ناظرت فيه بهدوء وتجاهلته وراحت لعزام عند السياره
عذوب : عزام انتبه لنفسك
عزام بضحك : بزر قدامك
كملت عذوب : وتصرف بعقل وانتبه لا تعصب
عزام الي حس ان فيه شي جالسه تلمح له فيه : وش فيك وش صاير ؟
عذوب ناظرت السلطان الي جاي ناحيتها : مو صاير شي بس انتبه لنفسك
عزام هز راسه ب تمام : وانتي انتبهي لنفسك واذا احتجتي شي كلميني
هزت راسها ب تمام ووقفت تناظر السلطان
السلطان الي سلم على عزام وسياف وركب وهي ركبته معه
السلطان بحنيه : شخبارس عذوب
عذوب بهدوء: الحمدلله
السلطان : الحمدلله
عذوب سكتت ثواني : وش السالفه ؟
السلطان باستغراب: سالفت وشو ؟
ناظرته عذوب بنفس الهدوء وهو فهم
تنهد السلطان وعلمها السالفه
عذوب بدموع : وليش توكم تدوروني وتدرون عني
السلطان : والله يابنتي اني مافيه فيه يوم نسيتس فيه ودايم على بالي وادعي لس بكل صلاة بس الي صار مقدر ومكتوب والمهم انس الحين معنا الحمدلله
عذوب صدت نظرها عنه ببكيه : صح مقدر ومكتوب
السلطان بابتسامه: بتبكين الحين بضيق عليس خلس لا شفتي اخوانس ابكي عاد انتي الحين من قدس عندس قبيله موب اخوان
ناظرته باستغراب : ليه
السلطان ضحك : وشو يلي ليه مشاءالله اخوانس الاوليين واخوانس الحين عز الله سلمنا
ضحكت من كلامه : كم واحد
السلطان : عندك سلمس الله ٦ اخوان و ٤ خوات وانتي خامستهم واصغرهم اعرفس عليهم واحد واحد بس اصبري
وقف السلطان عند باب المزرعه ينتظر الحارس يفتح الباب
عذوب هي تتامل المزرعه الكبيره وواض البيت من سورها
دخل سلطان والحارس قفل الباب وراه وقف السياره بين مجموعه من السيارات ونزل وهي نزلت وراه
السلطان وهو يمشي بهدوء وهي خلفه : وش رايك في حياة المزارع
عذوب بخفوت : احلى عيشه تبسم السلطان وفتح باب البيت ودخل الصاله وهي وراه اول ما دخل فزت نوره والعيال كلهم وقفو احتراما لابوهم ناظرت عذوب فيهم وواضح انهم كانو مجتمعين وينتظرون وقفت نوره وضمت عذوب : شخبارس يمه
عذوب بادلتها الحضن بابتسامه : الحمدلله بخير
جلس السلطان بصدر الصاله ونوره سحبت عذوب وجلستها جنب السلطان وهي جلست جنبها وصار ترتبيهم " السلطان في الصدر وعلى يمينه على طول عذوب وعقبها نوره وعلى يساره على طول سعديه وعقبها مناير والعيال حولهم "
السلطان بابتسامه : الحمدلله انس انتي الحينه بسم اهلس واخوانـ
قاطعه دخول ميلاذ وهي تهاوش : ليش محد قال لي انه ابوي جاء وش قلت الحيا ذي
عذوب بصدمه : ميلاذ!
