ماينسيني صبري وشقاي الا شوفتك

120

اخذه نواف وبرغم انه مو مرتاح له وواجد ولانه يعرف الخيول الي تهيج والخيول الهاديه اخذه وتقدم في للساحه يربطه وقفت جمانه بجانب نواف الي كان قريب من الخيل يبي يركبه وكان قريب من رجل الخيل الي ورا اخذ نواف يشوف اذا مشدود ومثبت حق الخيل الا وهي ثواني يضرب برجله الخيل صدر نواف يطيح نواف على سياج وتاذى بضهره من مسامير كانت موجود بسياج تالم ووضح عليه الالم ولهو قادر يوقف كل الي سواه سكر عيونه من الالم وجمانه مذهوله بشكل كبير وخايف وجداً على نواف تروح له ركض والغصه بحلقها تنطق وهي تحط يدينها على وجنتيه: نواف!!!
نواف بالم يحاول ما يوضحه: هممم
جمانه بدت تبكي تنطق: بدق على احد بدق على حسام يجي
وقفت وكانت بتمشي لكن استوقفتها يد نواف ينطق: لا م..و لا.زم
جمانه: الا
نواف باصرار: جمانه قلت لا
جمانه كانت اول مرا تسمع اسمها من ثغره وكانت بنبره باين فيها الالم تنزل عنده تنطق وهي تبكي: وش اسوي
ابتسم نواف ينطق: حاولي تساعديني اوقف اروح غرفهه للي يجون هنا هناك
جمانه بهتمام: تمام يلا
وقفت تحاول تساعده يوقف لكن ضهره صاير ينزف واتملت تيشرت الابيض كله دم حاولت جمانه توقفه واخذ حيل منها واجد وقدرت وتمشي فيه بشويش جداً وهي تبكي ونواف يتالم تحس انها السبب لو خلته يختار ما كان تاذى اخذ يلف راسه لجمانه يشوفها تبكي ويضحك ينطق: ل.يه تب.كين
جمانه لفت له بغضب: اسكت انت مو وقتك
وصلو للغرفه وعشان تقدر تنزله على السرير لازم تمسكه عشان مايطيح على ورا مرا ثانيه اخذ يحاول يجلس ونزل يدينه لخصرها النحيل الي كانت رافضه بل بدايه يمسكه لكن الحين سامحه وبقوه انه يمسكه حاوط يدينه بخصرها وراسه عند صدرهاا سمع نواف صوت قلبه الي يدق بسرعه دليل على توترها من لمسه هو اساسا كان مجبور انه يمسكها عشان ما يطيح وهو يحاول ينزل يجلس بس كان عاجبه اخذ يستانس داخليا ًمدى جمال خصرها النحيل الي كان يتامله ويحس بشعور انه صاير ملكهه وانه شي يخصه وابتسم ينزل بهدوء ويبعد عنها وتنزل على ركبها تناضر وجهه الذبلان والمتالم ورغم كذا فيه ابتسامه خفيه استغربت تنطق: تبتسم على وش
نواف: ابد ولا شي
تحسب عشانها تبكي وقفت تنطق: مو حباً فيك معليك بس انا كذا
نواف فهم انها ما فهمت وفهمت انه يقصد بكائها لكن كان يقصد انها ما كانت تعطيه مجال يقربها لو كانت مساعده له وتتكابر عليه حتى اليوم مسك خصرها وبشكل واضح جداً وحسه بكل مكان وكيف كان عاجبه وبقوه وده يجلس كذا لفتره اطول ينطق:حلو ت.م
اخذت تدور بل مكان شنطت اسعافات اوليه ولقت شنطه تحت السرير شافتها من بعيد تروح وتطلعها وتتفتحها وتطلع الادوات والعلاجات
نواف اخذ يشيل تيشرته ويجلس يحاول يشوف ضهره المشقق واجد وقاعد ينزف من كثرت المسامير الي دخلت بضهره من قوة الطيحه طبعاً طلعهم،،،فزت من لقت المعقم حق الحروح والمرهم ولاصق الجروح ترفع نضرها لنواف وانذهلت من شافته بدون تيشرت لكن كانت مصدومه ان عضلاته بارز وواجد مو نفس ما توقعت جذبها بشكل مو طبيعي لكنا صدت بسرعه تفكر(يمه،،ماتوقعت عضلاته كذا واجد بارزه)
ناداها نواف ينطق: عادي عطيني انا
اخذت نفس وتشجعت تفكر بينها وبين نفسها انه خلاص بكرا بيصير زوجهاا وبيصير ااكبر حقوقه انه يلمسها ويقربها وهي تشوفه كذا اخذت نفس تلف وتبتسم بوجهه تنطق: لا انا بسوي لك
سكت نواف من يشوفها تروح وراه وبدت تعقم الجروح

