ماينسيني صبري وشقاي الا شوفتك

31

وسن :بس لك ثلاث ايام ما اكلت
تركي: مالي نفس طيب
وسن وهي تبكي قهر على هيام وعليه: تركي عشاني هل مرا بس
اخذه تركي واكله قدامها وحضنها وقال: بلاقي هيامي صح؟
وسن وهي تبادله الحضن وتحرك يدها بضهره: اكيد دام تركي فيها بيلاقيها
دق جواله من سمع ان في طفل بل مستشفى تبيه يروح لها
راح المستشفى وشاف فرح وفز لها مسرعه ومسكها ونطق: فرح
فرح وهي تبكي : انتي صح الي تعالجك هيامي؟
تركي بحزن : ايوا الحين كيف جيتي
فرح: هربت ولقيت شخص وطلبته يجيبني لمستشفى ال***
وجالني وناديت الممرضه تدق عليك
مسك خدودها ونطق: الحين ممكن اطلبك طلب
فرح: ايوا
تركي: بعطيك ورقه ورصاص ابيك ترسمين لي شكل البيت
عطاه ورقه ورصاص وخلاها على الكراسي وراح للكميرات
فتح الكميرات وشاف الرجال الي جاب فرح واخذ له الفيديو ورجع لفرح واخذها معه للمركز وخلاها تكمل رسمتها هناك
تركي: وافي تعال
وافي : سم
تركي: بعطيك فيديو لواحد طلعه لي واعطني رقمه بسرعه
وافي : ابشر ارسله الحين لي
ارسل تركي الفيديو له وطلع الرجال ورقمه
وافي : امسك هذا هو رقمه لكن ليه؟
تركي: اصبر
دق تركي عليه ورد تركي: السلام عليكم
رد: وعليكم السلام
تركي : انا تركي ال خليفه شرطي ممكن تجي المركز
رد عليه: تمام اجيك الحين
بعد نص ساعه تقريباً جا الرجال وستجوبوه كطف جابها وكانت باي مكان
نطق الرجال وقال: كانت على حدود الرياض بتحديد بطريق ال**
فز تركي وقال لوافي :اسمع بروح خل معك فرح واذا دقيت عليك ارسل دوريات
فز وافي ونطق: والله ما تروح لحالك
تركي بعصبيه: اقول اجلس ولا تخرب سو زي ما اقول لك سامع؟
وافي جلس ونطق :ابشر
مسك طريقه تركي لين وصل وطلب من وافي يصور رسمة فرح له ويدور على البيت ولقى بيت مهجور ونغزه قلبه انه هو دق على وافي ونطق: اسمع بعد عشرين دقيقه ارسل لي دوريات للموقع هذا
وافي : تمام

بيت ال اياد:-
ماما كلي بس لقمه
امنه بحزن: مالي نفس كلي انتي
اريام وهي تبكي: يا ماما صار لك اسبوع ما تاكلين ولا تنامين عشاني على الاقل حتى انا ابي اختي وروحي وحياتي بس للحين يا ماما نحاول ادعي ربي ما معنا الا هو
امنه وهي تبكي وتصارخ: كيف تبيني اكل وانا مادري بنتي تاكل او لا وانا مادري اذا تشرب مويه او لا كيف تبيني انام وهي ما نامت هاا
حضنتها اريام من دخول اهل ال خليفه البيت وسن تروح عنده وهي تصيح وتحضن اريام وتنطق: اريامييي
اريام وهي تبكي: وسونتي هيامي ما لقيناها
وسن: تركي بيلاقها انا واثقه بس خل ندعي ربنا
واحت شيماء تهدي امنه وتصبرها

البيت المهجور:-
كانت تصيح خايفه على فرح اكثر من نفسها وكانت تصيح لن ما تدري كم صار لها هنا  وما اكلت ولا شربت مويه من يومين
دخل خالد ونطق: حتى ونتي تعبانه حلوه حظك اليوم مافي الا حارسين يشوفونك مو قد امس وقبل امس
(يقصد ان امس وقبل امس اقام مرقص بل بيت قدامها )
هيام: الله ياخذك يامريض
خالد: سدي حلقك يا حلوه لا تخليني اجي واللمس منطوقك بمنطوقي
لف خالد من تلقى لكمه كبيره ومؤلمه على وجهه وكانت من تركي طاح خالد مغمى عليه من شدة الضربه
هيام بفرح وهي تبكي وشعرها وغطي شي من وجها: تركيي!! جيت
تركي بفرح وحزن: جيت يا عيوني
فك حبالها ومسك يدينها المحمره الي كلها مليانه جروح وحضنها وقربها لصدره باسرع ما عنده عشان يتلقى الضرب بدالها كان خالد ضرب عنق تركي الي خلاه ينزف دم وهيام تصيح:تركيييييي
تركي  بصراخ: هيام اطلعي بسرعه
خالد : والله ما تسلم مني يا تركيي
لكمه تركي وبدو يتضاربون تركي نزف فمه اكثر من ضربات خالد المتكرره دخلت هيام بعصا حديد تضرب بخالد وتصيح :اتوه يمريض بعد عنههه
فز تركي يمسكها بالم: خلاص هيام بتقتليه
هيام وهي تبكي وتصارخ: ما يهمني خله يموت يستاهل
تركي مسكها بكتوفها ولفها له: اسمعيني وناضريني خلاص
هيام وهي تناضر عيونه وتبكي وتحاول تهدي : تمام خل نطلع بسرعه
دخل وافي وصد من شاف مهب متغطيه لاحض تركي وللمره الثاني يشيل جاكيته ويغطيه فيها وطلعو
وافي: وصلها البيت وانا بفتش المكان وارجع ادور على باقي العصابه
هز تركي راسه بل ايجاب ونزل لسيارته هو وهي وهي تبكي مو مصدقه انها راح ترجع لاهلها
هيام: تركي
تركي: قلبه
هيام تو تستوعب رده وتنحنح وتنطق: كيف عرفت مكاني ووين فرح

( اللهم لا تجعل روايتي تشغل عبادك عن ذكرك)