ماينسيني صبري وشقاي الا شوفتك

128

انا ترا راضيه احبه لحالي بس مابيه يكون كذا دايم متضايق ياليت الي تحبه تصير لها ولا يوجعني قلبي عليه اكثر وهو ياذي نفسه وكل شوي ينزل عنها تغريده
جمانه: واذا كان انتي وكل ذا انتي؟
شوق: انا اسفه وحقه علي بس وش سويت عشان كذا ما يحط امل فيني صح اني الغلط علي ما اوضح حب**
دخلت هيام بعد ما سمعت كلامهم الثنتين تنطق: عشان يوسف؟
شوق اشرت لها تدخل وتسمر الباب لان تبيها لان هيام عندها غير وما تخبي عليها شي راحت هيام مبتسمه تجلس ترجع تنطق: عشان يوسف
شوق: شوفي انا ماحب يوسف كان مجرد اعجاب ويوسف للحين يكلمني ويحاول يراسلني وانا سافهته وبكل مرا ابلكه يجيني من رقم ثاني اما حسام احس منجد اني احبه وانه انسب شخص لحيات لاكن مادري ليه اشوف ينزل تغريدات عن وحده مدري منو
هيام: يمكن انتي
جمانه: ايي قلت لها انا حسام مستحيل يحب بسرعه ومستحيل يحب احد ما بينهم مواقف
شوق: اوك ما انكر ما بينا مواقف بس مدري ليه احس مو انا
جمانه: واذا طلع انتي
شوق ابتسمت تنطق: بسوي حفله هه
هيام: زوجوهم والمهر علي وقتها ههه
جمانه لفت لشوق مبتسمه تنطق: اسمعيني يا روحي اليوم نواف قايل بيعلمني وبعد بعلمك اذا انتي او لا وبعد حتى لو ما كان انتي يا عمري هذا قدر والله كاتب لك كذا وترا حتى لو ما يحبك حنا نحبك وبيجيك الشخص الصح بحياتك
شوق وهي منزل راسها: صح
وقف هيام تنطق: باي جوجو لازم نفلها ونرقص مابي حزن
سحبت شوق تطلعها معها للقاعه يرقصون ابتسمت جمانه وكملت تقرا اذكار المساء،،وصلو القاعه وسط المعازيم اخذت يرقصون مع بعض مستانسين ولافتين واجد الانضار ابتسمو البنات وقت شافوهم ينزلون من الدرج مسرعين يرقصون ويضحكون ابتسمت روح وقفت تسحب وسن معها يرقصون واخذت ايلاف اريام والباقي يناضرونهم ويغنون مع الاغنيه
كملو يومهم وناسه ورقص وفله واخذو البنات يجلسون يجهزون لزفة جمانه لان صار الوقت اخذو يعرضون فيد لجمانه ونواف الي كان من المصوره قدام الحضور وانبهر الحضور بجمالهم وكان متزوجين عن حب كان الفيد معبر جداً وجميل جداً لدرجه اخذت ايلاف تبكي حبً لاخوها ولجمانه مستانسه لهم
لفو البنات عليها اخذت مها توقف تضرب راس ايلاف بشويش وتحضنها تنطق: اسكتي ترا بصيح وانا
ايلاف وهي تبكي ضحكت تنطق: هه كريه نواف احس اول مرا اشوفه كذا
مها: منجد احسه مذهول
ايلاف وهي تمسح دمعوها وتضحك: واضح طاح على وجهه الحمار
بنات الجماعه كانو من الحاضرين:-
البنت ١:واو ذا زوجها؟
البنت ٢: ما تستاهله ابد احس
البنت ٣وهي تلف شعره من شعرها: يليق علي
البنت ١ لفت لها تنطق: ايي ايي واضح
البنت ٢: كيف جاها واحد كذا وش يبي برخمه
البنت ٣: منجد
وحده من البنات كانت ساكته لاكن نطقت: شعليكم صار زوجها وملكها!
