شافته اندست ورا ابوها انتبه عليها ضيدان وعطاهم ضهره : يوه معليه والله مادريت انه فيه احد
السلطان بابتسامه : تعال يابوك وش بغيت
قرب ضيدان من ابوه وعذوب منخشه ورا السلطان ولا باين منها شي : يبه عطني مفتاح سيارتك امي تبي علاجها
محمد وهو يطلع المفتاح من جيبه ويعطيه : اذا خلصت جبه بسرعه عشاني خابرك فاهي
خذا ضيدان المفتاح وطلع برا وهو يضحك
طلعت عذوب من ورا ظهر ابوها
محمد بضحك : تدرين نسيت انس فيه
عذوب : الله يسامحك ياعمي
السلطان : انت الفاهي موب ولدك
محمد : عاد شنسوي الله ياخذ ويعطي ، وش عندس عذوب
عذوب : ولا شي امر
محمد : ما يامر عليس عدو اجلسي هنا
دخلت ميلاذ : مشاءالله تجلسونها عندكم ولا تعزموني معها
السلطان بضحك : من ناداس انتي الحينه
تخصرت ميلاذ : ليش ماتبيني انشاءالله ؟
محمد : اذا ابوس مايباس عمس يبيس
ضحكت ميلاذ وضمت عنها وحبت راسه
محمد بضحك : وش مسويه فيكم عذوب لذي الدرجه
ميلاذ وهي تستفز عذوب : يوه ياعمي ماغير تتدلع ماتنبلعع
ناظرتها عذوب بصدمه : انا ما نبلع
ميلاذ وهي كاتمه ضحكتها على وجه عذوب : ايه ما تنبلعين وبزر وغثيثة بعد
عذوب : اوريك انا
هربت ميلاذ برا المجلس ولحقتها عذوب يادوب تنزل عذوب من الدرج وصدمت بشي
ضيدان مسكها مع كتفها : شوي شوي
سكتت عذوب وهي تحاول تستوعب الي صار
ضيدان بخوف عليها : انتي بخير صارلس شي ؟
رفعت راسها عذوب بفشله وهي تحس بدوخه من الموقف : هاه انا بخير وخر عني
ضيدان وهو يرفع طرحت عذوب ويغطي شعرها : معليك حصل خير ادخلي داخل
عذوب وهي توها تستوعب وخرت عنه بسرعه وهي تمشي على عجله وتدعي على ميلاذ الي حطتها بذا الموقف وجسمها صار كله يرجف
عكس ضيدان الي تبسم من قلب بس انه استغرب انها ماهيب ميلاذ ولا عذاري وصار في باله الف سؤال يبي له جواب
دخلت عذوب وجها مخطوف لونه وجلست جنب غزيل
غزيل بخوف من شكلها : علامش ؟
ماردت عليها عذوب مسكت وجها غزيل : عذوب انتي بخير
لفت عليها عذوب بفهاوه : هاه ايه ماصار شي.
غزيل : شفيش انتي وش صاير وش مسويه
عذوب بعصبيه : قلت لس مافيني شي خلاص
قامت عذوب فوق وخلت غزيل الي افكارها خذتها
دخلت عذوب الغرفه ونسدحت على فراشها تفكر كيف ترقع السالفه
دخلت ميلاذ : عذوب وش صار ؟
عذوب عطتها ظهرها
جات ميلاذ عند وجه عذوب : عذوب اسفه والله ماكنت اقصد وبس كنت ابي استفزش والله
ماردت عليها عذوب وجلست تعاين في وجه ميلاذ بصمت
ميلاذ بندم : تكفين وربي اسفه ما توقعت تزعلين
عذوب : ما زعلت
ميلاذ : اجل علامش ؟
عذوب : احس جسمي ينتفض
ميلاذ : يابنت لا تخوفيني وش صار
غطت عذوب وجها بيدها بفشله : ونا لاحقتك صدمت في واحد اسمه ضيدان
ميلاذ شهقت بصدمه : لايكون حبيتيه
عذوب ضربتها على كتفها : وجع وش ذا الكلام
ميلاذ : اجل علامش هاديه ؟
عذوب : متفشله وربي احس جسمي كله ينتفض
ميلاذ وهي تطمنها : مالقيتي تتفشلين الا من ذا ياخي ذا ثلجه ما يهمه احد ويعصب بسرعه وكل همه شغله يعني انتي من الاخر صفر ع الجنب عنده
عذوب وهي تطمنت شوي : من جد تتكلمين
ميلاذ : ايه والله حتى اخته وهي اخته دايم تشكى من بروده فما بالش في بنت عمه يلا قومي
عذوب : عادي يعني صح انا من غير قصد ولا كنت ادري
ميلاذ : ايه عادي ولا عليش انسي وامشي معنا تحت
نبي نجلس في الحوش كلنا
عذوب وهي تمسح وجها : يلا جايه
ميلاذ : لا امشي معي
عذوب نزلت مع ميلاذ تحت
غزيل وهي تخز عذوب : قبل شوي جالسه اكلمش وخليتني وقمتي ومع ميلاذ جيتي على طول
عذوب جلست جنبها ؛ ياخي انتي وقتس غلط انا اسفه خلاص
غزيل : قومي تقلعي جنب ميلاذ مابيش جنبي
عذوب قربت بسرعه وباست خدها : خلاص اسفه
ضحكو البنات على حركتها
غزيل لفت عليها بصدمه وضحكت : تستهبلين انتي
عذوب بابتسامه : خلاص تصالحنا
غزيل : جيبو البلوت يبنات
ميلاذ : دامها تبي بلوت خلاص رضت
ثباث : بنات وين عزه بنت نجد ما شفتها اليوم
عذوب : عند ابوها بكره بتجي هي واخوها
ثبات : وربي مشتاقه لها حيييل
ميلاذ : بتشوفينها بكرا
جلسو يلعبون بلوت ويضحكون و يسولفون ويتهاوشون وخذا فيهم الوقت بدون لا يحسون واذن الفجر
غزيل باستغراب : الفجر ذا ؟
عذوب : ما اضن توه بدري
ثبات وهي ترفع جوالها : يبنات الساعه اربعه ونص
غزيل شهقت : حسبي عليكم يا بنات بروح للبل الساعه تسع ولا يمدي ارقد
ميلاذ بتدارك للوضع : خلاص امشو نصلي ونفطر وننتظرهم يصبحون وعقبها نمشي للبل سوا وتاليها ننام وش رايش ؟
البنات : تم
غزيل بمقاطعه : وشو يلي تم وين احطش انتي وياها في الحوض ؟ سيارتي ما تكفيكم
عذوب : تلايطي انتي وسيارتس محد ميت عليس بنطلع مع العيال
غزيل : اجل كذا تم
قامو يصلون بسرعه ويرجعون
أنت تقرأ
نمشِي على طوارف عذبها جَاهلين عذُوبتها .
Spiritualالي ما يعدك لا تعده والي يشب النار لا يزعل على دخانها - ومن باع الوصل بعنا دياره " صكيت باب العتب وكرمت نفسي واقفيت ".
