ماينسيني صبري وشقاي الا شوفتك

37

تركي: لا ممنوع مابيك تشوفيني مشقق
وسن باصرار: ورني محا ادخل حتى توريني
تركي: مابي تشوفين وسونتي عشاني
وسن: تخلي حبيبة القلب تشوف وانا لا
تركي ابتسم: مو على كيفي والله
وسن : المهم يلا بساعدك واذا مضرر مرا بنادي هيام
تركي: الا اقول ادخلي بسرعه شوفي الاحداث وافي خطب اريام بيدخل ابوها يتخذ شورها
وسن يدها على منطوقها: احلف؟!!
تركي بضحك من ردة فعلها: والله
باست خدده ونطقت: لا تحسب اني مشيتها لك هل مرا وبرضو رد علي اذا ارسل لك باييي
راحت بسرعه عندهم ودخلت

عند مروان:-
دق على امنه وردة
مروان: هلا بحبيبة القلب هلا
امنه وهي مبتسمه: ابي اتغزل بس لازم اثقل قدام الحريم
مروان: افا ما تعطينس طاقه ايجابيه عشان حريم؟
امنه وهي تبتسم: تجي اعطيك افعال بس انطق
استحى مروان من ردها ونطق : تعالي انتي واريام وهيام بل المقلط
امنه: ابشر الحين نكون عندك
امنه راحت عند اريام ونادتها
وسن كانت مسرعه وشافت امنه تنادي اريام وهي مسرعه عندهم
امجاد بخرشه: بسم الله الرحمن الرحيم وش ذا التفحيط
غمزت وسن لامجاد وغرام قالت اصبر
نادت اريام وهيام ونطقت: ابوكم يبينا بل مقلط
راحو ودخلو وجلسو من نطق: اريام بنتي جيتك بشور
جاينك خطاب
اريام بتوتر وهي تفرك يدها: من؟
مروان: وافي اخو شوق الي معكم وقالي اجي اسالك يبون رد اليوم والشور شورك يا بنتي استخيري واذا ارتحتي وتبينه الله يوفق لكم واذا ما ارتحتي خذي راحتك وعادي مو اول خاطب ولا اخر خاطب
اهيام مبتسمه اشد الابتسامه:الله
اريام وهي تفرك يدها: بس يا بابا ما برد لهم خبر الحين كذا قبل يرجعون البيت برد لك خبر عشان بستخير
مروان: خذي راحتك يا بنتي انا عطيتك العلم واذ قررتي دقي علي
امنه تحضن بنتها وتمسح على وجها: الحين استانسي ونص اليوم استخيري وردي خبر تمام؟
هزت راسها بل ايجاب وسلمو على ابوهم وطلعو فكو البا من طاحت امجاد وسن وغرام على الارض مخروشين
هيام بضحكه وتمسك على بطنها من الالم: كنتم تسمعون يحيوانين مين علمكم انها شي مهم
اريام فاهيه بس تضحك على موقفهم من نطقت: موقف لا ينحسد عليه
ضحكت امنه وراحت
رجعو راحو المجلس وجلسو يسولفون حتى جا العشا وتعشو وطلعو من بدا يخف المعازيم وصار تقريبن بداية الليل
وسن رحت المطبخ عشان تدق على تركي تتطمن عليه من رد
وسن: تروكيي روحيي
تركي: عيون تركيي
وسن: كيف جرحك الحين
تركي بابتسامه : لو تشوفينه تضحكين معرف اللصق عليه
وسن: قلت لك يحمار تخليني اساعدك او انادي هيامي
عقد حاجبه ونطق : الحين بسالك سوال ليه كل ما شفت احد دلعها بياء الملكيه
وسن بابتسامه: الحين تغار عليها مني؟
تركي: شدعوه اغار منك اكيد لا بس يقهر الكل يناديها فيه ما عجبني الوضع
وسن: والله ما عرفت اخوي وهو العاشق الولهان
تركي: اقول بس تطمنتي تبين اقفل بوجهك
وسن نادتها دلال ونطقت: وسن شتفي هيام وفستانها الاسود الخايس مدري وش الحلو فيها وهي تتلفض علي
كانت دلال متعنيه تقول هل كلام حتى يسمعه تركي
نست وسن انها كانت بمكالمه مع تركي تركي سمع كلام دلال ولكن هو بدل يتخايلها بقبح تخالي عليها الاسود وكيف راح يطلعها بيضا اكثر
وسن: احلى من فستانك هذا الي كنه مزرعه
ضحك تركي من رد وسن وهمس: والله كفو افديك بروحي
دخلت هيام ونطقت: وسونتي ابي الروج الاحمر حقك حقي ضاع
دلال:انا معاي بس ما بعطيك وبعطيك نصيحه بعد مجانيه الاحمر على منطوقك مو بلايق مو حلو غيريه
رفعت هيام حاجبها ونطقت وهي متنرفزه: او انتي هنا تو الاحضك امم نسيت ان وجودك وعدمك واحد وبرضو نصيحتك خليها لك انتي محتاجتها واذا تبين عندي تعليقات عن شكلك من رجولك لراسك نصايح واجد
ضحك تركي ويمسك بطنه من الالم من وسن سمعت ضحكته وابتسمت ورفعت جوالها لاذنها ونطقت: نسيت يحيوان انك على الخط
تركي : عجبني الاكشن الي عندك
وسن: هيامي تعجبني حشرتها
تركي : هيام مو لكم لي بس بل مستقبل
هيام: وسن اخلصي راح اليوم تكلمين مين تكلمين
تركي قفل على طول وضحك ورجع المجلس

اريام:-

طلعت غرفتها واخذت كوبها من دانكن وتصورت وكانت بتفكر وتستخير من وصلتها رساله مكتوب شعر

ياهيـه التفـت لـي واسمـع دعـاي لــك ياهـيـه
تـــرا عـــادك بتـشـبـع مـــن الـبـعـد وتـواجــه
دعـيـتـك بـصـوتـن يـاصـلـك لــيــه مـاتـوحـيـه
وانا اسمع ضلوعك من صدى الصوت لجاجه
عـلـيـك الــفــواد اخــــلاج مـصـمّــخ راعــيــه
خـــاف الله فـــي راعـيــه ماتـسـمـع اخـلاجــه
تــرا العـفـو قــد جــاك اوّلــه واغـتـنـم تـالـيـه
وتــرا الحـلـم بـحــرٍ غـيــر لاتـامــن امـواجــه
وتــرا الــود لـيـلٍ مظـلـمٍ جـيــت لـــك سـاريــه
سـراجـه وصـالــك والـجـفـا يـنـفـخ اسـراجــه

ابتسمت وراحت تستخير وارتاحت من اتصلت على هيام تجي هي والبنات غرفتها فتحو الباب و ودخلو
هيام: اريامي عيوني
اريام: تعالو هذاني هنا
رحو كلهم معها لسرير جالسين ونطقت
اريام: بنات احس وافقت

( اللهم لا تجعل روايتي تشغل عبادك عن ذكرك)