دخل سلطان البيت وقال لهم ينادون العيال كلهم وراح للمجلس خمس دقايق وكلهم جو
خالد والوليد وهايف وسعود
سلطان ناظر فيهم باستغراب : وين فارس
خالد حك حاجبه بوهقه: مسكور . (يعني راقد )
السلطان : وفيه احد يرقد الساعة 10 تعبانه ولا وشو ؟
الوليد : يبه فارس كان عنده محاظره ولا خلصت الا العصر وهو له يومين موب راقد رجع تعبان ورقد على طول
السلطان : اها طيب ماعلينا
السالفه ومافيها ابيك يا هايف تغدي المستشفى الي تشتغل فيها وتشوف لي معلومات عن وحده اسمها " عذوب محمد الخويلدان " من يوم ولادتها لين يومها ذا فاهم
هايف : ابشر بس ليش يعني
السلطان : يعني تبي تعرف ليش
هايف : اذا ما يضايقك الموضوع يعني
السلطان بابتسامه : تكون اختكم ونبي دليل عشان ناخذها
العيال بصدمه : ها : وشو : كيف اختنا؟
السلطان : سوو مثل ما قلت وتعرفون كل شي
خالد : وحنا وش نسوي ؟
السلطان بمقاطعه : وابيكم تساعدون اخوكم هايف ابي عنها كل شي بالتفصيل الممل وعلمو كيس النوم معكم ابيه اول واحد
العيال : ابشر
ثاني يوم دخلت نوره تصحي العيال عشان دواماتهم
شغلت اللمبه وصارت تصحيهم وكلهم استجابو لها وصلت عند فارس وصحته ولا قام حست ان جسمه حار حطت يدها لجبينه : واه سمالله عليك يمه
رجعت هزته مرا ثانيه : فارس فارس يمه قوم
فارس بنوم : ماعندي محاضرات اليوم وخرو
هايف من فراشه : صدق ابوي يومه سماه كيس نوم
الوليد خذا المخده وحذفها على فارس : قوم قامت عليك نخله نايم ولا احسن منك وامس صدعت روسنا بشخارك وولولتك ولا واحد عرف ينام
نوره بحده: ولد انه وياه فيه حراره
سعود طالع من الحمام وينشف وجهه بضحك : اذا بتدلعيني كذا مثله حتى انا فيني حراره
نوره بطقطقه : يا سخافتك انت وياه خلص قوم لأنادي ابوكم الحين يوريكم حرارة العقال ع الجلد
هايف والوليد فزو من مكانهم للحمام الوليد دف هايف : وخر مناك
هايف : يامعتوه انا قايم قبلك
مسكو بعض وصارو يتهاوشون قدام الباب جا خالد ودخل الحمام وقفل الباب
هايف بعصبيه: عاجبك الحينه ؟
الوليد : ايه يدخل الثلجه ولا تدخل انت
جت مناير : شقومكم يالله صباح خير انت وياه سلامات ؟
توجهت لوليد ومسكته مع اذنه
وليد : يمه مناير شفيك مع صباح الله خير قبل شوي تقولين شقومكم والحين تالتني مع اذني
مناير : تستاهل عشان تحترم وليدي يا قليل الحيا
هايف بضحك : شفت الدلع على اصوله هنا
وليد بالم : كل زق انت الثاني ، طلع خالد من الحمام
هايف : بدري !
