ماينسيني صبري وشقاي الا شوفتك

131

عند جمانه ونواف:
اكلو وخلصو وطلعو من المطعم وركبو السياره
جمانه: بنروح مكان ولا بنرجع
نواف: للحين افكر
جمانه: شاريك نروح كوفيي
نواف: تمام
جمانه صفقت من الفرحه لف نواف يناضرها توهقت جمانه من نضرته البارده بعيونه العسليه تنطق:حسبت بترفض بس
نواف: شدعوه المهم تبيك كوفي محدد؟
جمانه: ايوه في واحد مطل على البحر بعطيك الموقع
نواف: تم
ارسلت جمانه الموقع لنواف فتح جواله ودخل عليه وحرك للكوفي

بعد عدة ساعات

عند تركي:-
بعد ما طلع من الكوفي طلع متوجهه لمكان يفكر فحياته كيف بتصير مع هيام وتصير حلاله وتصير ملك له وحرمه كان متحمس وجداً لكنه خايف من خالد الي للحين ما تاب يلاحق هيام فقط لانها اخذت بنته منه،،،،،وصل للمكان ونزل قابل رجال ينطق بكل شموخ وهيبه: سلام عليكم
الرجال: وعليكم السلام تركي؟!
تركي: الله الله
الرجال؛ ارحب
تركي: البقى
ابتسم تركي ورجع كمل: خذ هذا هو يوصله اليوم تمام
الرجال: ابشر يوصله بعد ساعتين
ابتسم تركي ينطق: انتبه لحد يشوفك
الرجال: باذن الله
تركي: بروح توصي على شي
الرجال: سلامتك
ابتسم تركي ورجع لسياره يركب