لفت ميلاذ عليها : عذووب
قامت عذوب بسرعه وضمتها
ميلاذ بهمس : الحمدلله جاء اليوم الي اشوفس فيه اختي فعلا
ضحكت عذوب
السلطان : تعالي يبه عذوب اعرفك عل اهلس
رجعت عذوب مكانها وشبكت نوره يدنها بيدين عذوب
السلطان اشر على نوره ابتداءا من عندها :
هاذي امسّ نوره مايحتاج لها تعريف عذوب ناظرت نوره وابتسمت من ابتسامتها كمل السلطان
وهاذي اختس نجد وذولي بزرانها عزه وعبدالعزيز اذا جت ما تسمعين الى صراخ هي تصارخ وعيالها يصارخون
ضحكو كلهم عليها
نجد بفشله : يبه الله يسامحك موب لهل درجه
ضحك السلطان وكمل : وهاذا اخوس خالد اكبر عيالي وكفو ونعم الرجال
تنحنح خالد وابتسم لها
الوليد بضحك : وحنا مالنا رب ؟
السلطان : انكتم انت
ضحكو كلهم على وجه وليد الي قلب الوان
سعود بهمس لوليد: لو انك ساكت ابرك
كمل السلطان : وذا اخوس باتر وذي زوجته خلود وعاد ذولي الاثنين عالم ثاني ولا هم حولنا ولا يجونا الا اذا عزمناهم
سعود وهو يخز نجد : ع الاقل احسن من بعض الناس نصبح ونمسي وهم في وجيهنا
السلطان بضحك : في ذي صادق
ضحكو كلهم وكمل السلطان بابتسامه: وعاد انتي الرابعه
تبسمت عذوب من حنيته وكلامه
وكمل السلطان : وذي امسّ الثانيه سعديه عاد ذي اذا حطتس في راسها عز الله سلمتي
سعديه بفهاوه : من انا ؟
كمل السلطان وعاد ذا اخوس الوليد
الوليد اول ما سمع اسمه تنحنح ورز نفسه
كمل السلطان ما منه فايده غير الطقطقه الي مالها داعي
الوليد بخيبه: يباااااا
السلطان بجديه: وحطبه
ضحكو كلهم على وليد الي كان متأمل يجيه مدح بس خاب ظنه
كمل السلطان وذا اخوس هايف حاله حال نفسه ولا هو داري وين ربس حاطه
هايف بفهاوه : سمّ يبه
السلطان : سم الله عدوك كمل يبه كمل ، شفتي ذا وضعه
وذا اخوس سعود رجال كفو حطيه بس في الطقطقه والوناسه
سعود مسح على دقنه بضحك : الحمدلله طلعت بشي يبيض الوجه
كمل السلطان : وذي عاد اختس عذاري حطيها في الطلبات ومحركشت ميلاذ
عذاري بحلطمه : يبا هي الي تبدا
السلطان : بدت يلا
عذوب الي كانت تناظرهم والابتسامه ما فارقت وجها وهي تفكر كيف انهم يجتمعون ويضحكون ويسولفون سوا وهي كانت تتمنى لو اهلها يجتمعون ويتناقشون ويضحكون لو مره سوى من غير مشاكل حتى لو كانت فيه مشاكل يحلونها ويتخطونها سوى
كمل السلطان بضحك : وذي عاد امسّ الثالثه مناير انتبهي تسوين لها شي ولا تنرفزينها تدعي لس دعاوي اهل الجنوب كلها
مناير : ودش تجربين يا عذوب
عذوب بضحك : لا انفداك خلنا كذا حلوين
كمل السلطان : عاد ذي اختس اغزيل ونعم البنات كفو ودايم عند البل وتراني جايبينها غصب
غزيل بضحك : يوه يبه ذكرتني ترا نياقك يا خالد ما عندهم ماء
خالد : ليش ما حطيتي لهم
غزيل : قبل يومين انت حطيت عيشه لنياقك وغذيت عن نياقي
خالد بتذمر : يووووه احقدت علينا الناقه
ضحكو كلهم وكمل السلطان : وذا اخوس فارس ياويلس يا سواد ليلس لو كذبتي عليه يطلع القانون كله عليس
فارس بضحك : تعبان ولا كان رديت عليك
كمل السلطان : وذي عاد اختس ميلاذ
قاطعته عذوب بابتسامه : المعروف لا يعرف
وقف السلطان وضحك وكمل بحنيه : عليس خير اجل الحين عرفتيهم كلهم حياس الله بين اهلس واخوانس وان كان بخاطرك شي ولا ما عجبك شي هاذيني موجود وامس انوري موجوده وسعديه ومناير واخوانس وخواتس كلهم موجودين ولا يردس شي يا بنيتي اتفقنا
