ماينسيني صبري وشقاي الا شوفتك

155

ومن صياحها نامت بلغلط من الضيق والتعب
.
.
اليوم الثاني:-
صحت هيام وعيونها تعورها من البكاء على دق باب غرفتها من تركي ينطق:هيام عيوني افتحي ابي اصليي
هيام ما توقعت ونست امر الصلاه شد على يدها بعصبيه وراحت وفتحت الباب بقوه وابتعدت تقدم تركيي يمسكها بزنودها ينطق: هيام اسمعيني
اخذت هيام تدفه باقوى ما عطها الله من قوه وابعدته ترفع اصبعها وتنطق بقوه : لا تلمسنييييي!!!!
تركي انذهل من ردة فعلها وعصبيتها تنهد ونزل راسه بحزن وضيق واخذ يروح ياخذ شور ويطلع يصلي دخل الحمام وهيام باقي ما صلت ولا مسحت ميكبها راحت عند المرايا تشوف شكلها واول ما ترفع عيونها تشهق بقوه كبيره لدرجه طلع تركي بشورت يركض لها خايف عليها رفعت هيام يدينها على وجها تغطيه وتقدم تركي يمسك يدينها ينطق: شفيك؟؟!
غطت بيد وجها واخذت اليد الثانيه تدف تركي بقوتها كلها تعور تركي اكثر لانها دفته بنفس المكان الي ضربت فيه الجوال من قبل تنهد تركي وهدا شوي ونطق: شفيك؟
هيام بعصبيه: انقلع انت مالك دخل روح تطمن على حبيبتك
تركي لف لها ونطق: هيام اسمعيني امانه
هيام: ماني رايقه لك ابعد
دفته مرا ثانيه من قدامها وراحت اخذت ملابسها ولوشناتها ودخلت الحمام مخططه لشي اخذت شور وسوت ميكب وضبطت شعرها ولبست فستان هادي جداً للبيت قصير لفوق الركبه عنابي اللون خلصت واخذت تلبس شراب لنص الساق وتعطرت وحطت عطر باماكن النبض وطلعت من سمعت اتصال من جوالها لف لها تركي وهو توه مخلص صلاته وانذهل من شكلها الفاتن والمغريي جداً يناضر بياضها الناصع ولمعان بشرتها الموحده وفستانها العنابي البارز لصدرها لفت هيام تترك جوالها على الطاوله وترفع الصوت وتعدل شعرها وتكلم انذهل تركي اكثر وانفتن وانغرم لان الفستان من ورا كاشف لضهرها بشكل كبير صفن تركي فيها مو قادر يمكس نفسه بس لفت نضره من سمع هيام تنطق: يلا بجيك الحين
المندوب: تمام مدام
قفلت وكانت كلياً مطنشه تركيي ولا كانه موجود تقدمت بتروح عند الباب بتتخبى وراه وتمد يدها للمنوب عشان الطلب تركي اشتعلت غيرته لان يدها بنسبه له مو اي يد لانها ناصعة البياض المايل للحمار وتلمع ومسويه اضافرها ولابسه خواتم ولو تمد يدها له ما غطاها شي لان ما عندها كم فز تركي يشد على يده ويروح بسرعه لها يمسكها من زندها قبل تفتح الباب ينطق: ليه يعني مو شايفتني؟!!
هيام بستفزاز: لا
تركي شد على يده ينق بحده: هيام لا تستفزيني ابعدي
بعدها واخذ الطلب ودفع لها وسكر الباب ومده لها واخذت الاقهوه والكوكيز وراحت تجلس وتصور وتركي يناضرها برغبه وده دقت عليها روح واخذتها ودخلت البلكونه وسكرت عليه
تركي ضرب الطاوله ينطق: الله يل.عنك يا مشاري حرمتني من قربها
فتح الواتس وارسل لوسن يكتب: يعيون اخوك فاضيه؟
وسن ردت: ايي امريني تروكيي
تركيي: بقول لك موضوع ما تعلمين احد؟ حتى اخوي
وسن: ابشر
تركي: تزاعلنا انا وهيام ومو عارف اراضيها ولا راضيه تسمع تبريري وش اسويي
وسن: الموضوع وش
تركي سرد لها الموضوع من الالف للياء ونطق: ووهقني ومن امس تصيح وما تخيلني حتى كلمه اكلمها
وسن: اولاً انت غلطت انك مسكت جوالك بيوم زواجك وجلست عليه وهي قبالك لازم تعتذر ثانياً كان المفروض تخليها غصب تسمعك مو لازم انك تمسكها اكيد انها قدام وجهك انطق لها بكل شي وورها المحادثات الي مع البزر المتخلف ثالثاً خذ لها شي يرضيها لانه تعور قلبها المسكينه اول يوم لها وكرفت قلبها بعمريي
تركيي: شكراً وسونيييي
وسن: توكل راضيها ترا لا اسمع لسى زعلانه اقطعها معك
تركي ابتسم: ابشري
عند هيام:-
كانت تفضفض لروح وسردت لها كل شي وساندتها روح وطبطبت عليها لكن روح انشغلت وعتذرت من هيام بترجع بعدين تكلمها تنهدت هيام تترك جوالها وتناضر القمر حست ببرد لانها لابسه جداً كاشف دخلت واول ما دخلت وقف ترمي ونطق: هيام والله العظيم ما اراسل ولا عندي حبيب**
هيام نطقت قبل ما يكمل كلمته: تضحك علي انت ههه شفت بعيوني شفت كل شي
تقدمت هيام ولحقها تركي ونطق: والله مو انا هيام قسم بالله انه صاحبي
انتبه لها انها بتدخل وتقفل على نفسها بل مطبخ لكن مد يده بسرعه كبيره يسحبها ويحطها على الجدار ويحشرها ويمسكها بقوه وينطق: اسمعيني ""كانت تقوم تركي عشان تهرب""
تركي بصوت مرتفع وهو يحاول يهجدها: والله العظيم مو انا وحلفت لك هيام بس اسمعي تبريري هيام قسم بالله انه صاحبي مشاري وبوريك محادثاته كان يراسل وحده على انه انا وبدون شوري او علمي والله ما اكذب عندي دليل والله هيام
هيام قوامته باقي ولكن تركيي من حس انه عور كتوفها وعند صدرها الكاشف جدا من مسكه حضنها ونطق بحزن وشوق لها: هياميي بس عطيني فرص وحده اوريك طيب امانه
هدت هيام وفكرت يارب انه صادق صارت اكبر امنياتها وبعدته ونطقت: الحين بسرعه توريني لو ما اقتنع وشكيت بطلب الطلا**
سكر منطوقها باصبعه ونطق بقهر وعصبيه: والله انك حلالي وحدي ومو حلال لغيري وهل كلمه مستحيل اطبقها او انطقها لو يخيروني فيها وبلموت اخترت الموت
هيام بعدته ورحاو جلسو على السرير وفتح جواله تركي ومده لها قرت كل شي وفهمت الموضوع وعرفت ان تركي مو مذنب ولا بشي وان ذيك البنت كانت تحب تركي وذاك يحبها وراسلها على انه تركي
ابتسمت هيام بخفيف جداً جداً لكن تركيي كان يتامل تعابيرها اول ما شاف ابتسامتها اخذ جواله ورماه وحضنها وشالها ودار فيها وينطق: الحمدالله
ابتسمت هيام بشده كبيره وارتاحت بشكل كبير جداً تركها تركي ونزلها ولصق جبهته وجبهتها ببعض مبتسمين يحسون بانفاس بعض ينطق بخذل وضيق باين بصوته من هيام : ما توقعت تشكين فيني وما توقعت تحسبيني من هل نوع وما توقعت انك ما راح تعطيني فرصه وما توقعت انك ما تبين تسمعيني
حست هيام بذنب والحزن عليها وابتعدت تناضر عيونه ونطققت بدلع وهيام فيه : اخر مرا اسفه يعيون هيام
ابتسم تركي بضيق ودفن وجهه بنحرها مو قادر يتخطى. شكلها

