في بيت محمد
دخلت عذوب وهي كارهه نفسها
محمد من الصاله : يا هيي تعالي
عذوب بملل : ايوا
محمد بحده : وش مسويه
عذوب : ماسويت شي
محمد ضربها كف : المديره دقت لسانها هالطول عليك وتقولين ما سويت شي انا اخر عمري بناتي يهربون من المدرسه ؟ ومع من يا قليلة الحيا انطقييييي ؟!!!
عذوب بصدمه ويدها على خدها : هي وش قايله والله ماسويت شي
عزام دخل ووقف على الباب هو ودلال وغِناج
محمد بعصبيه مسك شعرها : مع من تطلعين من المدرسه من ابن الحرام الي ياخذك
عذوب ببكاء : بيه والله انك فاهم غلط افهمني
عزام دخل ودف ابوه وبصراخ : عذوب روحي غرفتك
محمد : وخررر انت الثاني مسوي رجال علي
عزام : ماني مسوي رجال على احد فكنا بس كذا جالس تشكك في بنتك وتربيتك وتقول عنها كلام تستحي تقوله بينك وبين نفسك ارحمنا منك ومن تفكيرك
محمد : شوف يا عزام ترا حالك حالها وفيك خير انطق فاهم يالعاشق الولهان
عزام : مالك دخل فيني ولا تدخل شي في شي وبعدين بنتك لو بطلع مع من بتروح وهي من المدرسه للبيت فكر بعقل افرض احد سمعك وانت تقول كذا في اعلى صوتك يا ابوها هو وش بيقول اذا ابوها قال كذا وش بتخلي للغريب انت يقول
محمد : يقول الي يقوله وصدقني المره الثانيه عليك يا قليل الحيا والتربايه
عزام بعصبيه : ذا يلي فالح فيه بس ، طلع من الصاله وراح لعذوب فتح الباب وشافها جالسه على الارض وتبكي بقوه وشهقاتها خانقتها
عزام جلس جنبها : عذوب وش صاير فهميني انا
عذوب بشهقات : والله ماني مثل الي يقوله ابوك والله
عزام : طيب طيب اهدي انا اعرفك والله انك ما تسوينها ولا تفكرين بعد بس اهدي وفهميني
عذوب وهي تحاول تهدي نفسها : عزام والله اني رحت انا وخويتي ورا في ساحت المدرسه بس من ورا كملت بشهقات خفيفه والمراقبه علمت علينا وقلبو المدرسه فوق تحت يحسبونا هربنا منها وبكت
عزام ضمها ويحاول يهديها : طيب وبعدين ليش هي دقت وقالت هاربه ؟
عذوب ببكاء : في المكتب خويتي تهاوشت معها وسفلو في بعض يمكن عشان كذا بس والله اني ماني مثل تفكـ
قاطها عزام : اشششش خلاص معليك من شي نامي
عذوب بشهقات : تعبت تعب عزام والله معاد فيني حيله لشييي انهديت
عزام باسف على حالهم : معليك معليك كلنا والله انهدينا وتعبنا بس وش نسوي شايفه احد مننا سالم منه ؟ اذا انا ونا رجال وشواربي ماليه وجهي يعامل ياسر احسن مني
عذوب بشهقه : حسبي الله عليه كانه ابو
عزام بتنهيدة : خلاص نامي
بيت السلطان
دخل هايف وشاف ميلاذ في وجهه
هايف : ابوي وينه ؟
ميلاذ بروقان : الناس تقول سلام عليكم وانت داخل مثل البهيمه
هايف : ما البهيمه الا يلي قدامي
ميلاذ بصدمه : انا بهيمه والله اعلم ابوي عليك ونشوف من البهيمه
هايف مسكها من يدها : خلاص تعالي محد يمزح معك انتي
ميلاذ : ايه كذا خلك شاطر
هايف : طيب الحين ابوي وينه
ميلاذ : شدراني روح دوره
هايف بعصبيه : الحين لك ساعه بهيمه ويهينه واخر شي روح دوره ؟
ميلاذ : ايه يلا روح دوره
هايف : اصلا الي يوقف معك يضيع وقته
طلع فوق وقابل امه سلم عليها
هايف : يمه ابوي وينه
سعديه : في غرفته
هايف راح بسرعه ومعه الملفات والاوراق الي طلبها ابوه دق الباب
السلطان : تفضل
دخل هايف وحط الاوراق على الطاوله : كل الي طلبة موجود
السلطان : كفو ولدي ذولي عيال السلطان
هايف بفخر : كفوك الطيب تربيتك اكيد بنطلع مثلك
السلطان : خلاص اشوفها واعلمك
طلع هايف وقفل الباب وراه
وفتح الملفات السلطان بحماس وصار يقراء بحماس عنها
" العشاء "
طلع السلطان فوق وخذا الاوراق الي جابها له هايف
ونزل تحت جلس عند هايف في المجلس وندا الشغاله
الشغاله : ايوا بابا
السلطان : وين العيال ؟
الشغاله : كلو جوا غرفه حتى ماما نوره وسعديه ومناير
السلطان : طيب روحي نادي لي نوره
الشغاله : حاضر ، راحت فوق ونادت نوره
هايف : وش صار يبه كل شي مثل ما تبي
السلطان : ما قصرت
دخلت نوره باستغراب: علامك
السلطان : اجلسي انشاءالله بنتك ذا الاسبوع بين احضانك
نوره بحماس : صدق
السلطان : قولي ان شاءالله
جلست نوره : ورني وش عندك
السلطان فتح الاوراق : شوفي عندك هاذي كلها اثباتات من يوم ولادتها راح اروح انا وهايف عندهم الحين وافتح ابوها في الموضوع ونشوف
هايف باستغراب : انا ؟
السلطان : لا شوف فيه هناك واحد ثاني اجل من
هايف : المعذره
نوره بغباء : واذا رفض يعطيك
السلطان سند ظهره عالكنب : ناخذها غصب يلا قوم يا هايف
هايف : ابشر اغير ثوبي واجيك
أنت تقرأ
نمشِي على طوارف عذبها جَاهلين عذُوبتها .
روحانياتالي ما يعدك لا تعده والي يشب النار لا يزعل على دخانها - ومن باع الوصل بعنا دياره " صكيت باب العتب وكرمت نفسي واقفيت ".
