Aagawin Kita Sa Asawa Mo...

KABANATA 14

KACEY's POV

Itinaas ko ang aking hawak na kopita bago sumigaw ng malakas.

Kacey: Cheers, everyone!

"Cheers!"

Sabay-sabay na itinaas ng aking mga bisita ang kani-kanilang mga hawak na kopita sa ere.

Kacey: Kain lang nang kain at inom lang nang inom. Marami akong in-order na foods and drinks for all of you. Remember to have fun!

Naghiyawan ang ilan sa aking mga bisita at ang iba naman ay nagpalakpakan.

Kacey: Remember, this is a house party, kaya pwedeng mag-stay dito sa aking house ang lahat ng mga gustong mag-stay overnight.

Sinundan ko ng malakas na hiyaw ang sinabi kong iyon.

Muli ring humiyaw ang ilan sa aking mga bisita.

Pinipilit kong maging cool para mapalagay sa akin ang aking fellow Malaking Bato Subdivision residents. Parte ito ng aking planong paghihiganti.

Ang makuha ang tiwala ng mga taong aking paghihigantihan.

Nakaranas ako ng kalupitan dati kaya ibabalik ko rin sa kanila ang kanilang itinanim.

Nagtanim sila ng kasamaan sa kapwa kaya aani sila ng parusa.

Parusang doble pa sa aking sinapit mula sa kanilang mga kamay.

Malas nga lang ng iba sa kanila rahil matitikman nila ang aking paghihiganti rahil sa kasamaang naranasan ko mula sa kanilang kapamilya, kadugo, o asawa.

Katulad na lamang nitong si Georgia na babysitter ng anak ng mag-asawang Paul at Mila. Nakakulong na ang pinsan nitong si Bernard na isa sa mga taong nagkasala sa akin noon kaya si Georgia ang makatatanggap ng parusang dapat ay sa pinsan nito.

Katulad din nitong si Mila na half-sister ng isa pang nagkasala sa akin noon, si Veronica. Maliban pa sa misis si Mila ng demonyong si Paul.

Nasa mental institution na si Veronica kaya naman si Mila ang sasalo ng parusang para rapat sa half-sister nito.

Alam kong maling idamay sa aking paghihiganti ang ibang taong hindi naman nagkasala sa akin. Pero galit ako.

Galit na galit ako sa mga taong nanakit sa akin noon.

Galit na galit ako kay Edgar na siyang dahilan nang pagkasira ng aking pagkatao noon.

Si Edgar ang dahilan kung bakit ako naghihiganti ngayon.

Si Edgar at ang kanyang mga kaibigan. Isama pa ang lahat ng taong nakisali sa pang-aapi ni Edgar at ng kanyang mga kaibigan sa akin noon.

At sa aking nakikita ay maganda ang simula ng aking paghihiganti. Mamaya ay kukumustahin ko si Barbie para itanong dito ang tungkol sa aking nakitang paghahalikan nila ni Edgar.

Ito na ang simula nang pagbagsak ni Edgar at ng iba pang mga taong nanakit sa akin.

Gusto kong makapaghiganti sa lahat ng sumira sa aking pagkatao kahit idamay ko pa ang kanilang mga kadugo.

Naaalala ko pa ang naging usapan naming dalawa ng aking kasintahang si Bogs kahapon.

Pinipilit ako ni Bogs na huwag idamay ang mga taong inosente sa aking paghihiganti.

Kitang-kita ko ang pag-aalala sa mukha ng aking kasintahang si Bogs habang pinapanood ako sa pagdidikit ng mga larawan ng aking mga paghihigantihan sa whiteboard na nasa aking harapan ngayon.

Narito kami ni Bogs sa loob ng aking tinatawag na secret room.

Kacey: Are you worried, baby?