غيداء بمبادلة الحضن ؛ ونا بعد والله يابنت اخوي
رفعت راسها العمه تناظرهم وحصلت عذوب بوسطهم ولا عرفتها : هاذي من ؟
ميلاذ بحماس : هاذي اختي عذوب عمه
غيداء بصدمه : وشو اختك انتي الثانيه من اي شارع جايبينها ذي ؟!
تجمعت الدموع في محاجر عذوب وناظرتها بصدمه واستغراب في نفس الوقت ولا عرفت وش ترد ولفت عذوب بتطلع وقابلت غزيل على الباب : وش فيك انتي
نزلت عذوب بدون رد ودخلت غزيل الغرفه : اشبها هاذي نازله تبكي ؟
عذاري بهمس : عمتي قالت عنها من اي شارع جايه
شهقت غزيل باستغراب من كلام عمتها : متاكده قالت كذا ؟
عذاري ؛ ايه والله قالته
قربت غزيل : عمتي ليش قلتي كذا ترا هاذي اختنا وانتي اخبر في معاناتنا وقتها !
غيداء بعصبيه : انا ماني وحده من خواتك تتكلمين معي كذا وايه هي بنت شارع وخري اشوف انتي الثانيه
وخرت غزيل باستغراب تام : ليش هي صايره كذا ؟
رفعو البنات كتوفهم بعدم معرفه دخلت عبير الغرفه وبصوت عالي : اوه بنات خوالي عندنا
عذاري : الشوق جابنا شنسوي
عبير ضمت عذاري : اطلق شوق ذا والله اني مشتاقه لكم مره طفش لحالي
عذاري ؛ اكثر والله
وخرت عبير عنها وسلمت على البنات وجلست : ها شخباركم شعلومكم ابوكم يقول معكم نفر زايد وينها
غزيل : امش خلت فيها نفر
عبير باستغراب : امي ؟! شدخلها
غزيل : امش اشبها صايره كذا ؟
عبير لفت على البنات : هاذي وش تهرج احد فيكم يشرح لي
ميلاذ: قصدها امش ليش صايره كذا عصبيه ؟
عبير : مادري والله لها فتره حتى معي
-
نزلت عذوب وجلست عند النخل ودموعها تسري على خدها بصمت جا هايف من وراها : شعندها القطوه جالسه لحالها ؟
ماحصل استجابه ووقف قدامها : اكلمك انا
رفعت راسها : هايف وخر عني مانيب ناقصتك
هايف جلس قدامها : اف اف تبكين ليه وش صار
عذوب : ماصار شي
هايف : بتتكلمين ولا اصفقك هنا ؟
عذوب ضحكت من كلامه : لا ياشيخ وخر بس
هايف : اوريك انا الحين اجيب لك خالد
وقف هايف وطلع جواله ودق على خالد
فتح خالد الخط وهو وسط العيال متربع ويلعب بلوت حط جواله على فخده وفتح الاسبيكر وقرب منه : هلا
هايف : وينك فيه ؟
خالد ؛ موجود عند العيال
هايف : طيب تعال عند النخل شوي
خالد : مانيب جاي ليه وش فيه ؟
هايف : ياخي ذي شسمها عذوب جالسه تبكي ولا هي راضيه تحاكى اشبها !
خالد : افا ياذا العلم يلا جايك دقايق
قفل خالد ووقف : وليد تعال العب بدالي
فارس : على وين تونا
خالد : القطوه تبكي بروح اشوفها
ليث بمداخله : منهي قطوتكم ذي ؟
فارس : محارمنا شدخلك انت
ليث ضحك : معليه والله ماكنت ادري
فارس : العب العب
هايف وهو موقف قدامها : مارح تعلمين طيب ؟
هزت عذوب راسها ب النفي : لا
هايف جا يبي يتكلم بس قاطعه دخول خالد : قالو لي تبكين شفيك ؟
عذوب مسحت دموعها وبتسرع : من قالك مابكيت
خالد : علينا ياعذوب هالحركات ؟ وش صاير
لف هايف ومشى للعيال ووقفت عذوب قدام خالد : عمتكم تقول عني من الشارع
ناظرها خالد بصدمه : منجدك عمتي غيداء قالته !
سكتت عذوب وكمل خالد : وانتي الحين تبكين على شان كلمه ولا بتودي ولا بتجيب ؟ وانتي شعليك فيها انتي بنت السلطان غصباً عنها
عذوب : طيب هي ليش قالت عني كذا وش سويت لها انا
خالد : اصه لا تكملين انتي ماسويتي شي ولا عليك فيها ابركها من ساعه اهم شي انك بنت السلطان واخت خالد وش تبين اكثر من كذا
ضحكت من كلامه : اهم شي اني اخت خالد
حط خالد ذراعه على كتفها وصار يمشي وياها : تدرين احيانا احس انك بنتي مو اختي
عذوب : انا بنت السلطان
خالد : وبنت خالد بعد واخته
عذوب : خالد عادي اسالك سؤال ؟
خالد : عيوني لك سمي
عذوب : ليش للحين ما تزوجت ؟
خالد : من قالك اني ما تزوجت
عذوب ناظرته بصدمه : وين زوجتك طيب
ضحك خالد وسكت ثواني ؛ انا تزوجت بس طلقتها
عذوب : اهه ليش
خالد بتصريفه السالفه : ربي ماكتب نكمل مع بعض ، شرايك نسوي سباق ؟
عذوب ؛ مالي خلق
خالد وقف مكانه : ترديني يا عذوب ؟
عذوب ناظرته : من قال رديتك ؟
خالد : انتي
عذوب ركضت وبصوت عالي : رديتك بس ماقلت لا
ضحك خالد وركض وراها : كذا نظامك
وقفت عند باب البيت : خلاص تعبت انا فزت عليك
خالد وقف جنبها بتعب ؛ عشانك غشاشه فزتي يلا ادخلي داخل وبس يصير شي علميني
عذوب : تم
-
دخلت عذوب عند جدتها والحريم
جملا : حيي الله عذوبه
عذوب بابتسامه: الله يحييك ويبقيك جده
جملا : تعالي اجلسي عندي ابغيش
عذوب : من عيوني جايتك
راحت عذوب وجلست جنبها جملا مسكت يدها
: شخبارش شعلومش
عذوب : الحمدلله انتي كيف ؟
جملا : والله من شفتش ونا بخير
ابتسمت عذوب من حنيتها وكملت جملا : عساش عاقله مو مثل اخوانش المراحيل ؟
نوره : عذوب عاقله لا اله الا الله ياعمتي لا تغرك شيطانه تراها
ضحكت مزنه : في ذي اتفق بس تراها خوافه
سعديه : ياويل حالي تكفون هاذي خوافه ؟ هي والشيطان واحد!
لفت جملا تناظر عذوب بصدمه من كلامهم
مناير ابتسمت : صح ان كلامهم صدق ولا اعترض عليه بس تراها تعجبش يا عمه وفطينه
جملا : ياويلش ياعذوب والله ان امغطش بالعصى
عذوب بتوتر : لا لا خلاص بصير عاقله واعجبك
ضحكت جملا من خوفها : كفو بنيتي
وقفت عذوب : ااا انا بروح عند البنات
أنت تقرأ
نمشِي على طوارف عذبها جَاهلين عذُوبتها .
Spiritualالي ما يعدك لا تعده والي يشب النار لا يزعل على دخانها - ومن باع الوصل بعنا دياره " صكيت باب العتب وكرمت نفسي واقفيت ".