راح الوليد يركض للحمام وقفل الباب
خالد ببرود : عليك
مناير وهي جالسة تحط كمادات ل فارس : خلص انت وياه ابوكم ينتظر
خلصو كلهم ونزلو تحت يفطرون
في بيت محمد عذوب ومها وياسر جالسين يفطرون وعزام جالس ينتظر
عزام رفع ساعته : يلا متاخرين الساعه 6:14
عذوب وهي تحط اللقمه في فمها وتقوم تلبس العبايه : يلا يلا اطلع وبنجي
في المدرسة
دخلت عذوب ومها وسجلو تاخير ودخلو فصولهم
رن جرس انتهاء الحصه الاولى وعذوب كانت تهوجس ولا انتبهت انفتح باب الفصل ودخلت ميلاذ
توجهت ل مكان عذوب وقفت قدامها وعذوب ما انتبهت اسغربت ميلاذ من حركتها وحطت اصبعها على الطاوله وصارت تطق في الطاوله بخفيف : وين وصلت الحلوه ؟
عذوب بتدارك الوضع : هاه معك معك
انتبهت انها ابي قدامها ميلاذ ووقف وضمتها
ميلاذ بضحك : واضح انك معي معي
عذوب بتنهيدة : ماعلينا انتي شخبارك
ميلاذ : الحمدلله وانتي
عذوب : شوفت عينك
ميلاذ : امشي نهرب من الحصه من زمان ما سوينا مصايب ولا دخلنا غرفت الاداره وسلمنا عليهم
عذوب بضحك : قدام
طلعت ميلاذ وجت بتطلع عذوب بس مسكتها المراقبه
عذوب : وخري بطلع
المراقبه : ممنوع اصبري لين تجي الاستاذه واطلعي
عذوب دفتها بنرفزه : وخري زين
طلعت وراحت هي وميلاذ ورا المدرسه
ميلاذ وهي تتطمن على عذوب : شخبار ابوكم معكم
عذوب : اهخخ وش اقول بس الحمدلله
ودقايق وهم يسولفون جت بنت تركض
البنت : عذوب الحقي المدرسه كلها تدورك ولا لقوك وشكلهم بيتصلون على ابوك
عذوب بشهقه : الا ابووي
راحت عذوب وميلاذ يركضون داخل المدرسه
ووراهم البنت قابلتهم المديره عند الباب
المديره : مشاءالله وين كنتو
عذوب بخوف : اااا كنا ور
ميلاذ بمقاطعه : كنا في الساحه
المديره بعصبيه : ساحت وشو تستهبلين على من انتي
ميلاذ بصوت عالي : قلت كنا في الساحه ولا درينا
المديره : قدامي انتي وياها وندق على اولياء اموركم وقولو لهم انكم كنتو في الساحه
عذوب برجفه وصوت خافت : الا ابوي تكفون
المديره : وش تقولين انتي ما سمعت ؟!
ميلاذ : خلك في حالك ما كلمتك
مشت المديره وهم مشو خلفها ميلاذ مسكت يد عذوب : معليك منهم خلك قويه
دخلو الغرفه وقفلت المديره الباب : وبعدين يا ميلاذ ما مداها نبدا السنه ما تطفشين انتي ؟
ميلاذ هزت راسها بالنفي وبابتسامه : لا سوو واسوي
المديره : ووش حن جالسين نسوي لك عشان انتي تسووين ، عالعموم في كلا الحالتين درجاتكم ومستقبلكم وتراها درجات ثانويه موب ابتدائي الله يطول بعمرك انتي وياها
عذوب: لا تدقون على ابوي
المديره : وعلى اي اساس اساس ان بنته جالسه في الفصل ولا على قولتكم في الساحه ابوك انتي وياها بيدري ويلا فوق وخلني اشوف وحده نازله منكم فاهمين
ميلاذ : بتندمين على ذا التعامل
المديره باستفزاز : لا بالله ورني وش بتسوين يا بنت خلني ساكته بس
ميلاذ ضربت الطاوله بيدها بعصبيه : من بنته ها ما تعرفني اعرفك من اكون انا اكون ميلاذ بنت السلطان اكمل ولايكفي لا خلني اكمل السلطااان آل عابر شفتي ذولي الاسمين بس يشلونك وينفرون بك ويردنك محل ما كنتي فاهمه الحين عرفتي من بنته انا يا حضرت المديره ؟!!!
المديره : ودامك عرفتيني الحين اروح اكلم ابوك ونتفاهم سوى تمام
ميلاذ بتقليد لكلامها : انتبهي لنفسك تمام عشانك انتي الي جبتيها لنفسك يا بنت خلني ساكته
المديره وهي بتسوي نفس حركت ميلاذ : من بنته ها ما تعرفيني انا اعرفـ قاطعتها ميلاذ وهي تعطيها ظهرها وتطلع من الغرفه ومعها عذوب
ميلاذ بابتسامه : شفتي شلون رفعت ضغطها الحينه تاكل حبوب ضغط هههههه
عذوب : عجبتيني الصراحه بس خلني اطلع اجهز نفسي واهيئ نفسيتي عشان القادم
ميلاذ بضحك وهي فاهمه قصدها : فديتك بس روحي الله يعينا اليوم
دخلت عذوب الفصل وجلست مكانها وانتظرت لين تخلص الحصه وراحت للمراقه
عذوب : انتي الي علمتي صح
المراقبه بابتسامه
عذوب : اضحك معك انا ؟
المراقبه : شغلي
عذوب : والي راح يصير فيك بعد تراه شغلي وحق وواجب علي برضو
المراقبه : روحي بس
أنت تقرأ
نمشِي على طوارف عذبها جَاهلين عذُوبتها .
Spiritualالي ما يعدك لا تعده والي يشب النار لا يزعل على دخانها - ومن باع الوصل بعنا دياره " صكيت باب العتب وكرمت نفسي واقفيت ".