مجلس الرجال:-
تجمعو كلهم وما بقى احد كل العايله وشاف العيال كلهم موجودين معدا نواف اخذ نفس يوقف وينطق:يرجال بقول شي
لفو له كلهم بستغراب يهزون راسهم بل ايجاب وابو حسام مستغرب فولده هل ايام مو على طبيعته وملاحظ عليه بس ينتضره يتكلم
حسام: اول شي انا سجلت بل عسكريه ثاني شي قبلوني ودورتي بعد بكرا الصباح يعني ارحع من العرس وانام واصحى اروح
العيال حزنو كلهم لان حسام عندهم غير وبيفقدونه وراح يرجعون الرياض وهو مسافر فزو العيال كلهم يحضنونه
وابو حسام مصدوم ينطق: كم المده
حسام: شهر ونص الا ابشرك خففو علي كان ست شهور
ابو حسام: زين يا ولدي علم امك وربي يحفظك ويوفقك وهذا ان شاءالله شين زين وانت قده يوليدي تعرفني ارفع راسي فيك وانت كتفي وضهرر يا حسام
ابتسم حسام بحب كبير لكلام ابوه الي حسسه انه انسان يفتخر فيه ينطق: طالع عليك يا يبه
ابو حسام: علم امك يوليدي
حساام: ابشر اروح لها الحين
طلع حسام ودق على امه تقابله بحوش الحريم يكلمها ويقول لها

عند البنات:-
شوق: جوجو ما ترد علي
روح: غريبه
غرام: شتبين
شوق: كنت ابي اسالها عن موضوع
غرام: اها
هيام: بنات بسوي لنا شاهي نعناع
امجاد : ايي امانه اشتقت لشاهيك
مها: منجد حتنا
فزت هيام وهي مبتسمه تروح تسوي وقفت مها تروح جناحها تبي تشوف كم لبس لترف دخلت الغرفه وشافت ايوان تون راحع من المجلس وجالس على الكنبه يفكر راحت لعنده تجلس ،، لف لها ولهان ومشتاق لها رغم الصباح كانو مع بعض اخذ يحضنها ويشدها لصدره دق جواله وابتعدو عن بعض واخذه يشوف المتصل من عقد حواجبه وتوتر من شاف رقم البنت الي تكرها مها تتصل عليه لف لمها ينطق: مها
مها فهمت وهزت راسها بل ايجاب انه عادي يرد اخذ يرد ويحطه سبيكر ويتركه على الطواله
البنت بدلع: استاذ ايوان
ايوان بصوت خشن ومهيب: ها
انقهرت مها من صوتها الي واضح انها تتدلع عشانه وعقدة حواجبها
البنت بدلع وتغنج: اذا مو مشغول ممكن ترسل لي مستندات حق الرجال الي بامريكا لان الرئيس طلب وهي عندك يعني لو سمحت
ايوان لف يناضر مها الي شاده على يدها وودها تعطيها كف بس مو قدامها ابتسم ايوان يقفل المايك بدون تدري و يقرب مها ويطبع قبله على منطوقها ويبعد شوي ويرجع يطبع قبله ثانيه ويبعد ينطق من فتح المايك: تمام برسلها
البنت: عادي اذا مشغول خلاص
ايوان: بعد نص ساعه ارسلها
البنت بدلع: تمام بايي

(نزلت حق اليوم)