البنت١: انتي انطمي شدخلك
صار وقت تنزف العروسه خلصو تجهيزات ولفو الاضائه لباب جمانه وتقدمت شوق وايلاف يروحو يفتحون الباب لجمانه وبدت تنزف جمانه بهدو وابتسامه عريضه واخذو شوق وايلاف يساعدونها بل فستان وطرحتها الطويلهه كانت رافضه تلبس سلبر (يكرم القارئ) لان تبي تلبس كعب عشان تبان طويله ولكن اجبرتها هيام على السلبر (يكرم القارئ)
اخذت تنزل الدرجه والكل مبهور بجمالها يسمون عليها ابتسم البنات بحب لجمانه واخذو يصورونها،،،،انزفت وخلصت وسلمو عليها المعازيم وعطوها الهدايا وصار وقت انها تطلع مع نواف وتسافر لان صارت ٢ ونص بليل ابتسمت بضيق توقف ويساعدوها البنات تطلع غرفتها غرفة العروس طلعو البنات ودعوها
ام جمانه بحزن: استودعتك الله الذي لا تضيع ودائعه
حضنتها جمانه والغصه فيها بادلته الحضن امها وراحت ترجع تودع البنات ونزلت جمانه للقاعه الي صارت فاضيه ويجلسون كلهم بلغرفه حق العروسه عشان وتنزل جمانه وام جمانه للقاعه يدخل حسام وابو حسام للقاعه الي صارت فاضيه
تقدم ابو حسام لبنته يحضنها ويقبل راسها ينطق: انتبهي لنفسك واي شي ترا رقمي موجود واذا احتجتي شي كلميني
هزت راسها بل ايجاب وتقدم حسام يحضنها ويمسح على ضهرها منبهر بجمالها يهمس: حصنتك باسم الله
سمعت همسه وابتسمت اخذ يبعد ويقبل راسها يمسك يدها ينطق: انتبهي لنفسك وكوني انسانه مسؤوله انا اودعك لانك بتروحي وترجعين وما اكون هنا لشهر احتجتي شي كلمي ابوي وترانا معك وانا اخوك ولك ومعك اوصيك بنفسك انتهبي عليها كلي وتعالجي وحافضي على صلاتك وقرأت القران واذكارك ويا جوجو لا اوصيك على نواف ترا نواف غيررر نواف انسان انا واثق فيه بحياتك انه راح يحميك و اذا ضاق ساعديه واذا احتاجك كوني بجانبه وحبيه ولا تحسبين اني ما وصيته وهددته بعد رغم اني واثق فيه وانا احبك يا جوجو
ابتسمت تبكي تنزل راسها وترجع تحضنه تنطق: اعشقكك
ابتسم حسام يبعدها ويمسح دموعها بشويش عشان الميكب ما يخرب ينطق: ما عاش من يبكيك
شوق طلعت وشافت حنان حسام على جمانه ابتسمت بضيق تبكي ودها تنزل وتودعه وتحضنه لانه سمعت كلامه وحست بشعور غريب
اخذت تودع امها واخذ حسام وابو حسام شنيط جمانه يركبوها سيارة نواف وتركب جمانه ويحرك نواف سيارته
.
.
.
رجعو البيت كلهم واخذ حسام يودعهم ويودع الرجاجيل وامه ويطلع يحرك لان لازم يحضر الساعه سبع الصباح والحين صارت الساعه ٤
ابتسم بضيق يركب سيارته بهدوء الليل الموحش يناضر يمينه ويساره ما يشوف الا شنطته حق سفره اخذ يفكر يحس بغصه بحلقه وده ما تطلع يلف يناضر الفله وده يودعها وده يسمع صوتها ودعه يحضنها ينطق والضيق باين بصوته: استودعتك الله يا من احبب قلبي استودعتك الله يا من روحي تحيا بها
شد على يده الي ماسكه مقود السياره يسكر عيونه لدقائق ويفتح ينطق: بسم الله توكلت على الله
حرك سيارته متوجه لدوره
،،،ناضرت سيارته تحركت اخذت تبكي بشده تحس قطعه من قلبها نقصت تجلس على الرض تمسح دموعها لان حتى لو تفكر تاخذ رقمه وتكلمه ما تقدر لان الدوره العسكريه مافي احد يقدر يدخل بجواله شدت على يدها بضيق تاخذها وتنزل لغرفتها
.
.
.
اخذ تركي يودعهم كلهم وامه ويرجع ينطق
:يلا استاذكم كذا ثلاث ايام اربع وانا راجع باذن الله
هاشم: بحفظ الله يوليدي
سلطان: بلحقك على المغرب تمام
تركي: تمام لا تتاخر ترا بكرا المحكمه
""كانو مسافرين عشان قضية محمد الي تحرش فيها وعندهم الدليل عشان يسجنوه وكان المحامي سلطان""
اوس: ورا صاير وداع واجد ترا بيجيني اكتئاب وانا اودع ذا وذا
ايوان: تعود يرجال
اوس: طيب ماقدر
ايوان: حتى انا وربي
تركي ابتسم: كلها ايام ونرجع
اوس: اشوفك ما تجي فال امها نتضارب
تركي: ابشر
اخذ تركي يطلع ويحرك يتوجه للرياض