عند البنات:-
بعد ما اخذت روح هديل وعطتها احدى بجايمها واخذت شور وارتاحت وقفت روح تنطق: هدول يلا ننزل
هديل: فين؟
روح: عند البنات ينتظرونا
هديل: احس متوتره
روح: ترانا خواتك قبل نكون صاحباتك تمام
هديل ابتسمت تنطق: ودي اوفيك بحقك لو شويي
روح: انك تكونين اخت لي وما تستحين كذا توفيني
هديل: ابشريي
روح بابتسامه :جاهزه؟!
هديل: ايي
روح: اجل اللبسي عبايتك بس وحطي طرحتك مو ضروري النغاب احتياط لا نقابل احد من العيال
هديل: تمام
روح لبست ولبست بعد هديل معها واخذو ينزلون وصلو عند الباب ومسكت روح يد هديل شدت هديل عليها متوتره ابتسمت لها روح ودخلو وقفو البنات مستغربين مين الي مع روح الا هيام تحس انها عرفت مين بظبط تقدمو البنات يسلمون عليها روح تاشر على هديل تنطق: هاذي هديل صاحبتي بنات
ابتسمت هيام تنطق: ارحبييي اوفف تجننين
هديل استحت كانت منزل راسها وقت نطقت هيام تجننين رفعت نضرها وانذهلت روح من جمال هيام حتى بدون ميكب ابتسمت هديل تنطق: انتي الي تجننين!
روح: هيه اغار المهم يلا اشبكم كذا واقفين
جلسو البنات وجلسو يسولفون معها
هديل وهي منزله راسها: انا هديل الي روح والمحامي سلطان دافعو عنيي
وسن: الحين خلينا نستانس ونسولف وخليك من السلبيات شوق: منجد الحين نبيك تضحكينن 
مها: ايي عاد ترا مسوين كل ذا لس
روح: بنات فينها ارياميي
وسن بحزن: سحبت علينا وسافرت مع الحبيب
روح: ههه خليها تستانس شعليك
كانت: هيام ملاحظه على روح التصنع بل وناسه والضحك هيام  تنطق: روحح تبين هوت شوكلت؟
روح: ايي ايي
لفت روح على هديل تنطق: تبين ونتي هدول؟
هديل: مدري
روح: والله لو تذوقينه من يد هيامي واووو
هديل ابتسمت: تمام اجل عادي
راحت هيام تسوي لهم هوت شوكلت
روح لهديل: شفتي الي راحت هي اختي وروحي وقلبي وكل شي حرفياً شفتي انا ما عندي خوات او اخوان وعوضتني عن الكل صاحبتي من وحنا صغار مرا وحنا بزارين
سكتت تنطق: بس تدرين وش
هديل وهي مبتسمه تشوف حب روح لهيام تنطق: وش
اخذت روح تبوس خد هديل تنطق: صار معي اختين
هديل مذهوله من حنان روح الي ولا مرا ذاقته من احد كان كل احد بذي الدنيا ضدها كانت امها الوحيده معها بكل شي وتحبها وهي كل حياتها بس قدر الله وفقدتها  هديل ما تدري كيف ربي ارسل لها روح وكيف ارزقها بشخص يساعدها ويحبها تنطق والغصه بحلقها والدموع بعيونها وكل البنات يناضرون: وش سويت حتى تجيني
روح وهي حاسه بضيق هديل واجد روح كانت كاتمه كل ضيقتها وحزنها لان تحس انها تعرف كل معانات هديل لانه مرت بهل موقف مع صاحبتها الله يرحمها تنطق والغصه بحلقها : كذا شفتك حبيتك كذا
بكت هديل على وصول هيام انذهلت هيام من بكائها تلف تناضر روح الي تتمثل القوه روح كان حيلها منهد انها تواسي هديل لان تحس انها مو طبيعيه ابداً وروح من النوع الي مستحيل تبكي قدام احد لكن ما تدري ليه دايم تضهر قوتها وعند هيام وسلطان ما تقدر بكت هديل وتركت هيام الصحن على الطاوله تتقدم وتتفهم حالت روح لانها تعرف هل حاله لان روح مرت بشي جداً صعب مع صاحبتها المتوفيه الي كانت تعيش نفس معانات هديل تقدمت هيام تحضن هديل وتمسح على راسها وتقرا عليها خلصت هيام وباقي هديل تبكي جمعت هيام بيدينها وجهه هديل تنطق: انتي قد هل شي وانتي قويه وربي ما حطك بهل شي الا وهو يبي يختبرك ويا هدول ترانا معك ولك وروح مستحيل تقصر معك بشي وترا روح مو اي شخص تحذه اذا حبت احد مستحيل تتخلى عنه ومستحيل يفرق بينكم شي  فلا تفكرين يوم من الايام ان حنا مو معك وفكري ان بيتنا بيتك
هديل وهي حاضنه هيام تهز راسها دليل على ايجابها
وقفت وسن تسحب هديل تنطق: صار دوري احضنها بعدي
ابتسمت هيام تنطق: تمام تمام ههه
ابتسمت هديل وقفت شوق تتقرب من هديل وتاخذ مناديل وتمسح وجه هديل من الدموع تنطق: وجهكك مفقع لعد اشوفك تبكين ضربتك
مها: يلا يلا اشربي الهوت شوكلت نبي نشوف الرياكشن
هديل وهي متانسع وتضحك من الوناسه تنطق: تم
مدت يدها للكوب،،اخذت هيام يد روح توقف وتسحبها لغرفتها
دخلت فيها الغرفه وسكرت تنطق: روح عمريي ناضريني
روح كانت ساكته ما تتكلم ولا تبدي اي ردة فعل
اخذت هيام ترفع وجه روح لها تنطق: تنفسي يروح روحيي
روح وهي تاشر على صدرها دليل على انها مو قادره تتنفس تنطق هديل اذا تكلمتي تقدرين يلا قولي اي كلمه
نزلت هيام يدينها الثنتين ليدين روح تشد عليها ما قدرت روح تطلع اي كلمه اخذت هيام تحضنها وتمسح على ظهرها بكت روح على طول وتشهق تبكي بشكل هستيري هيام وهي حزينه تنطق: بسم الاه عليك يروحيي
روح وهي تبكي: هيام خايفه
هيام : روح اسمعي معليك محا يصيرها شي ولا ابوها يقدر ياذيها وترا سلطان واعدك وهو قد وعده وماشاءالله عليه بيوفيه لك بس اصبري عليه الضروف ضده هل وقت وبعد والله العظيم لو تضايقين يوم ولا تكلميني
روح: هيام لا تتركيني يوم بدونك
هيام ضربت راسها تنطق: اترك الكل ولا اتركك وبعد مستحيل وش ذا التفكير
روح ضحكت وهي تبكي تنطق: ما اقصد قطع العلاقه لا ابيك بكل مرا احتاجك
هيام: ابشرييي ما طلبتي شي معليك اصبري كلها شوي وارجع انشب بك
روح: حلو اجل
هيام: عدلي وجهك المفقع يلا عشان نطلع هديل تحتاجك
ابتسمت روح تروح تعديل وجها
عند البنات:-
هديل: واو وش ذا يجنن احلى من الكوفي بعد
وسن: فديت زوجة الاخ بس
شوق: منجد مبدعه هيام واو