ماينسيني صبري وشقاي الا شوفتك

89

وصل تركي ورحبو فيه العيال وانشرح البيت بوجوده رغم انه هادي ومو من النوع الي يسولف واجد
اوس: يرجال وربي فقدتك
تركي: الا والله اني فقدتكم
وافي: اشوا احسب ما بتعطينا وجه
تركي بابتسامه: افا ليه
سلطان: تلومه بارد ما تتكلم
تركي: اصبرو علي كذا فتره واصير انسان ثاني
وافي: عشان كذا ساكت ومتحمل سماجتك
ايوان: شفيكم على الرجال ترا ذي طبيعته تقبلو
سلطان: نبيه يضحك ويفلها ويستانس بدل انه هاجد حرام؟
ايوان: لا تشدها ترا ما قلت شي
تركي: ايوان احسن منكم
وافي لف لتركي عطاه نضره غيره وحقد: فين راح صديق الطفوله؟! شكل طار!
تركي ضحك: ابد لك مكانه ثانيه انت
وافي: اشوا
تركي: استاذكم بطلع اسلم على الاهل
الكل: اذنك معك
طلع وراح سلم على امه وابوه قبل ينامون وشاف وسن كانت بتطلع تروح عند البنات يشوفها يفتح يدينه يشير لها تجي راحت تحضنه وتنطق: وحشتني اخخ
تركي: والله فقدتك وفقدت سوالفك فوق راسي
وسن عقدة حواجبها: ليكون مو عاجبك؟!
تركي ابتسم: ابد
وسن كملت ترجع تحضنه: اشوا اييي ما وحشتك؟!
تركي: امم لا ابد
وسن دفته تنطق: خير يبوي
تركي سحبها لحضنه مرا ثانيه ينطق: وحشتيني يكريهه
ابتسمت وسن تنطق: بنزل تاخرت
تركي: تم
نزلت وسن