عذوب ناظرت فيه وبكت وقفو كلهم على بكاها
ضمها السلطان بضحك : افا علامس واضح انس للحين ذاكره يومي قلت لس تبكين عند اخوانس
ميلاذ الي على طول فهمت سبب بكاها : يبه هي الحين تعبانه خلها تجي ترتاح
قامت نوره ومسكتها مع ذراعها وعذوب فكت السلطان ومشت مع نوره لفوق
نورة بحنيه : علامس يمه تعبانه ؟
عذوب هزت راسها ب ايه
نوره حطت يدها على جبين عذوب : مافيس الا العافيه بس تعالي
فتحت نوره باب الغرفه وكان فيها بس سريرين
وخمس فرشات في الارض
نوره بابتسامه : شوفي كنت انا ابيس تنامين على السرير جنب ميلاذ بس ميلاذ قالت انك بعيده عنها ونزلت على الارض وحطت فرشتس جنبها
جت ميلاذ من وراهم : وش فيها ميلاذ ؟
لفت عليها عذوب بابتسامه
نوره : لا تخافين مافيس الا الخير
ميلاذ ناظرت في عذوب : بسولف معش شوي عادي ولا بترقدين
عذوب بجديه : منجدك انتي تستأذنين
ابتسمت نوره لهم : انا بنزل تحت وذا بغيتو شي علموني
سحبت ميلاذ يد عذوب بسرعه ودخلت وقفلت الباب
عذوب : شوي شوي يالمجنونه
ملاذ : موب حنا اتفقنا انش ماتبكين بعد اليوم وتصيرين قويه ولا يهمس شي
عذوب حكت حواجبها بورطه: والله ابوك هزمني بحنيته
ميلاذ بضحك : ابوك تستهبلين ؟ الحين ابوي ابوك
عذوب : تعبانه بس مابي انام
ميلاذ بتحقيق : كم لش موب نايمه ؟
عذوب بضحك : خلاص يالمحقق كونان
ميلاذ بضحك : انا احقق هنا وانزل لاخوي فارس يكمل المهمه يلا كم ؟؟!
عذوب بضحك : والله شوفي يمكن يوم ونص
ميلاذ شهقت بصدمه : يوم ونص وتقولين تعبانه بس ماودش تناميييين !
عذوب : شسوي والله موب بيدي
ميلاذ وقفت : الا بيدس بس انتي مادري وش يلي صارعك على الدنيا
مسكتها مع كتوفها وسدحتها
عذوب بضحك : شتسوين مابي ارقد
ميلاذ وهي تنفض البطانيه : تلايطي موب بكيفش
عذوب : طيب مابي ابي انزل عند امي
ميلاذ : انكتمي لاحقه على امش بعدين
ضحكت عذوب : طيب ارقدي معي
ميلاذ : طيب ارقدي انتي اول
توجهت ميلاذ للمبه عشان تطفيها
فتحت نجد الباب وجنبها عذاري
نجد ناظرت عذوب : بتنامين
ضحكت عذوب : اختك تبيني انام غصب
ميلاذ ناظرت نجد : نجذوه تخيلي لها يوم ونص موب نايمه وتبي تنزل عند امي نوره
نجد ناظرت عذوب بضحك : معها حق ارقدي بس لاحقه على امسّ
ميلاذ: تنامون معنا؟
عذاري بضحك : قولي انتي الي تبين تنامين موب هي
ضحكت ميلاذ : لا والله بس عشانها بزر وتخاف
عذوب وهي تخزها: من شاكي لس الحال
نجد وهي تطلع من الغرفه : ارقدو ارقدو بس
ميلاذ وهي تناظر عذاري : وانتي تنامين معنا؟
عذاري : لا بنزل شوي وعقبها باجي
ميلاذ : طفي معش الانوار وقفلي الباب
طفت عذاري وطلعت
ميلاذ: تدرين عذوب
ما حصلت استجابه
ميلاذ: عذوب رقدتي
برضو ماحصلت استجابه رفعت راسها تناظر في وجه عذوب
ضحكت ميلاذ : قال وشو قال تعبانه بس ماتبي تنام وهي مثل الدجاجه اول ما حطت راسها رقدت
أنت تقرأ
نمشِي على طوارف عذبها جَاهلين عذُوبتها .
Espiritualالي ما يعدك لا تعده والي يشب النار لا يزعل على دخانها - ومن باع الوصل بعنا دياره " صكيت باب العتب وكرمت نفسي واقفيت ".