اليوم الي قبل:-
وصلو بيت جمانه ونواف البنات والعيال نواف ضيف العيال وجمانه البنات
عند العيال:-
سلطان: يازين الرياض بس ابي انقل هنا الديره مابيها وحشه
ايوان: الرياض تجننن لكن الديره غير ايامنا فيها وناسه وطلعات وكشتات هنا اذا بوليفارد ولا كوفي ما جوي ذي الاشياء
اوس: انشهد انك صادق
نواف: فيها حياه اكثر وجو
ومر الوقت وهما يسولفون وما حس سلطان بنفسه الا انه يفكر بروح
عند البنات:-
جمانه: يونس بيتي معكم واوو
شوق: اخخ وربي يونس جمعتنا
امجاد: ودي ننقل هنا ابي معكم
غرام: بنات شرايكم دامنا بنجلس اسبوع نسوي جدول
اريام: قداممم
روحح: والله يلا نجدول
وبدت السوالف اكثر واكثر ومر الوقت
جمانه: بنات شرايكم نطلع الحوش مسويه لنا جو هناك مفاجاة
فزو البنات دليل الايجاب وطلعو وكانت مجهزه جلسه كامله بسناكاتها وحلوياتها والفلم مسويته وبس يجلسون فز البنات بفرح مستانسين وجلسو كل وحده مكان وجلست روح مكان وناضرت جنبها وشافت فاضي ابتسمت من تذكرت هيام مشتاقه لها
عند الرجال:-
خطط سلطان انه يبادر ويتقدم باول خطوه
ودخل الواتس لرقمها وكتب لها رساله وارسلها وطلع
عند روح:-
شافت جوالها اشتغل ولكن ما لفت انتباها الا رساله من (سلطان)
اخذت جوالها بسرعه تفتح الرساله وشهقت بقوه لدرجه لفو لها البنات كلهم ينطقون:وش؟!!!
روح بتوتر: ولا شي حشره طيرتها خلاص
لفو كملو الفلم ورجعت روح لجوالها