‏عند البنات:-

بعد ما تجمعو البنات
دخلت جمانه تركض تدور على هيام تنطق: هياميي
هيام فزت من عند البنات تنط وتدق تحيه وتضحك: ارحبيييي
راحت جمانه تحضنها وتضحك: والله يلوموني بحبك ونتي كذا طاقه ايجابيه يحماره
هيام: اشك اليوم فيكم شي ضاربيني وماسكين علي حماره شكلني حماره صدق
روح بضحك: ههههه بطني وربي هياميي اخخخ
هيام: ياجعلها دوم هل ضحكه
روح: ابي تدومين لي
هيام : ادوم لك عيونيي انتي
جمانه: عندي لكم خبر
شوق تربعت: جويي العلوم الغانمه انطقي
وسن بضحك: هههههه بموت تربعت وقت قلتي خبر
جمانه: والله الخبر يبي له كلنا نتربع
اريام: انطقي بسرعه حماس
جمانه بحركه سريعه: اصبرو علي ابعد عبايتي وافرش لكم الخبر
راحت تعلق عبايتها ورجعت عندهم جلست تنطق: بقول لكم السالفه من بدايتها ادري اني مرا شفافه وبتبحسون اني حساسه وكذا لكن لا
شوق: اخلصي التبرير بعدين
جمانه: داومت الجامعه وكان في شله كانو صاحباتي بس تركوني كلهم وكرهوني ويطلعون عني سمعه بل جماعه دايم المهم هو صدق الي قالو بس طلعوها بشكل سلبي انا كل ما جاني خاطب استخير وما ارتاح فا ارفض فا جوني اكثر من اربعه ورفضتهم ومن اغنياء فهم درو وقالو انو فيني عيب وانا عارفه انهم يقصدون عيب خلقي وانو انا بعد عندي عيوب مو عيب يقولون شخصيتي خايسه محد بيحبني وبيتزوجني وانو انا نكره وانو مستحيل يتزوجني احد او احد يفكر يخطبني المهم ماخفي عليكم انا تضايقة شوي رجعت البيت اصبرو اتنفس واكمل
روح: خليني يوم اداوم معك امانه
هيام: ايي امانه وخذيني معها
شوق: والله ما يبي لهم الا هيام وروح هم يعقلون الواحد
جمانه: المهم خطني احد حزرو مين!
البنات بذهول: خطبك احد؟؟!
جمانه: ايي
البنات: وافقتي؟!!
جمانه: ايي
البنات: من؟!
جمانه: نواف اخو ايلاف ولد خالة هيام واريام
شوق تصفق بيدينها: الله تليقون لبعض
جمانه رمتها بل مخده تنطق: يحماره اسكتي لا اقوم عليك ترا ما احبه ولا ابيه بس وافقت عشان اوريك ذوليك انهم هما الي محد يبيهم
امجاد: كفو ولله
غرام: بزوج اخوي سلطان لازمم ودي استانس فيه واشوفه هو وزوجته مناقره قدامي
روح انخرشت من ذكرت غرام اسمه وتتعدل وتنطق: سلطان قال لك مواصف بنت احلامه؟
امجاد وغرام ناضرو بعض ينطق: تصدقين لا
امجاد: جويي نروح نستجوبه
غرام: كلكم استجوبو اخوانكم ونشوف جو اخوانا
اريام: جويي اروح على اوس اساله
وسن: تركي طلب مواصفات فتات احلامه ولقاها بهيام
هيام فزت مخروشه ومتنرفزه وبصوت حاد:ذكرتونييييييييييي
اريام: بسم الله عليك
شوق بذهول من وقفتها المفاجاة: وشو
باقي البنات: بسم الله
هيام: بقول لكم شي صار وامانه محد يدري فيه غيركم من اهلنا
مها دخلت وتوها صاحيه من النوم: الله هيام؟!!!!
هيام فزت تبتسم وتفتح يدينها تستقبل مها: مها!!!
مها راحت تركض وتحظنها وتبوس خدها تنطق: والله تتغلين علينا هاه؟!
هيام: افا اتغلى على الكل الا مها
مها: يالبىى ايي شمعتك بتقولين لهم سالفه لحد يدري فيها انا معاهم ولا مع الاهل؟!
هيام ضربت راسها بشويش تنطق:معهم وش ذا التفكير
اريام: اخلصي علمينا
جلسو وجلست هيام تنطق: تدرون احد تحرش فيني
البنات بذهول كبير وبصوت عالي جداً: وشو؟!!!!!!!
هيام: وتدرون بسبب من؟!
البنات بفضول: من؟!
هيام: دلال
مها: اخلصي قول السالفه بدون اختصارات ولا تشفيرات
هيام: ارسلت واحد يتحرش فيني قدام تركي عشان يتركني
وسن: تركي قالن لنا عنده شغل كيف يجيك جاه شي؟!!
هيام: لا ما كان عنده شغل ولا شي بس سافر عشان سمع دلال تقول هيام عندها حبيب وسافرت عشانه هو ما كان شاك فيني بس انه خايف يصير لي شي منها وسافر عشاني لكن دخل على لحضه خلته يشك فيني وجلست يومين احاول افهمه وما قدرت ولا صدقني حتى جبت له دليل
وسن: وتركي توطى ببطنه صح؟
هيام: ايي واجد بعد بغى يقتله
وسن: احسن وبعد وانا اقول شفت راسه مضروب
البنات من الصدمه مذهولين الا اريام تنطق وهي تضرب اختها: وليه ما تكلمينا وتعلمينا
هيام: كلها ثلاث ايام ما مداني اتنفس حتى جوالي بل مطار بس افكه من الكرف
اريام: الغلط علي ما سافرت معك ولا يمسكك واحد زقق
هيام: عندي الفيد تبون تشفون ال****
البنات : ايي
ورتهم الفيد وبكت اريام وتنطق تحضن اختها وتنطق: الحمدالله ما جاك شي
وسن: كملت الفيد وشافت دخلت تركي وضربه لمحمد تنطق: اقسم بالله يوم اقول ان تركي تكمله هيام وهيام يكملها تركي اني صادقه
هيام بخجل: خير
وسن: والله ولا شفت مرا اخوي لذي الدرجه
شوق: كفو تركيي والله العظيم ولا مرا تركك بموضوع قوي زي كذا
هيام استشعرت الموضوع وحست منجد ولا مرا شكرته تحس بحب كبير له تنطق: ايي والله صدق
مها: قسم بالله يا هيام لو يصيرك شي وما تكلمينا خير اخر ناس تدري
هيام بوهقه: امم اخر مرا
اريام بعد البكاء: تتكرر مرا ثانيه ما تشوفين خير
هيام: انتي رهيفه زوجك بيتعقد
اريام: كيفي
هيام حضنتها تنطق: اجمل رهيفه وربي

(اللهم لا تجعل روايتي تشغل عبادك عن ذكرك)